دعوة لنقاش التحرش ضد الأطفال ادخلي قولي رايك ؟؟؟

معليش انا ابي تفاعل وردود على اسألتي وانا كان فيه رأي ناقص كملوه عشان
تعم الفائده ياأخوات والله يستر علينا بستره الواقي

لا تثقوا في احد هذا الزمان اغبر واطفالكم امانه في اعناقكم..
لازم الطفل يتعود من الصغر انه ما يطلع قدام الناس بملابس غير ساتره خاصه الاقارب لان معظم حالات التحرش تكون من ناس ما نشك فيهم.
لازم الطفل يتعود على الخصوصيه يعني ما يدخل احد معه الحمام وما يكشف عليه احد ... اذا كان صغير مره تكون بس ماما واكرر بس ماما... واذا كان كبير يعني اربع خمس سنوات يقدر يساعد نفسه بالحمام ما يدخل معه احد ويرد عليه الباب .. اذا خايفه انه يتسكر عليه خليه يرده بس لازم يتعود ان له عوره ما يشوفها احد...وتعوديه وتكرري عليه انه اذا احد حاول يشوف ايش تحت الثياب لازم يقول لك او يصارخ ... لازم يقول لك عوديه ان يكون بينك وبينه حبال الثقه بحيث انه لو حصل مثل هذي الامور يقول لك على طول .
وانا ليش اقول لازم تعوديه ان له خلوه وعوره ما يشوفها غيره ؟ لان اللي يتحرش في الاطفال في الاول يكسب ثقتهم وبعدين يقنع الطفل انه عادي لو خلاه يشوف او يلمس جسمه... لان معظم الاطفال ما يعرف انه عيب لان ما فيه احد نبههم وقالهم.
معظم التحرشات الجنسيه تاتي من اناس اعطينهاهم كل الثقه واول ما يعمله الجاني انه يكسب ثقه الضحيه ويستدرجها بالالعاب والهديا وغيره ويستغل ثقه الاهل وجهل الطفل فيضمن سكوته.
الاطفال امانه في اعناقنا ... ياليت الامهات يلبسوا اطفالهم اناث وذكور ملابس ساتره لاننا في زمان اغبر...
ولا يتركوهم مع مراهق لان المراهق ناااااااااااااااار...
الامهات لازم يقتربوا من بناتهم ...ولا ياتمنوا على اطفالهم احد لان هذي الامور تاتي من القريب قبل الغريب .
نسال الله لنا ولكم الستر والعافيه

والله انك صادقه وهذا الشي يقهر ويبين مدى بعد الناس عن مخافة الله وعن التربية الغلط
حبيبتي وحدة من صاحباتي اخوها أختططف من قبل مجموعة من الشباب خلي بالك يعني مو واحد لا اكثر ممكن 5 او اكثر هو ما شاء الله جميل وكان عمره 15 سنه وامه ارسلته للبقالة الساعه 2ظهر والي اذان العشاء الولد ما رجع البيت هنا الام بغت تنهبل من اذان العصر وهي تقول اكيد شاف حد من اصحابه وخذته السوالف ما توقعت في ناس قلوبهم خاليه من خوف الله
والمهم الام ماخلت مكان ماراحت له ودورت ولدها وما لقته وعلى فكره ابوه متوفي الله يرحمه وماعندها رجال تعتمد عليه وعلى صلاة العشاء الا الولد يدخل وهو لونه متغير ونفسه متقطع واول ما شاف امه رمى نفسه على صدرها وقال وين ابوي ابيه يجي ابيه يحميني هني الام ادركت بأن الولد صار له شي بس وشو ؟؟ودخل الله يكرمكم الحمام وكان في عطر ويرميه على المرايه وتتكسر وياخذ منها قطعه والبنت تحلف وتقول قاعد يشرح بيها وجهه يعني صارت عنده حاله نفسيه
ويقول هذا الجمال ما أبيه الله ياخذ كل الناس الله يموتهم
وهنا الام بغت تموت ودخلت هي ولدها الغرفه وقال لها وهو رايح يشري لها الاغراض وقف جمس ونزل منه اربع شالوه بسرعه وربطوا على عينه ودوه في مكان شبه مهجور
ومن ثم امروه بأن يخلع ملابسه الله لايوفقهم ويزلزل الارض من تحت اقدامهم
تخيلوا يبنات يقول كبار يعني في سن ال35 و30 و29
يعني فاهمين الغلط والصح وهو قاعد يتوسلهم انهم يتركونه يودي الاغراض لامه ويجيهم بكره لانه اذا تاخر امه راح تبلغ الشرطه وبتصير شوشره المهم يابنات بعد محاولات عديده تركوه ورجعوه على اساس من بكره يرجع لهم من نفسه ويقول لامه انه رايح عند صديقه ع اساس محد يدوره
وهنا الم تروح تبلغ الشرطه والادهى والامر ان الشرطة تعاملت مع هالموضوع بكل برود وبعدها وصل الموضوع عند مدير شرطة المحافظة وقال في خلال 24 وعشرين ساعه اذا ماقبض عليهم سوف يعاقبهم ولكن لم يعثروا عليهم لانهم هربوا بعد ما عرفوا انه تبلغ عنهم
وهنا المصيبه الاكبر بأن عم الولد يجي من ثاني يوم عند الام ويقول اسمعي ياام فلان جو عند ناس امس ودخلوا علي وقالوا نحن جاين نصلح الغلط اللي سوه عيالنا تعرف صغار وهبل
وحنا حاضرين من 1000الي 40000 تخيلوا القهر سار لازم ندفع فلوس عشان تسامحونا مو عارفين ان اولادهم يفسدون في الارض ويستحقون الموت
ولكن خسارة البنت توقعت ان عمها راح يوقف معاهم ولكن العكس صحيح
وبالنسبه للاسئله انا ابي حد كمان يجاوب عليه

اعتذر عن الاطاله ولكن من قهري على صاحبتي والله
والله ياخذ كل من يريد يفسد في الارض اخذ عزيز مقتدر

حبيت اضيف حاجه بأن الام خذت الولد للمستشفى لتتأكد بأن الولد سيلم او لا ولكن الحمد لله طلع سليم

لا تثقوا في احد هذا الزمان اغبر واطفالكم امانه في اعناقكم..
لازم الطفل يتعود من الصغر انه ما يطلع قدام الناس بملابس غير ساتره خاصه الاقارب لان معظم حالات التحرش تكون من ناس ما نشك فيهم.
لازم الطفل يتعود على الخصوصيه يعني ما يدخل احد معه الحمام وما يكشف عليه احد ... اذا كان صغير مره تكون بس ماما واكرر بس ماما... واذا كان كبير يعني اربع خمس سنوات يقدر يساعد نفسه بالحمام ما يدخل معه احد ويرد عليه الباب .. اذا خايفه انه يتسكر عليه خليه يرده بس لازم يتعود ان له عوره ما يشوفها احد...وتعوديه وتكرري عليه انه اذا احد حاول يشوف ايش تحت الثياب لازم يقول لك او يصارخ ... لازم يقول لك عوديه ان يكون بينك وبينه حبال الثقه بحيث انه لو حصل مثل هذي الامور يقول لك على طول .
وانا ليش اقول لازم تعوديه ان له خلوه وعوره ما يشوفها غيره ؟ لان اللي يتحرش في الاطفال في الاول يكسب ثقتهم وبعدين يقنع الطفل انه عادي لو خلاه يشوف او يلمس جسمه... لان معظم الاطفال ما يعرف انه عيب لان ما فيه احد نبههم وقالهم.
معظم التحرشات الجنسيه تاتي من اناس اعطينهاهم كل الثقه واول ما يعمله الجاني انه يكسب ثقه الضحيه ويستدرجها بالالعاب والهديا وغيره ويستغل ثقه الاهل وجهل الطفل فيضمن سكوته.
الاطفال امانه في اعناقنا ... ياليت الامهات يلبسوا اطفالهم اناث وذكور ملابس ساتره لاننا في زمان اغبر...
ولا يتركوهم مع مراهق لان المراهق ناااااااااااااااار...
الامهات لازم يقتربوا من بناتهم ...ولا ياتمنوا على اطفالهم احد لان هذي الامور تاتي من القريب قبل الغريب .
نسال الله لنا ولكم الستر والعافيه