دعوها فإنها منتنة !!أريد توجيه رسالة لأمي الظالمة .. ساعدوني يأهل الرأي والمشورة ...

لاحول ولاقوه إلا بالله
هذا اكبر ظلم للبنت وخير ياطير لو تتزوج من غير قبيلتها إذا كان شخص محترم وسمعتة كويسة
الله يعينها

الله يرزقها الزوج الصالح عاجلا غير اجلا

تدعي وتتوكل على الله

احسن قرار اتخذه ابوي انه زوج اختي من قبيله ثانيه
يقول اهم شي واحد يخاف الله فيها ورجال والنعم

وهذه هي ماشاء الله مبسوطه الله يديم عليها النعم

قولي لأمها اتقي الله فيها هي بنتك بالله الين متى تنتظر ؟؟؟؟ تعنس وما تلاقي من يدق الباب ؟؟؟؟

حسي فيها .... اذا انتي امها وتحبين لها الخير وافقوا على اللي يخطبها واوزنيه بميزان الشرع اللي هو الخلق والدين وغيره مو مهم ولو انه مهم كان دلنا عليه الشرع.
انتي راعيه والله بيحاسبك على بنتك ولا تصيرين مثل قريبتي اللي بناتها اكبرهم بالخمسينات واصغرهم بأواسط الثلاثينات وقفوا عنهم الخطاب ...
بنتك بتقدر وقفتك معها .. بالله منتي منتظره اليوم اللي تزورك بنتك ومعها عيالها ؟؟ ما ودك تضمين اطفالها ؟

راجعي نفسك ياخاله ....

لاحول ولاقوة الا بالله العلي العظــــــيم

ماقول الا الله المستعان واذا عنست بنتك ولاانحرفت -لاقدر الله - خل عيال قبيلتها ينفعونكم




استغفر الله بس :(

شوفي يا اختي من خلال تجربه

ابوي يزوجنا من اي قبيله عادي ما يهتم اهم شئ القبيله هذي ماتكون مشهوره بالشده او البخل او شئ من هذا القبيل ويكون الزوج طيب وخلوق وملتزم ولله الحمد انا واخواتي كلنا توفقنا بازواج صالحين

وخالي وعمي مايزوجون بناتهم الا لشخص من نفس القبيله واغلب بناتهم تاخروا في الزواج ووحده من بنات خالي مسكينه عمرها وصل 40 وحلوه ومدرسه ولا عاد يخطبها ا لا كبار في السن


وبالعكس احس ان اللي تتزوج من برا قبيلتها تكون في الغالب مرتاحه اكثر من اللي تتزوج من نفس القبيله حتى لو حصل مشكله لاسمح الله بينها وبين زوجها الكل بيعرف او اي موضوع يصير بينهم الكل يعرف ان سافرت ان كانت مبسوطه بحياتها ولا لا يعني احس مالها اي خصوصيه

واذا اجتمع للوحده واحد من نفس القبيله وطيب وملتزم فهذا شئ زين لكن إذا كان نصيبها من برا فتتحمد لربي وتوافق اهم شئ الالتزام والطيب والاخلاق

وسلامتك