بالنسبة لي قبل الزواج كنت حب دراستي كتير بس لما تعرفت على زوجي كنت صغيرة كتير كان عمري 14 سنة نسيت كل شي بس بدي اتزوجه وصار امور كتير واتعذبنا بس اخر شي اتزوجته وكان عمري اخر 18 سنة بدون ماكمل البكالوريا وانا من الناس يلي كنت اتمنى سافر بس لما سافرت واتغربت تضايقت كتير لان الغربة صعبة خصوصا اني فورا طلعت حامل ورجعت لسوريا بس من كتر المشاكل واهل زوجي واهلي وووو فضلت الغربة خصوصا ان ماعندي بيت بسوريا وبنزل عند اهلي واهل زوجي جيراننا فالوضع صعب طبعا بالغربة انا ماحدا بيتدخل فيني حتى زوجي مختلف معي للاحسن يعني لما بنكون بسوريا بيتغير علي قدام اهله لهيك بقول بلا وجع راس بلا قرف بس هاد مابيعني اني مابحن او بشتاق وانا ناوية ان شاء الله كل صيفية انزل للشام مرة وارجع بسلام

الحق معك حبيبتي يوم عن يوم عم نقتنع غنه الغربة أفضل ما تكوني غريبة ببلدك ومشكورررررة على المرور

وين البنات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بصراحة انا حيصرلي مغتربة 3 سنين ..من رابع يوم زواج كنت مغتربة عملت عرسي با الشام وفورا تغربت .
اااااااااه والله فتقتيلي جروحاتي والله مالحقت اتهنى بكوني عروس ابداااا ..تجوزت وعمري 14 وضاعت عليي سنين الدراسة
ولسى ماكملت دراستي بسبب انو ماشاء الله الحمل والولادة والاولاد وهلق عم استنى بعد شهرين طفلي التاني ...بس ان شاء الله السنة الجاية رح كمل الدراسة ...ادعيلي ربي يوفقني وتظبط وراقي هون ..ياااااااا رب ..

احلى شي با الغربة انك لحالك وببالك وماحدى بيتحكم فيكي لا اهلك ولا اهل زوجك قراراتكم من راسك لراسه ..
بس ابشع الشي البعد عن بلدك وعن حبابك وامك وابوكي واخواتك وبعد الشوق والنسيان ..والله با النسبة الي لما شوف عيلة كاملة ماشاء الله طالعين مع بعض او انه كوشة من البنات واقفين با السوق مع امهم وعم ينقو اواعي ..بحس حالي يتيمة لان مالي حدى هون غير رب العالمين ..
كتير شتقتلهن وشتقت لنكون عيلة وحدة ومع بعض ...

يارب هون علينا ها الغربة القاسية ..

مرحبا غاليتي شام مول ..

غيرت العنوان لك حتى يصير شامل لكل المغتربات ويشارك فيه الكل ...

عن نفسي .. تزوجت كان باقيلي سنه بالجامعه .. وتعزبت كتير لحتى قدرت احجز دوري وانزل بعد سنتين لحتى قدم الامتحان النهائى مع انو كان الدوام اجباري .. .بس الحمد لله مع الإصرار ،التوكل على الله والتيسير كلو بصير ..
هلآ كان عندي طموح دراسه اللغه لحتى اتقنها ودراسه فرح ما ... لكن البيت والولاد إخدين كل وقتي .. وابني لسى صغير ما فيني اتركه مع حدا ..

بقى لبين ما يكبروا الولاد وهيك بكون السنين مضت ومشيت ..

الوحده بتصير مسؤوليتها بعد الزواج غير وهي بنت .كلشي اله دوره ومسؤوليته ووظيفته ..

والله يقدرنا على آداء مسؤوليتنا بالشكل اللي يرضيه ..