السلام عليكم
بحكيلكم قصة اختي تزوجت اختي بشهر واحد وحملت مباشرة وكان تشكي لنا انه لايوجد وحام :06:قلنالها الحمدلله نعمة من الله لكن اتى يوم فحص النبض وكنت انا معها واذا الدكتورة انا بعتذرلك يوجد كيس لكن لايوجد جنين وطبعا حكت الدكتورة هاد الحكي وانهارت اختي من البكاء وانا متلها بس انا هديت شوي علشان اساعدها وقلتلها الدكتورة شكلها مو شاطرة واخدتها على دكتورتي وانا اثق بكلامها طبعا الطريق ساعة الاربع لنوصلها وطبعا ماحدا بعرف الا زوجها حكينا معه وصار يبكي بس شو نعمل كله من عند الله وصرت اهديها انه الكتوره هاي غير ووصلنا الدكتورة وفحصت ونفس الحكي واعتذرت النا شو بدي اعمل سألنا الدكتورة شو المشكلة حكت عادي بصيب نسبه من النساء ومافي اي شي حكت لاخني يابتعملي تنظيفات ياتستني ينزل لحالوا واختي طالبة جامعة اخر سنة وانا سالت الدكتورة شو بتنصحي عملية تنظيفات ونصحتنا فيها وشجعت اختي على عملها اختي عمرها 20 سنة وهون بلشت المشكلة ناس حكولها لاتعملي بس حكتلها همه اشطر من الدكتورة وعملتها كان هاد الحكي بشهر 3 واحنا بشهر 10وماحملت وحاسه الذنب ذنبي وانا هلا حامل ومدايقة علشانها :icon36: وبضلها تشكيلي طيب ليش ماحملت لهلا السبب عملية التنظيفات عملتلي مشكلة وانا اقولها مستحيل وبس الله بريد بتحملي وهي موحاسة اني حاسة انو انا السبب حرام ولابالها بس بتشكيلي لعلاقتي فيها القوية احكولي شو اعمل ساعدوني مين صار معها هيك تأخرت وحملت وبعدين اخدت كلوميد وكان عندها بويضتين وبس ماحملت وكانت زي مابقولوا شاده حالها بس ماحملت شوالسبب فحصت كل شي منيح والدورة منتطمة بس شو والله بدعيلها بكل لحظة وكل صلاة برمضان اضل للفجر واقمت القدر علشان الله يستجيب دعائي بدي اياها تحمل ساعدوني الله يوفقكم شعوري هاد والله ماحكيتوا لحدا غير زوجي وانتوا واسفه على الاطالة سامحوني
اناقة القمر @anak_alkmr
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..