والله ياعزيزتى موضوعك ترا حساس شوى
ووللاسف اغلب الحريم ماتحكى بصراحه كبيره فيه مدرى ليش !!
و بالنسبه للبنات هنا اللى يعرف زوجها النك تبعها طبيعي ماراح تقول الحقيقه ؟؟

انا الحمدلله مايعرف النك ولاهو اصلا فاضى لعالم النت
بصراااااااحه ....... لو رجع فينى الزمان ورا ماكنت وافقت عليه
مو لسبب عظيم بالعكس هو انسان طيب ومافيه عيوب شرعيه ولله الحمد
لكن افكارنا تختلف تماما عن بعض حتى ثقافاتنا احلامنا بالحياه ايضا تختلف
ورغباتنا ....... ايضا الظروف الصعبه اللى عيشونى فيها اهله ومازالوا يحاولون بكل قواهم
الظلم اللى شفته منهم ..................... كل شي
هالاسباب تخلينى اقول لو رجع الزمن ورا كنت ريحه راسي واخترت شخص اخر !

موضوعك جدا اعجبنى برغم حساسيته

وانا اكيد بختاره ليش اكو واحد ثاني بيرضى اني اطيح بجبده غير ريلي المسكين
ماعتقد في غيره بيستحملني على جنوني وسوالفي الي تطفش العفريت الازرق خخخ

وااااي مسكين ريلي وايد يعاني وانا مادري
بس بعد حبوب وقلبه طيب واهم شي يحبني ومجنون فيني >> مسويه له عمل خخخ

اختي معليش بدي ارد عليكي

مش معناتها انه احنا منحكي الحقيقه يعني خايفين من ازواجنا لا لا لا

انا بصدق بحكي الموضوع وصدقيني زوجي يعرف يدخل المنتدى ويعرف اسمي المستعار

بس عمره ما جرب يدخل يقراء ايش انا كاتبه

بالعكس انا اتمني انه يدخل ويقراء انا شو كتبت في كل المواضيع

بتعرفي ليش؟؟؟؟؟؟؟؟؟

علشان انا صادقه في كل كلمه حكيتها في كل المنتدى

اختي المسافره

شكرا حبيبتي

وبصراحه في خلافات بتصير كتير بيني وبين زوجي بس الحمد لله

طول ما الحب موجود تختفي كل الخلافات

بالتوفيق لكل البنات

نعم اختاره فهو الذي ملك القلب وحده لا غير:27:

حبيبتى bonitta
مو كل شي تقدر الزوجه تبوحه لزوجهامهما كانت مساحه الحريه بينهم مو معناها انها غير صادقه معاه
بالعكس لكن مثل هذى الامور هى خيالات يعنى هل بتتحقق ؟؟ طبعا لا

فمعرفته فيها ممكن يضايقه ويسبب مشاكل احنا فى غنى عنها هذا غير ان بعض الرجال الله يهديهم متسرع
ممكن لو يشوف رد زى هذا يقولها يالله على بيت اهلك !!
صح ولالا ؟؟ مانقدر ننكر وجود عينه ولابأس بها من الرجال من هالنوع
خصوصا انا احكى عن المجتمع الخليجي

وكلنا ان شاء الله صادقين ترا فى تعاملنا هنا وردودنا ولا يعنى انى ماابغاه يشوف رد لى انى غير صادقه
لا بالعكس بس ايضا ماودك الرجل يشوف مرات مشاكل نسائيه مثلا خاصه تعانى منها
ممكن يفتح عينه عليها ويبدء يركز .......ولالا ؟

ايضا مااحب انه يحس ان كل شي فينى اتعب عليه تعب من بياض من جمال من من من
لان اغلبهم بيجى يقولك الله كل هذا تسويه طبيعي بتطلعين حلوه !!
او مثلا كل هالتعب ولاهو مبين ( طبعا بينه وبين نفسه )

وهذا المنتدى كله اسرار ومشاكل نسائيه اكيد مااحبه يطلع عليها مو لشي غلط
لا بس الرجل صراحه مكانه مو بين خلطات الحريم وادويه نفاسهم ومكياجهم ولا وش رايك؟؟

بعدين ايضا شي طبيعي انى اخاف من زوجى واخاف من زعله وانه كلامى يضايقه وهذا واجب علينا
وصحيح ان بعض الرجال مايقرا لكن اعرفى ان اغلبهم يحب يقرا ايش كاتبه زوجته وايش تقول ؟؟
شي فطرى ياعزيزتى

بعدين ترا لما اقول انى لو ترجع سنينى ورا مااوافق مو معناها انى غير سعيده بالعكس ولله الحمد زوجى
يحبنى جدا ولولا هالشي طبيعي ماكنت استمريت وجبت اطفال
لكن مقارنه بالمشاكل اللى تعرضت لها وامور اخرى خاصه اكيد على هالاساس بنيت كلامى
وطبيعه الانسان مايحب الاهانه حتى لو كان بعدها احلى حياه ..ومشكلتى انى ماقدرت انسى !!
بل قد اكون الاكثر حظ فى كل شيء ولله الحمد فى حياتى الزوجيه لكن ........جا بعد تعب
هذا رأيي ,,