السلام عليكم يا امهات
و الله الموضوع دة شاغل بالى جدا و حارق دمى
الواحدة مننا ممكن تجتهد و تتعب و هى بتفكر زاى تربي عيالها
و تروحى تشتري كتب... و تدخلى على النت تقري مقالات ... و تعرفى الصح من الغلط
و تحلمى ليل نهار ازاى هتربي ابنك او بنت... و ازاى هترسخى جواهم الصح.. و تصرفى عنهم الغلط
و بعد كل دة ... هتكتشفى انك و بكل بساطة و للاسف... مش بتربي ابنك لوحدك
امك و ابوك و اخوك و حماتك و اخوات زوجك... و يمكن كمان الجيران ... و بعد كدة المدرسة و المدرسين..... الخ الخ الخ
كل دول بيأثروا على ابنك و ممكن يبوظوا حاجات حلوة كتير بتعمليها
يعنى اقرب مثال على ذهنى... لسة حاصل من شوية
لما اخويا كان عاوز ابنى يروح له... فضحك عليه و قاله تعالى اديك حاجة حلوة... و لما ابنى جري عليه ... مسكه و ضحك و قال ههههه ضحكت عليك
و قعد يلعب معاه
و انا ليل و نهار اقول متكذبوش على الولد... لو سمحتم متكذبوش عليه... عشان حتى لو حاجة بسيطة ... هتفقده الثقة فينا ... و هيتعلم الكذب
و طبعا كل اللى حوالى بيضحكوا على و يقولوا انت عايشة الدور... دة لسة صغير هو فاهم حاجة... و بعدين ضحكنا عليه ف ايه يعنى؟؟؟ دة كلها حاجات هايفة
اااااااااااااااااه... محروق دمى و الله
بس هنعمل ايه يعنى .؟؟؟ هنقفل على عيالنا و نعيشهم ف قوقعة؟؟؟؟
ايه رأيكم ف الموضوع دة؟؟؟
هل انا فعلا مكبرة المواضيع؟؟؟
rroby @rroby
عضوة فعالة
يلزم عليك تسجيل الدخول أولًا لكتابة تعليق.
ام فاااااااااااارس
•
الله يعينا ع تربيتهم
الصفحة الأخيرة