(*(*(دعوة للنقاش)*)*)

بسم الله الرحمن الرحيم..
فيه شئ فعلا محيرني..هو واقع نعيشه.. غريب نوعا ما.. مالقيت له إلا تفسير واحد .. وهذا التفسير مرعب إذا فعلا كان صح!!

هو في مجال التغذية والصحة العامة للمسلمين.. كلنا نعرف إن الدول الإسلامية والعربية تصنف في مراحل متأخرة من المستوى الصحي على مستوى العالم.
الصين وفرنسا وأستراليا من أولى المراتب على مستوىالعالم..
طيب هم أش يآكلون ؟؟
في الصين يآكلون أكل صحي ومفيد بالإضافة للحشرات والقطط والكلاب والدود وكل مايخطر على البال!!!!
في فرنسا كمان أكل صحي بالاضافة للخمور وأكل الخيول والخنازير والحشرات!
طيب إحنا أش نآكل؟؟
أكل عادي مو بمرة صحي لكن لانقرب المحرمات..(نآكل الحلال ونبعد عن الخبيث).. (أنا أتكلم بعموم المسلمين ولا أتكلم في حالات خاصة)
مافي من أكلنا مثلا: خنزير أو خيل أو حشرات لاسمح الله ولا نشرب الخمور والحمد لله.. طيب هنا السوال؟ ليش هم صحتهم بشكل عام أفضل بكثير من صحتنا مع أنهم يآكلون مالذ وطاب من الخبائث وإحنا مانقربها!!؟؟؟ وأكيد ماسماها الله خبائث إلا وهي مدمرة لصحة الإنسان؟؟
الإجابة المرعبة إن فيه غلط في تغذيتنا أو في طريقة أكلنا أو نظام حياتنا يساوي في ضرره الخبائث أو حتى أسوأ منها!!!!!!!
لما جلست مع نفسي أفكر..تشتت تفكيري في مسائل كثيرة..حأقول أبسطها..
إحنا الحريم في أغلب جلساتنا لازم القهوة والحلا..
فكرت في الحلا (لاننا نستهلكه بكثرة) أش مكوناته؟؟( الحلا هنا كمثال وإنتم قيسوا عليه مختلف الأطعمة).
أغلب المكونات أشياء عادية مامنها ضرر في الغالب(خرجت من الحسبة حلا الببسي والحلويات المشابهة).. طيب إذا إنها ماهي من الخبائث ليش تضر أكثر مما تنفع؟؟
وطلعت بكذا إحتمال :
الاول:إن بعض المكونات لو أستهلكت بكمية أكبر من المطلوب صارت ضارة( الزيت , السكر....إلخ).
الثاني:إن بعض المكونات لوإختلطت مع بعض ممكن تسبب ضرر معين( مثلا نوعين من النشويات في أكلة وحدة ممكن يعسر الهضم).
الثالث: إن ممكن تكون طريقة الطبخ أصلا مضرة! (بمعنى إنه ممكن تكون بعض المواد لو طولت على النار أو إنطبخت بطريقة معينة تتحول لتصير مادة ثانية ضارة)
الرابع (وهو إستثنائي): إنه ممكن تكون أواني الطبخ ضارة..( قديمة جدا أو مخدوشة أو أي سبب ثاني )
السبب الخامس: إن تكون طريقة أكلنا ضارة (مثلا نبلع الاكل بلع بدون مضغ كفاية) السبب السادس:ممكن يكون في وقت أكلنا(مثلا نسهر على حلا .. وطبعا إنتم عارفين إن أكل الليل غير تماما عن أكل النهار.. ومضر أكثر)
السبب السابع( وهو الأخطر):إن بعض المكونات الغذائية تكون في أساسها مضرة بدون ماندري..!!
تسالون كيف ؟؟ أنا أقولكم..طبعا كلنا عارفين إن أغلب موادنا الغذائية مستوردة من برا( ومرة كان واضح هذا الامر بعد مقاطعة الدنمارك.. شفتوا بنفسكم العدد الكبير من المنتجات الغذائية الدنماركية اللي كنا نستخدمها وإحنا نحسبها إنتاج وطني زي مثلا معجون طماطم السعودية!).. إذن هي جايتنا من برا.. طيب أش يضمنا إن مافيها مواد سامة ؟؟ ماأجروا عليها بعض التجارب المخبرية وخلونا (العرب والمسلمين ) فيران لتجاربهم؟؟ أو بكل بساطة هي زبالة ولم تباع في بلدهم -بسبب وعي شعوبهم- فليش يرموها وهم لقيوا لها مكب في البلاد الإسلامية والعربية بمقابل مادي..؟
( يعني تخيلوا أحد يرمي زبالته عند أحد وهذا الاحد يدفعله فلوس!! )
لاتستغربوا لان هذا الكلام حصل فعلا..! .. للأسف..
في فترة من الفترات أجرت فرنسا على قمح بعض التجارب في التعديل الوراثي.. فرفض الشعب الفرنسي هذا القمح تماما ( لانه أصبح سام).. فأيش عملوا الفرنسيين؟؟ قاموا بصناعة كورن فليكس للاطفال من هذا القمح وأرسلوه للبلاد العربية والاسلامية! طبعا بعد حملات إعلانية منظمة ومحترفة..!! طبعا هم- ماقصروا - وكتبوا عليه معدل وراثيآ..لكن ماذكروا الانذال أي شئ عن مخاطر التعديل الوراثي ! وفعلا تصدر هذا الكورن الفليكس للدول العربية وأش سبب لاطفالنا؟؟ (( السرطان )) والعياذ بالله..

هذا تقريبا النقاط الأساسية اللي عندي لليوم..( وتعتبر مقدمة فقط ) طبعا الموضوع طويل ولسه فيه نقاش ونقاش..لكن حاليآ نكتفي بهذا القدر.. فعلا أنا ابغى أرائكم و نبغى نفكر مع بعض و نحلل أسباب تدني الوعي الصحي عند المسلمين مع إنه عندهم أفضل منهج لحفظ الصحة من القرآن والسنة ..!