هلاوالله بالحبايب اخواتي في الله اسال الله ان يثبتنا
اولا انا عند ماقرات الموضوع وقعت عيني
.على مكا مشرفتنا الغاليه..
البلد » جزيرة محمد عليه الصلاة والسلام
والله العظيم فز قلبي وغرغرت عيني بالدمع وانتابني حزن
لاكن ما اقول الا الله يردنا لها على خير ..
عيوني الحريصه انا لي سنتين اول ما جيت امريكا كنت في مجتمع عربي وما حسيت بالغربه مره لاكن ذبحتني الغيره وكنت اتمشكل مع زوجي كل مره ننز السوق اويكلم امرءه وكان حتى زوجي متاثر بهم لاكن كان ملتزم وهذا ماهون من غيرتي لاكن بعدها صار ينضر لهم مثل كلابهم عزكم الله وصار الوضع طبيعي بالنسبه لي ولزوجي والله انه يروح الجامعه وهو على وضؤى وياتي من الجامعه وهولسه على وضؤه ويقيم الصلاه ويصلي و عند ماامزح عليه و اقوله ما نقض وضؤاك يقول الحمد لله ما يهزون شعره من شعر راشي وما يهز بدني الا انتي اسال الله ان يثبت قلوب ازواجنا على طاعة الله
..ونصيحتي لكل مغتربه مع زوجها كوني لزوجك امه .واخته.واهله.
وزوجته المتحببه له وكل شي في حياته فهو في هذا الوقت في امس الحاجه لحبك واهتمامك ونتي في حياته كل شي؟؟
مع تحيابنت السعوديه

:26: هلا والله بالغاليات والغاليه الحريصه والله عيوني طارت يوم قريت الموضوع:o
وش اخباركم انشاء الله مستانسين في هالغربه اللي تضيق الصدر:08:

اقول ليه ماتكتبون انتم بأي ولايه عشان اخاف يكون وحده منكم جارتي وانا مادري
اقول مين منكم ساكن في سكن الأسكاي لاين لأني انشاء الله بنقل لها قريب:32:
وعلى فكره اغلب السكن سعوديين وخليجين والباقي عرب كوكتيل:24:

اما الغيره يالحريصه مابيك تطرينها اذا بنغير من كثر مانشوف كان متنا:21:
وسعي صدرك ولا تطفشينه ويسويها ترى كثر
التشديد يولد الأنفجار واللي في راسه شئ بيسويها ولا راح يلقى مثلك اذا وقفتي معه وكنتي له عون هو ناقص غربه وقرف وبعد غيره لا لا لا انتبهيييييييييي

بنت السعوديه وش اخبارك انشاء الله انكم بخير؟

والنصيحه هي اطفالكم لا تعلموهم انجليزي وهم مادرسوا عربي لأن العربي اصعب بكثير من الأنجليزي
وارجو الرد على سؤالي تراني اموت على الجيران والسوالف السنعه

:08:

السلام عليكم ورحمة الله وبركاته شكرا عزيزتي الغالية الحريصة على هذا الموضوع الرائع الغربة اقسى كلمة تسمعها الاذان و تدمي القلب لكثرة الشوق للوالدين و الاخوة والاحباب و تراب الوطن الحبيب و هوائه لاحضان

امي الحنونة و تزداد الغربة قسوة عندما تقيمين وسط العائلة لكنك لا تستطيعين ان تطفئي نار الغربة بحبهم لانهم اول من يبدا في تعميق الجرح و تبدا الحياة مستحيلة في الغربة عندما تكونين وحيدة اي دون طفل يناديك ماما و يكون شغلك الشاغل هو راحته و جعله من الذرية الصالحة اسفة للاطالة و تحياتي للجميع:35: :27: :25:

اخواتي في الله اولادنامحتا جين تربيه دينيه في البيت حتى وان
درسو في المدارس الامريكيه يكون عندهم حصانه وعارفين ان فيه فرق بين الكفار والمسلمين وان المسلم هوالصح والكافر على ضلال
واما ازواجنا فهم محتاجين لنا اكثر من اي وقت مضى فهو في الغربه ماله الا لله ثم انتي لاكن في السعوديه له اهله وناسه.
وهو اشد حبا وشوقا للد يار والاوطان والاهل والاحباب فلازم تكون المراءه المغتربه ذات قلب رحيب يضم الزوج ويعطيه الدفئ والسكينه حتي يدرس وهو مرتاح وانا متاكده انه لن ينسى جميلك معه ووقوفك جمبه ولا يلفت لغيرك ..ولي عوده انشالله
:26: :05:

حبيت بس أشكركم على هذا الموضوع الرائع
الذي يعطي متنفس للمغتربات للترويح عن أنفسهن و شرب فنجان قهوة متل ما عم تقولوا