ضد طبعاً إني اخبي الحمل على أهلي او أهل زوجي بس ما اتكلم يعني ما اروح أقول حملت لأهل زوجي هو يكلمهم ويقلهم

وأنا إذا سألوني أقلهم ايوه حامل



بعدين العين حق بس أستغرب من اللي يقولو نخبي الين يثبت الحمل !!

طيب يعني لو الله كاتب إنه يسقط بعين إذا ثبت وعلمت مابيسقط ؟ ياما عالم سقطت في وقت متقدم من الحمل

كمان بصراحة أي تسقيط عندي ما أقول عين اقول الله ما أراد يكمل انا سقطت مرة وحمل خارج الرحم مرة , ولاقلت عين


وليش ابتلي الناس إنه عين ؟ وأنا ما اعلم الغيب اصلاً وليش ما اقول ارادة رب اللعالمين اختار لي الخيرة فيها ؟

فأنا ضد وبقوة لو أراد الله إنه يثبت بيثبت لو جو كل اللي يضربون بعين ويحسد مابيسقط إلا بإرادة الله


لو اجتمعت الإنس والجن على أن يضروكبشيء ، لم يضروك إلا بشيء قد كتبه الله لك

العين حق لكن ناخذ بالأسباب والأسباب التحصين والتوكل على الله وليس الإخفاء

اللي تقول احس اللي تخبي ناقصة عقل مالك حق بهالتعليق انتي موعارفه كل وحده ايش ظروفها وطبيعة الناس اللي حولها وحده من جماعتنا حملت ولما دريت جارتنا قالت هاذي مو حرمه هاذي قطوه ماتتعب. ولما حملت حماتي بالثاني قامت وحده تفول هاذي ارنبه ولا ايش
صح كل شي من عند الله وربك خير حافظ بس برضو العين حق وصح كل الناس تحمل وتولد مو شي جديد لكن. بعض الناس تجنبهم افضل لانهم مايذكرون الله

وبنفس الوقت آٌنـّ'ℳέ'ـّآٌآ ضد اللي تنكر الحمل وهي حامل
ماتوصل لهالدرجه

انا بحملي الاول ازعجوني حريم اخوان زوجي وهن يقربن لي بنات بنت عمتي جتك الدوره او ماجتك قلت لا متاخره المهم نشرن السالفه وكل مااجلس بمكان يسالني الحريم هاااه هي نزلت ومن حللت علمتهن وهن نشرن السالفه وبعدين عرقت ان بنت عمي حامل وسالتها وانكرت انقهرت وكمان اخت زوجي حملت ومادريت الامن الناس وحرمه اخو زوجي حملت وماعلموني الين هي ماقالت لي بالشهر الخامس من بعدها تبت الحين حامل دخلت الشهر الثالث محد يدري حتى زوجي بس قلت لامي وبنات عمتي ازعجني انتي حامل شاكات بي واقول لا لاني عارفتهن بينشرن الخبر

طيب ياحريم انا اهل زوجي مقاطعيني اقصد قرايبه
بس اهله كويسين معي
وﻻ اقابلهم الا بالاعيااد وربي خايفه من العين
ﻻنهم بيسمعون بخبر وﻻدتي فجأه مايدرون عن حملي
الله يكفيني شرهم
واهل زوجي امه وخواته يدرون لكن كتومين مايحبون نشر الاخبار
الله يحفظنا ويجعل كيد كل عدو وحاسد في نحره