~~!!~~ طريقة التشبيك ~~!!~~

درسنا الاخير سهل وكثير ممكن ما يحتاجونه ،، لكن ما نقدر ننسى الي تحتاجه وبالتأكيد بعد عشان تكون الورشة مكتملة

طبعا للتشبيك اكثر من طريقة وكل وحدة براحتها كيف تحب تسويها
بشرح لكم الطريقة الي استخدموها في الباترون

الحين عندنا قطعتين



نطبقهم على بعض بحيث يكون وجه الوردة مقابل القطعة الخلفية بهذا الشكل




بالنسبة لي اشتغلت بالاول القطعة الامامية وبعدين الخلفية
ولما انتهيت من الخلفية ما قطعت الخيط على طول بدأت التشبيك
بس اذا كنتي قطعتي الخيط كل اللي تحتاجيه ان تسوي الي بين القوسين
( دخلي الابرة في اي غرزة تريدين تبدين التشبيك منها ، لفي الخيط واسحبي الابرة ، منزلقة في الغرزة الي بعدها وبكذا ثبت الخيط وابدي التشبيك )

ممكن تشبكين بمنزلقة وممكن بحشو
انا افضل الحشو احسها تمسك الشغل اقوى وتثبته

دخلي الابرة في غرزة من القطعة الامامية وغرزة من القطعة الخلفية مثل الصورة ، لفي الخيط واسحبيه
ومثل ما قلت ممكن تسوين منزلقة وممكن تسوين حشو




صورة ثانية اذا ما فهمتوا من هذي




لاحظي كيف اول حشو مسكت القطعتين في يعض





سوي حوالي 45 غرزة حشو او على حسب الى وين تبين تشبكينهم




الحين الشنطة صارت بهذا الشكل فكل الي علينا اننا نقلبها حتى تطلع الوردة برا
وغرز التشبيك تروح داخل وما تبين





لكن انا مثل ما قلت سويتها مخدة للدبابيس
فـ للتسهيل لما شبكتهم ما قلبت الوردة يعني غرز التشبيك طلعت من برا وبينت
وسويتها بالحشو وطلعت حلوة ومرتبة






بقت اخر نقطة وهي المسكة
اذا تحبين تسوين مسكة دائرية مثل الاصل
كل اللي عليج تسوين جيبي حلقتين
وعشان تثبتيهم بالشنطة اشتغلي حشو على الحلقة والشنطة مع بعض
او ممكن تسوين المسكة بطرق ثانية
تقدرون تاخذون افكار من المشاركات في مسابقة عالم حواء ;)


انتهى الشرح :D
واتمنى ان الله وفقني افيدكم بشي
يعلم الله شقد فرحت لما شفت التطبيقات ،، حسيت اني بدأت اقدم لعالمي شيء ولو كان بسيط ..

كان الشنطه عجبتني

والخيط حقك لونها زاد حلاتها

تقدريت تكبرين الشنطه وتخلين الورده على حجمها

علشان تقدرين تستفيدين من الشنطه يعني

ويعطيكِ العافيه على المجهووود

تسلم الأيادي

مشكووووووووووره يا عسل

انا خلصتها وباقي عليي التشبيك بس افكر اني احط لها بطانه من الداخل ايش رايكم ؟

عيونج الحلوة حبيبتي :)
جتني افكار كثيرة اذا بعدلها
بس حاليا مشغولة في شي ثاني ، لما اخلصه ان شاء الله برجعلها وافكر شنو اسوي فيها




العفوو برتقالة حمراء
يا هلا فيج مرورج الاحلى :27:



ايوا طبعا مع البطانة بتكون افضل ;)
ومبروووك عليج الشنطة حبيبتي