دعوة من قلب صادق قد تفرج هما وتمحي ألما ..

السلام عليكم ورحمة الله ويركاته..
كيفكم ان شاءالله بخير..
ماابي اطول وازيد كلام لان يهمني تقرون الموضوع كله..
انا بنت ماتزوجت ومثل كل البنات تحلم بيوم تتزوج فيه وتعيش حياتها ورومانسيتها وكل شي بنت عليه احلامها.. بس وين المشكلة لما تتعدى العمر وكل سنة تسحب السنة اللي بعدها بدون ولا اي اثر .. تفقد الامل وتحس انه هذا اكر مقدر وتحس بالالم جواتها صار له عمر ..ظروف حياتي خلتني اعيش من طفولتي ولحد الحين وحيدة .. حلم حياتي الامومة .. كل مرة اواسي نفسي فيها اقول معليش انتي صبرتي وربي بيعوضك وتكونين عائلة وتعيشين سعيدة.. بس مل قلبي الانتظار استغفرالله لا اعتراض بس مع ان مالي خوات بس لي بنت اخوي اصغر مني بسنوات وجايها خاطب واخوي رايح لابوي يقوله انا ماني مزوج بنتي قبل "فلانه" اللي هي انا ويجي ابوي يقوللي شفتي اخوك ش يسوي عشان احمدي ربك واشكري اخوك ويحسسني انه مسوي لي معروف واني عالة عليه.. كرهت نفسي مع اني جميلة والكل يشيد بهالشي والحمدلله خلوقة وملتزمة قلبا لا قالبا .. لكن قدر الله وماشاء فعل.. انا انخطب كثير بس مايتم شي لكن قبل فترة صارت لي النظرة الشرعية وللاسف كانوا فيه اخواني وحسيت باحراج كبير وبعدها بكم يوم قال انه موافق وواثق وانه يبي موعد عشان الاتفاق والملكة وانا كنت مرتاحه وصارت خيالاتي واحلامي ماتخليني لحظة بس تفاجات انه اختفى دون اي سابق انذار.. تحطمت نفس كل مرة بس هالمرة اقوى لاني شفته وشافني حسيت جواتي شي انكسر بس سويت نفسي ماهتميت وكملت حياتي طبيعي بعد فترة جا ابوي قال بنجيب شيخ عشان اخوك احضري معانا قلت طيب وجلست وجلس يقرا الشيخ علما انه اول مره نجيب احد يقرا واول مره لي احضر هالشي قام يقرا علينا كلنا وكل مايسال عن شي اقوله لا ماحسيت ف قلت وضعي طبيعي الحمدلله تفاجات بالنهاية قال اللي يحتاج قراءة هي البنت لانه فيها عيون كثيرة .. هذا الشيخ ماياخذ فلوس ولاكان قلت انه استغلالي .. انا انقهرت ياربي رحمتك استغفرك بس والله قهر انا اش بايدي اسوي تعلمنا واحنا صغار انه اللي يمشي سيدا وصح يوصل للنهاية السعيدة.. مشينا وتعبنا وماوصلنا لشى منعت نفسي عن كل اشياء اللي بنات جيلي يسونها كبرت عقلي وصرت كاني حرمة كبيرة ماستمتعت بدنيتي ولاشي ويارب العوض من عندك يارب عوض صبري خير.. كل مايجيني خاطب يختفي مع انه يعجبون فيني بشدة !.. انا يابنات اعاني من حالات اكتئاب مؤخرا صرت احس انه حلمي طار بعيد وانه قدري اعيش وحيدة كل العمر واموت .. تعبت يابنات اعاني من ضعف تبويض وتكيس واشياء كثير افكر يارب ارزقني عايلة يارب ارزقني الامومة يارب لاتختبر صبري اكثر وفرج همي .. بنات انا مالي حيلة تعبت خلاص وصلت لنهاية العشرينات وبنت اخوي انخطبت لناس نعرفهم وقالولهم انهم يستنوني شفتوا اكثر من كذا احراج.. هو صح اخوي من ابوي بس برضو مايصلح يسوي فيني كذا صارت سالفتي على كل لسان اني انخطب ومايتم وهذي زوجة اخوي ماتطيقني هي وبنتها تغار مني دائما تقارن نفسها فيني بكل التفاصيل يارب رحمتك ماراح اقدر اتحمل هالصدمة بعد اكثر.. بقولكم سر انا صرت مدمنة على العادة السرية وكل ما اكتئبت لقيت فسي اسيرة لها بلا حول مني ولا قوة انا ضعفت وذبلت وكل ماشوف نفسي بالمراية ابعد لاني اكره حالتي وحياتي ونفسي انا كنت انسانة غير انسانة محبة للبسط والسعادة بس تغيرت صرت طول الوقت شاردة ومكتئبه وصرت احس ان هالشي ماقدر اخفيه وسبب نفور الصديقات مني .. ابغا منكم معروف تدعون لي بصلاتكم ربي يفرج همي ويرزقني ويرزقكم الفرج عاجلا غير اجل اللهم امين .. ابغا احس اني مو وحيدة انه فيه ناس حاسين بالمي .. بنت اخوي هذي مسوية عند العالم انها المسكينة الطيبة الساذجة وربي يعلم ش كثر اذتني بس مشكلتي ماعرف اسوي شي غير ابكي .. قريبتي كانت اقرب صديقة لي ومن لما تزوجت قطعت علاقتها فيني وصارت تسمعني جمل زي "الله يرزقك".. تالمت كثير وماعاد صرت اتحمل اكثر خواتي ف الله ادعووووولي هذا كل شي ابيه منكم واذا فيكم وحدة تعرف ××××××××× يمنع طلب أرقام الخطابات على العام
تم الحذف.. الإشراف
والله يفرج لكم كل همومكم يارب..