غرومة.. @ghrom_1

محررة برونزية

دعوة للمناقشة بخصوص الخدم ..

الموضوع اللي اليوم بناقشة وياكم قريت عنه واااااايد وتقريبا الكل نفس الطريقة ومحيرني ، فيريت أحد يرد علي لاحظت أكثر من مرة ان في بعض الاخوات يخصوص أطباق وأكواب خاصة للخادمة وحتى ركن بالثلاجة أو درج يكون فيه اكل لها ، يعني مو كل شي مسموح لها تاكله ، بعنى ثاني انتي اللي تحددين شنو تاكل ..

ليش جذي يعني اهيه مو بشر ولا هي نجسة ماتاكل بنفس اطباقنا ونشرب من نفس اكوابنا ، انزين انت شدراج انها ما تشرب من الاكواب الغير مخصصة لها بعد ماتغيبين عنها ، ليش تحسسنينها انها نجسة أو غير عنكم ؟؟؟؟؟؟

شنو الفايدة ؟؟؟

جد والله ابي افهم ليش ..

مو الرسول صلى الله وعليه وسلم قال بما معناه ان "عامل اخيك المسلم كما تحب" ، يعني انت تحبين أو ترضين لو رحتي حق ناس غرب عنج واضطريتي انج تعيشين معاهم فترة انهم يخصوص لج طبق وكوب غير عنهم ولا حتى اكل معين يفروضونه عليج ..

والله احنا خدمنا ياكلون ويانا " احنا البنات " اذا الشباب وابوي بره البيت ، نعاملهم مثل مانعامل خواتنا أوبناتنا " خدمنا احنا دايما عمرهم من 20-40 مو أكثر" ، والله خواتي يرقصون ويلعبون معاهم ومرات كثيرة نشاركهم اكلهم بالمطبخ ، واكلهم والله امي تشيل لهم من راس الجدر ومن افضله ، وحتى لو شرينا فيلم جديد نناديهم عشان يشوفونه معانا ونطلعم اكل من برة ونقعد نضحك ونتسلى كأنهم من أهل البيت والله ، وإذا شرينا ايس كريم وشوكولاته وغيره من الحلويات شرينا لهم ، وعمرنا ماحدننا لهم شنو ياكلون وبشنو والله كيفهم ..
والله حتى كريمات الجسم اللي استخدمهم اشتري لهم لما اشتري لي من نفس النوع ..

أنا ما أقول انا إحنا ملائكة ما نغلط ، لا بالعكس إحنا نغلط وياما عصبنا عليهم وصرخنا بس بحياتنا ماضربنا وحدة فيهم ولا جرحناها وإذا تمادينا بغلطنا اعتذرنا لهم وراضيناهم ..

والله كل خادمة تروح لأهلها أبوي فديت عمره يشتريلها من كل ما لذ وطاب "معلبات ، كراتين حلويات ، كرتين جيلي وكريم كراميل ، تمور "، ملابس لها ولاهلها واحد واحد وعبي لخواتها وامها وحتى بخور وعطور والله انها تروح زيادة 60-100 كجم وابوي يدفع الزيادة من جيبة وفوق هذا يعطيها اجر شهر زيادة ، وغير هذا كل خدمنا ابوي يوديهم العمرة على حسابة وكل سفرتنا ويانا ..

وحنا البنات نوديها السوق ويوم السفر نوديها الصالون عشان تروح لأهلها عروس ..

وربي كل خدمنا يدقون يترجون امي عشان يرجعون ، وأكثر من وحدة يات على حسابها بس عشان تتم عندنا وغيرهم اللي يمددون المدة مو عشان شغل عشان يقعدون ويانا ..

وعلى فكرة احنا عدد خدمنا بالبيت اربعة "لازم اندونسيات مسلمات" لان بيتنا محتاج جذي واخواني ما شاء الله عليهم طلباتهم ماتخلص ، وسايق وصبي للدوانية "هنود مسلمين" ..

يمكن احنا اسلوبنا غلط ، ويمكن انتو الصح أو العسك صحيح ، اتمنى الاقي الجواب الشافي عند احداكن ..

وعلى فكرة أشوف وايد يسشتكون من خدمهم صدقوني لما اقولكم ان الخادمة انت اللي تشكلينها على كيفج من خلال تصرفاتج وياهم :26: ..

يلزم عليك تسجيل الدخول أولًا لكتابة تعليق.

تسجيل دخول

غزال الشرقيه • 17 سنة

الله يجزاك خير يا اختي

بس والله موكلهم يستاهلون المعامله الزينه حنا الحمدلله طبعنا البساطه مع الخدم

لأنهم مثلنا بظبط !! بس ظروفهم الصعبه خلتهم يشتغلون خدم ويبعدون عن بلدانهم

وأهلهم المشكله بعضهم أذا خليتي البساط أحمدي وعاملتيهم مثل باقي الناس

تشوف نفسها وتتعالى واذا ناديتها تسوي روحها ما تسمع هذا غير النفس الخايسه

لكن عامليها كخادمه تعرف حدودها زين !! المهم أنك ماتظلميها في شي راتبها

تستلمه كل راس شهر وتلبس مثل مانلبس وتاكل مثل ماناكل تشتغل في حدود

استطاعتها هذا حقهم علينا والله المستعان

دمتي بود

غرومة.. • 17 سنة

:26:

غرومة.. • 17 سنة

غزال الشرقيه :

الله يجزاك خير يا اختي بس والله موكلهم يستاهلون المعامله الزينه حنا الحمدلله طبعنا البساطه مع الخدم لأنهم مثلنا بظبط !! بس ظروفهم الصعبه خلتهم يشتغلون خدم ويبعدون عن بلدانهم وأهلهم المشكله بعضهم أذا خليتي البساط أحمدي وعاملتيهم مثل باقي الناس تشوف نفسها وتتعالى واذا ناديتها تسوي روحها ما تسمع هذا غير النفس الخايسه لكن عامليها كخادمه تعرف حدودها زين !! المهم أنك ماتظلميها في شي راتبها تستلمه كل راس شهر وتلبس مثل مانلبس وتاكل مثل ماناكل تشتغل في حدود استطاعتها هذا حقهم علينا والله المستعان دمتي بود

الله يجزاك خير يا اختي بس والله موكلهم يستاهلون المعامله الزينه حنا الحمدلله...

مشكورة ياقلبي ..

El Hamba • 17 سنة

والله مو كفو ، والخدامة بالنسبة لي حظ
ما يستاهلون جربت 4 وكل وحدة لي قصة أليمة معاها
وبالآخر حلفت ولا خدامة تدخل البيت
وصار 3 سنوات اشتغل بروحي في البيت وأنا راضية ومقتنعة بقضاء الله لأن لو حطيت في بالي إن لازم أطلب خدامة راح تتعب نفسيتي لأن كل وحدة طلبتها خسرت فيها أقل شي 150 دينار
وصدقيني اريح خصوصا للي يسكن شقة
أما بيت أهلي فلأنه دورين فلازم خدامة

تاج الأخلاق • 17 سنة

بالفعل هم بشر مثلنا وأنا مثلك يا أختي أستغرب من تعامل بعض الناس معهم بهذه الطريقه

والله أنا الحمد الله أعامل شغالتي برفق وعادي ما أخصص لها أي كوب أو شي

بالعكس مثلها مثلنا يكفي أني سلمتها أطفالي وقت دوامي بخاف على الأاكل والصحون أكثر منهم

جزاك الله خير