دعوة في ظهر الغيب لكل من تدخل الموضوع

السلام عليكم
اخواتي بمنتدى عالم حواء اتمنى تفيدني بالحل واللي ماتقدر تساعدني او ما اعجبها الموضوع امانه معاها انها تدعي لي بظهر الغيب انه الله يفرج كربتي ويحلل عقدتي

مشكلتي بدأت قبل اربع شهور فيه ناس خطبوني وتكلمت اخت الولد الكبيرة معاي بكل صراحة والبوا انهم يزورونا عشان يشوفوني خاصة انهم ماهم من نفس ديرتنا وفعلا جاءت امه وخواته الثلاثة الكبار وهو معاهم وتعرف على ابوي واخواني واعجبهم ولكن اللي حصل انه رفضني بسبب السمنة وهو ماشافني بس من خلال وصف امه وخواته وامه كان لها الدور الاكبر بالرفض اكثر منه هو مع انه وزني وجسمي بشهادة الكل انه ماني سمينة حيل وعاتبت اخته اللي كلمتني انها ما قالت لي شروطه كان وفرت علي هالاحراج قدامهم وقدام اهلي ولكن ما اقول الا وعسى ان تكرهوا شي وهو خير لكم حيث اني بدأت اخفف من وزني واهتم بحالي اكثر

المشكلة يابنات اني ماني قادرة انساه ولا اطلعه من تفكيري وخاصة بعد ما عرفت انه الرفض بسبب انه يرضي امه لاني ما اعجبتها شكلا وانه ممكن يتجاوز عن نقطة السمنة لكن امه ارفضتني فاعجبني بره بامه وانه مقدم رضاها على كل شي حتى على حساب نفسه والمشكلة الثانية اني دعيت عليه وقت ما سمعت الخبر انه الله مايكتب له الزواج الا مني انا وصار كل ما يخطب يااهل العروس يرفضون ياانه اهله ما لقوا احد بالمواصفات اللي يبونها واتضايق يوم اسمع هالكلام واندم على تسرعي بدعوتي عليه وبعدين ارجع اقول يستاهل لانه كسر بخاطري وصار هذا حالي كل يوم ادعي انه الله يبدل الحال وانه اذا به خير يجمعني معاه واذا به شر يبعده عني

فاتمنى اني القى حل لهذه المشكلة لاني فعلا متضايقة منها ومكدره خاطري وخاصة دعوتي على شخص ما ضرني بشي