دعوة للنقاش::ألى متى حقنا مهضوم....

الســـــــــــــلام عليكم ورحمة الله وبركاته



والله يابنات دائماَ لما ادخل هذا القسم يجيني احباط وكره للرجال مو اتشمت في الحريم لا والله بس احس

احنا الحريم مظلومات وحقنا مهضوم....صحيح كل وحدة تختلف عن الثانيه بس تقريباَ متشابهة

اكيد اذا قريتوا كلامي بيجي ببالكم ان لي كم سنين متزوجه وطفشانه من زوجي

انامتزوجه صارلي 4 سنوات والحمدلله زوجي راضيه فيه ومومقصر معاي بشي ...

(طيب وش تشكين منه؟)

فيه اشياء يجهلها الرجال يعتبرونها اشياء ثانويه بالنسبه لهم ومالها داعي بس الي يجهلونه ان لها

تأثير كبييييير في حياتهم الزوجيه وتزيد من محبتهم عند زوجاتهم ...

مثل الهدية ....كثير ازواج مايفتكرون الهديه ومايعرفون وش كثرتفرح فيها زوجته..وفيه ازواج يبغون

يهدون بس مايعرفون كيف..(اولهم زوجي )اذا يبي يهديني ينزلني السوق اشتري اي شي يقول هذي هديتك
وفيه ازواج خير شر مايفتكرون زوجاته

بس تعالوا شوفوا احنا الحريم والله انا مساكين ..بس تجي اي مناسبه ...عيد زواج..عيد ميلاد..نجاح

اي مناسبه لو كانت صغيرة ...تروحين السوق وهات ياشرى من قميص جديد الى مفرش جديد الى

هديه بذاك المبلغ وتغليف لا يعلى عليه...وعارفين بقية الشغلات

غير الهديه...راجعي نفسك...اذا زوجك كان مسافر وراجع من السفر ايش بتسوين..واذا كنتي انتي

مسافره ايش بيسوي؟؟؟

ماراح اكثر كلام شوفوا انا ايش صارلي....اناجلست تقريباَسنه ونص عند اهلي وكان زوجي يشتغل

مكان ثاني وكان تقريباَ كل اسبوعين او ثلاثة يجيني

اروح من اليوم الي قبله انظف البيت كله وابخره وارجع واليوم الي بعده يكون عندي دوام وماأنام واذا

نمت ساعه بس اروح السوبر ماركت واقضي اشياء البيت للاكل واروح ابخر البيت واكشخ من الى كل

شي يجني كني عروس (طبعاَ كل هذا مافيه شي وهذا حقه وانا ما اتمنن عليه )

طيب..نجي نقلب الموقف..الاربعاء الي فات سافرت مع اهلي وهو جلس هنا في البيت وحده..اسأله كيف

البيت يقول والله ماأدخله الا عشان انام بس (يروح عند اهله طول الوقت)..ووحشتيني ومتى ترجعين

ومن هذا الكلام ..اناقلت برجع الرجال خلاص متوله ..والله يابنات حسيت اني راجعه من مشوار عادي

قلتله في الساعه الفلانيه تعال خذني من بيت اهلي ..اتأخر نص ساعه ..قلت يمكن انشغل وزحمة مافيها

شي..رحت البيت زي ماهوه على حطة ايدي..اناماقلت ينظف البيت بس على الاقل ريحه بخور بس

عشان احس انه فرحان برجعتي للبيت..اطالع فيه مو محلق ولا لابس لبس جديد ومتكشخ ولاريحه عطر

على الاقل (يعني مومعفن بس على الاقل ريحة) على عكسسسسسسسسسسي

كل مرة اعديها بس هالمرة سألته ..ليش..وليش..وليش..يقولي طفشان والبيت من غيرك مو حلو

اكيد مو حلو لان مافيه وحده تطبخ وتنفخ وتنظف وتبخر وتتكشخ طول الوقت

بس الي ابي اقوله

الــــــــى متــــــــــــــى؟؟؟

الى متى تظل الزوجة هي الي عليها كل شي ومالها شي غير الواجبات الي عليه؟؟
الى متى يظل الازواج يجهلون كيفية التعبير عن حبهم لزوجاتهم؟؟
الى متى تعتبر كل الاشياء الرومانسيه اشياء ثانوية وتافهة عند كثير منهم؟؟