أنا مع استمرار المسابقه في الصيف لأن مب كل الناس مسافرين في ناس مثلي قاعدين في البيت بدون فايده أو طالعين طلعات مالها فايده بعد
بالنسبه لي في عندي اقتراح أتمنى يعجبكم وهو عند اختيار الفائزه في أي مسابقه أقترح ان يكون في اختيار من المشاركات وغير المشاركات في اختيار الفائزه يعني بطرقة التصويت وللي يتصوت لها أكثر تكون الفايزه
أما اقتراحات جديده لمسابقه
أقترح ان مثلا كل وحده تقوم بعمل شي مبتكر في بيتها أوضح أكثر يعني مثلا وحده تعمل عمل فني على جدار غرفتها أو صالتها كرسمه جميله أو تعمل بطريقه الاستنسل وطرق أخرى كثيره بس تكون واقعيه وحصلت وأهم شي التصوير يعني تصورها والكل يشوف ويستمتع ويستفيد

أقتراح ثاني مثلا كل وحده عنده فكره ولو بسيطه عن الخياطه تقوم بعمل مثلا فستان لطفله أو فستان سهره أو جلابيه وحتى لو تنوره كمثال وكل وحده تعرض عملها والعمل الأجمل والأرتب يكون الفائز

واقتراح آخر شكلي طولت عليكم بالنسبه للتطريز نفس الشي نحدد نوع من التطريز وكل وحده تعمل أي شي يخص هالنوع من التطريز

أنا اقتراحاتي كلها نفس الفكره وهي الواقع ان الأفكار تنفذ واقعيا ويعطى لها مده شويه أطول على الأقل أسبوعين أو أكثر حسب الفكره حتى الوحده تخلص العمل وتقوم بعرضه والكل بهالطريقه يستفيد والأفضل طبعا بالصور

واذا عندي اقتراحات ثانيه ما ببخل عليكم يا حلوين وأتمنى ما أكون ثقيله

ام ياسر وحصة 44
شكرا على التواصل وإبداء الرأي بكل وضوح ..

^^أم خالد^^
شكرا على التفاعل والتواصل ..


بالعكس .. هذا ما نتمناه ... وهو التواصل معنا بطرح الأفكار والإقتراحات ، واختيار
ما يتوافق معنا ومعكم ..
____________________


بالفعل ،،، هذا ما فعلناه في أولى مسابقاتنا ... كانت صاحبة الخامة أو الإقتراح
تشترك مع المشرفات بالتصويت والإختيار ... لكن لم تستمر الطريقة لقلة المتطوعين
وبعد البحث والتشاور مع بعضنا ( كمشرفات ) وجدنا أن إشراك الجميع في التصويت
صعب وقد يسبب نوع من الحساسية بالإضافة إلى عدم توفر الوقت الكافي لفرز الأصوات ..




إقتراح جميل .. وهذا ما يحصل بالفعل من البعض . فقد إستمتعنا بعرض تجاربهم الرائعة
خاصة من شغل اليد .. وكانت الأعمال التي يقوم بها البعض شخصيا يتم إختيارها عادة للفوز
في المسابقة كنوع من التشجيع وكنوع من العدالة ...لكن من الصعب أن نشترط وجوب أن يكون العمل من شغل اليد على الجميع ... هنا فلن نجد سوى القليل من المشاركات وقد لا نجد أحيانا ..
لأن الهدف من المسابقات هو عرض الأفكار وتبادلها مهما كانت شخصية أو غير شخصية .


وبالنسبة للخياطة والتطريز فهو رائع ... وسيأخذ في الإعتبار مستقبلا إن شاء الله .
ونشكرك للمرة الثانية على التفاعل .

يعني انا جايه متاخره

توني اشوف الرابط هذا

بالنسبه للمسابقه هي مشجعه جدا وكثير من البنات يبدعون فيها وحتى لو مشاركتهم قليله بالقسم... لان المسابقه تعطيهم دافع وحماس ونشاط ... يعني انا من المؤيدات للمسابقه

ولكن لو تخلونها كل اسبوعين مسابقه افضل نطول في المده لاعطاء الوقت وحتى لا نمل من كثرتها

بالنسبه لمحتوى المسابقه ماخليتو شي بصراحه نفكر فيه ونطرحه ما شاء الله كل المواد قدمتوها... وكلها مجسمات

لكن نسيتو الرسم ... والخياطه ... والتطريز .... يعني لو نحدد رسم معين مثلا بالرصاص او بالالوان ... والخياطه مثلا نحدد عمل حقيبه مثلا لان لها اشكال منوعه ومختلفه او المفارش ..... والتطريز ايضا والغرز بنفس الفكره ...او اعمال تنسيق الزهور ....او الديكوباج .... هذى الاعمال لم تطرح من قبل

وربي يوفق الجميع والمشرفات يعطيهم العافيه ويبقى التصويت هو من له الراي الاخير :)

مشكوورة اختي ام فرح
ويزاج الله عنا كل خير
المسابقات تحفز الواحد وتخليه يبدع

=========
انا اقول مثلا لو تطلبين العمل انتِ اي نوع من الاعمال اليدوية
ومثل ماقلت اختنا ام عزيزان يزاها الله خير

واحنا انفذه .حتى لو تحطين صورة للعمل واحنا نسوي شي مشابه له
حتى اللي ماتعرفه وتشوفه اطبقه على فهمها او انها تحاول تسوي شي شبيه له وبعدين تشرح لنا كيف سوته
.... وبعد هذا يدفعنا لإنجازشي جديد نستفيد منه وماكنا نعرفه
وبعدين انتوا تقيمون العمل
هذي مجرد فكرة

والسموووحة