دعوه او نصيحه وجزاكم الله خير

السلام عليكم ورحمة الله وبركاته اخواتي الغاليات اول مره اكتب مشكلتي وما ادري من فين ابدا واتمنى القا دعوه طيبه منكم يستجيبها الله عز وجل او نصيحه استفيد منها راح اكتب الاساسيات انا متزوجه لي حوالي 13سنه ومن ثاني شهربدات المشاكل بيننا بسبب احلام مزعجه يشوفها زوجي وغيرتو الزايده عن حدها الطبيعي بدات الشكوك تجي وتروح في نفسوا طبعا هداك الوقت كان مايقلي شي بس يقعد في غرفه لحالوا في البيتويخرج يقلي كلام جارح ما لو معنى ومع الوقت زادت المشاكل كم مره رحت بيت اهلي ونرجع نتصالح لاني اقول في نفسي مدام انا صادقه وصينتوا الا ربي يظهر الحق ويعرف اني صادقه بس للا اسف ما في فايده لا رحت عند اهلي هم علا طول يقولوا خليه يطلقك ويخاد اولادوا نسيت اقول عندي اربع اطفال الله يحفظهم وهو يتصل ويجي يعتذر ويقول عهد الله بيننا ما ارجع اغلط عيكي للعام هو حط مسجلات تصنط وانا ما ادري يقفل عليا ويخرج كان وحتى لو يجوا اهلي يقول ما تفتحي الباب صبرت على كل تصرفاتو بس دحين تعبت اكتب وانا ابكي ما ادري ايش اقول اول كانو يسمعو لو وبعد مشكله بيننا عشت عندهم فتره ودحين هم يلموا او اموا الله جزاها الجنه يوم تقلو خاف الله في زوجتك او اي نصيحه يجي يزعل عليا ويقول انتي تشكيها اكيد وانا ما اكون قايلتلها اي شي يعني دحين فجاه بدون اي مقدمات مثلا قبل اسبوع جاء مبسوط وقال جهزي العشا وبعد ما خلصت جاني المطبخ قال انا لاتضحكي عليا وتسغفيليني انا تعبت معاكي ماني مرتح في حياتي معاكي ويلا هتك اسله وتحقيق وتهديد انا طبيعتي ما ارد عليه وهو زعلا لانو مرررررررررررررررره عصبي وعلطول يمد يدو لو فتره زايد عليا مره وبعد كل مره اسف ونرجع زي ما كنا دحين لو فتره يقول انتي ايش مستنيه اكيد عندك شي ولا ما في وحده تعيش كده اكيد وراكي شي ولو قلت لو خلاص الي بيننا انتهى يقول انتي تستني لي اي غلطه يعني بصراحه شكاك للي ابعد الحدود وبل اصح بدون حدود سمت كلا مو في كل شي مافي اي فايده جيتو بي كم اسلوب حاولت كتير ودحين افكر اكلموا لاخر مره واروح بيت اخويا ابغ نصيحه او مشوره بدون كلا م غلط عليه لاني برغم الاسى الي مسببو لي احبو ومحتاره لاني اذا طلبت القراق حا ادخل في مشاكل كثيره وما ابغ اعيش على حالي هاد لانو ماراح يتغير والله يصلح الحال وسامحوني على الاطاله