دعوة لتبادل الحب حتى فى الخنقة

انا اتضحلى ان الحب مش عطاء على طول مهما كانت درجة الحب فلابد من تبادل العطاء وكمان لازم كل طرف يشيل التانى فى خنقتو هحكلكو ازاى
انبارح كنت على اخرى من العيال وبزعق طول النهار وكل شوية حاسبى يا بنت اختك حاسبى تقعى وهكذا 00000 مش هطول عليكو انتو فاهمين
بس اخر النهار حبيت اتفرج انا وجوزى على فلم اجنبى اسمة اسبيدرمان كان حلو
وفى نص الفيلم واحدة من بناتى وقعت من فوق الكنبة وانا من كتر القلق والخوف يكون جرالها حاجة زعقت فيها بغباء بدل مشوف مالها لدرجة ان زورى وجعنى واتنرفزت وسبت طبعا الفيلم وقمت
كنت بقة متوقعة انة يجى يدادى ويحايل ويهدينى
بس اللى حصل انو جة قالى مالك تعالى نكمل الفيلم قلتلة لا كفاية بقة اعصابلى تلفت وكنت على اخرى عايزة حد يهدينى بجد
وبعدين راح هوة يكمل الفلم
انا طبعا اتغظت اكتر:angry2:وطلعت بقة اقولة هو انا اهم ولة الفلم الزفت دة وبعد كام كلمة حلوين منى طفى الفيلم هوة كمان وقام وقالى عشان تستريحى
طب دة اسمة كلالالالالالالالالام
ونمت منكدة ومتضايقة
بس النهاردة حاولت احكى معاة كان عايز ينام
برضو فضلت احكيلو واقولة المختصر المفيد
وفى الاخر احب ااكدلكو ان الحب مهما كانت درجتو لازم تبادلو فى كل حاجة والمراعاة لابد منها