دعوة للإيجابية.........؟

كلمات كثيراً ما نسمعها .. وكثيراً ما نعايشها..



أنا ما ليش دخل



ما ليش دعوة



أيش اللي دخلني


وأنا ليش باتعب نفسي

أنا مش وكيل آدم على أولاده

أنا مش فاضي



أنا فرد واحد



انا بعيد جداً عن هذا الموضوع



ما أقدر أسوي شي لوحدي



صعب مستحيل لا أستطيع



كلمات مؤلمة فعلاً .. تنم عن جهل مركب بحقيقة المسئولية والتعاون والإخاء والمودة والتراحم والإيجابية..



تدل على أن وعيينا ما زال قاصراً عن فهم حقيقة العمل التطوعي والعمل الخيري..



في الحقيقة آلمتني تلك الكلمات التي دائماً ما أسمعها وتسمعونها أنتم أيضاً فقلت سأكتب حول
الكل يقول : لماذا أتعب نفسي وغيري سيقوم بالمهمة ..

و(غيره) هذا سيقول نفس الكلام ..

وسيبقى المسلمون في حالهم ..

لا زيادة ..

وممكن نقصان ..

هناك موضوع " باللهجة المصرية" أعجبني فأحببت أنقله هنا ليدعم هذا الموضوع


كلنا نعرف المثل اللي بيقول :


اللي ايده في الميه مش زي اللى ايده في النار ..


يعني بنسمع كتير كلمة وأنا مالي ..


خد عندك مثلاً .. بيحصل ساعات وتلاقي واحد يقولك تعرف فلان الفلاني تقوله آه يقولك مش خسر كل فلوسه يا عيني وفلس .. تقوم انت تقول .. لا حول ولا قوة الا بالله .. يقوم صاحبك يقولك : عايزين بقي نلم فلوس للراجل عشان يقوم على رجليه تاني .. تقوم انت بكل بساطة تقول : يا عم انا مالي .. اللى فيا مكفيني .. انا هشيل همي ولا هم غيري .. والغريب في الموضوع ان اللى بيتكلم معاك 99,9% هيقتنع بكلامك ويقولك : آه والله .. هو الواحد هيحل مشاكله ولا مشاكل غيره..



بعد المقدمة الطويله دي تعالوا نشوف القصة دي و نربطها بالكلام

في مزرعة بعيدة بعيدة .. كان فيه فار صغير واقف ورا شرخ صغير في الحيط وبيتفرج على الفلاح ومراته اللي كانوا جايبين لفة وفيها حاجه ..





وكان الفار بيمني نفسه انهم جايبين أكل .. لكن للأسف لما الفلاح فتح اللفة .. كان فيها مصيدة فيران ..





الفار .. خاف جداً ومات من الرعب وجري على الحظيرة ..



وفضل يجري بين الحيوانات ويقول البيت فيه مصيدة فيران .. البيت فيه مصيدة فيران..


و راح ناحيه الديك وقاله البيت فيه مصيدة فيران .. قاله الديك .. أنا عارف انها مصيبه بالنسبه لك يا فار .. لكن أظن ان الموضوع ما يخصنيش خالص...







جري الفار على الخروف وقاله : البيت فيه مصيدة فيران .. قاله الخروف .. انا بجد زعلان علشانك أوي يا فار .. لكن .. انا بعيد جداً عن موضوعك ..








جري الفار على البقرة .. وقالها .. البيت فيه مصيدة فيران .. قالتله : ربنا يصبرك يا فار .. حاول تاخد بالك وانا هادعيلك .. بس برضه اظن المصيدة مش مصيدة بقر .. عشان كده الموضوع ميخصنيش








وباليل في المزرعه .. الكل سمع صوت تكة المصيدة في قلب الليل ..





جريت الفلاحة على المصيدة علشان تشوف هي مسكت ايه .. لكن لما قربت فى الضلمه تشوف المصيدة .. طلعت المصيدة مسكت تعبان ..آه تعبان مش الفار .. وبسرعه التعبان قرص الفلاحة وغرس فيها سمه ..





وصرخت الفلاحة وجري الفلاح بيها على المستشفي لكن بعد ما رجعت من المستشفي .. كانت محمومة جداً وحرارتها مرتفعه .. قالها الفلاح انتي مش هتبقي كويسه الا لما تاكلي الديك .. وفعلاً دبح الديك وأكلته الفلاحة ..





لكنها فضلت تعبانه .. و أهلها وأهله كلهم زاروهم في المزرعة علشان يطمنوا علي الفلاحة وعلشان كده الفلاح دبح الخروف علشان كلهم ياكلوا ..





لكن تعب الفلاحة زاد .. وللأسف ماتت .. وكل البلد جت علشان تعزي في الفلاحة .. والفلاح دبح البقرة .. ووزع لحمتها رحمه على روح الفلاحة ..





كل ده والفار بيراقب من ورا الشرخ الصغير اللى في الحيط .. وكله أسف وحزن ..





النهاية



حد فهم ايه اللى مقصود ..



أوعي في يوم تقول ماليش دعوة .. أو وانا مالي ..



بالعكس أهتم جداً .. لأن الموضوع اللى ممكن تحس أنه بعيد كل البعد عنك ممكن يكون أقرب ليك أكتر مما تتصور


ارجوا أن تكونوا فهمتوا المقصود من هذه القصه فنحن مسلمون يجب أن

نكون إيجابيون ومؤثرون في مجتمعنا وعلى من حولنا

إن الشخصية الاجتماعية من أقوى الشخصيات تأثيرآ الناجحة التي

تتسم بأنها تكون دائما نشيطة ودءوبة على العمل المتواصل وقدرة

على بذل الجهد بانتظام وكفاءة واستمرارية ... وقادر على أن يحل

مشكلات الآخرين بكفاءة واقتدار كما انه يتميز بأنه ينظر للأمور من زاوية

الآخرين لا من زاويته هو وذلك بأن يضع نفسه دائما محل الطرف الآخر

ولا تأتي هذه المقدرة بالنظرة بل تحتاج إلى تدريب طويل منظم فإذا

أتقنت هذا التدريب فإنك تصيح بلا شك مؤثرا فيهم قادرا على كسب ثقة

الآخرين في أرائك ومن ثم تصبح قادرا على كسهم إلى صفك وذلك

دلالة على نجاح تأثيرك فيهم .

الموضوع منقول بتصرف ...