دعوه حريمات اللى كان زواجهم الصيف الماضي 2005 تعالو نستفيد ونأخذ اخبار بعض

قشعه • 17 سنة

زوجة فهد :

أنا صار لي سنة و3 شهور وتوني في بداية حملي والحمدالله الله يرزق البنات الصاحات رجال صالحين الله يوفق الجميع..

أنا صار لي سنة و3 شهور وتوني في بداية حملي والحمدالله الله يرزق البنات الصاحات رجال صالحين الله...

هلابكم جميعاً مشكورين على الرد والله يوفق الجميع

اليوم راح اقول لكم وش سويت في شهر العسل نبدا :)

طبعاً كنا مسافرين وكنت ماخذه معي شموع الصغيره اللى تجي في معدن وماخذه معي فواحه

ويمكن كذا بعد زواجنا باسبوع كنا طالعين نتمشى واحنا راجعين من الفندق قلت له يقول لسواق التكسي

يودينا محل ورد وطبعاً هو استغرب،،المهم رحت واخذت ورد احمر وابيض ورجعنا الفندق وهو كنا يبي

يحلق قلت له انزل دورلك حلاق يعني صرفته وقلت له لاتجي الا اذا دقيت عليك ،، بعد مانزل نثرت

الورد على السرير وعبيت البانيو حطيت فيه ورد احمر وابيض والمغلسه كانت قزاز عبيتها مويه

وحطيت فيها ورد احمر وابيض وحطيت جنب البانيو شمعتين

وحطيت على طاولة القهوه كم حبت ورد نثرتهم على الطاول وحطيت كيك كنا شارينه وعصير وشموع

وشغلت الفواحه وسكرت كل انوار الجناح وبعدين دقيت عليه وصراحه لما جاء تفاجأء مرررررررره

وقال ماتوقتك بتسوين هذا قله توقعت اني اذا جيت بتقدمين لى باقة الورد اللى جبناها

وصراحه كانت ليله حلوه وبدايه لليالي الرومانسيه

وان شاء الله بعدها راح اقول لكم وشلون استقبلت زوجي في اول مره سافر فيها بدوني بعد زواجنا

بشهرين

حبيبة مبارك • 17 سنة

انا تزوجت في شهر 9 /2005
نفس الشي الملجه ما طولت بس اسبوعين وبعدين العرس بسرعه بسرعه عشان ريلي كان يبي يسافر ويبي ياخذني معاه شهر عسل و يخلص الشغل الخاص فيه .
الحمد الله مرتاحه مو كثير بس ما اقول غير الحمد الله ، ما عندي عيال للحين ما خلفت و ناطره على احر من الجمر ريلي مو مستعجل على العيال يقول بعدين مو وقته !! :(

اول الزواج كنتي خجوله كثير لدرجه اني كنت استحي ادش الحمام !! واهوا بالغرفه
وما احبه يشوفني و انا كشه وشعري منفوش ، وما كنت اعرف انام ابد عشان تغير مكان نومي
وفي احد يمي فصرت كله سهرانه !! ( ارق )

بس الحمد الله الحين وايد احسن .. المهم اننا متصارحين مع بعض
ومن يوم تزوجنا و تكلمنا مع بعض انا قلت له .. اذا انا سويت شغله غلط يمكن انا ما ادري قولي ونبهني لاني ما عرف انت شنو تحب ، ولو انت سويت شي غلط انا راح اقول لك عشان تعرف ان الشي هذا يضايقني ..

وامي يوم زواجي مسكتني وقالت لي نصيحه .. لا تخلين زوجك ينام ليله و هو زعلان منج و حتى لو انتي مظلومه و اهوا غلطان باي شي لا تخلينه يزعل منج او ينام واهوا شايل بقلبه :)

أم عبده • 17 سنة

انا تزوجت 26/7/2005 كملت سنة وكم شهر
باقي ماحملت اتعالج للحمل
احس اني توني عروس ودلع زوجي الله يخليه لي ولا يحرمني منه ما ينقطع عني وكلامه الحلو حنانه وعطفة ماشاء الله لاقوة الا بالله العلي العظيم
في هذه الاجازة سافرنا الخارج انا وزوجي والكل يفكرنا في شهر العسل مايدري اننا عتاق ومغبرين بس حلو حاسة اني عشت حياتي وتهنيت باول سنة زواج اما تاخر الحمل فانا مؤمنة ان الله مأخرة لحكمة يعلمهاسبحانة وتعالى ولا اعلمها وانا ساعة النصيب باقي ماجات ومتى ما الكريم يقول له كن يكون فهذا الموضوع مش شاغلني كثير وخاصة بعد عمل الفحوصات وكلا منا سليم ولله الحمد
اخباري بالتفصيل تقبلوني معكم <<< بعد ماقطت وجهها

صبغ وردي • 17 سنة

سلام بنات...
انا صار لي سنة و شهرين و يوم واحد بالضبط من تزوجت..
ما حملت على طول لاني كنت ادرس و مشغولة حدي بالدراسة.. الحين الحمدلله نجحت و تخرجت و خذيت الشهادة الكبيرة.. شهادة الماجستير.. ادعو لي عقبال الدكتوراه ياااا رب...

الحين انا حامل.. في الشهر السادس.. و ولادتي بتصير في 30 ديسمبر 2006... يعني اخر يوم بالسنة تقريبا..

لما تزوجت كنت هبال ما اعرف اطبخ و لا شيء.. بس ريلي الحباب علمني و صرت اشطر منه.. استاذه بشهادة الجميع و لله الحمد.. الحين قاعدة اتعلم طباخ الحلويات و الكعكات .. و ان شاء الله ارفع الراس..

نسيت اقول لكم اني ما اشتغل.. قاعدة بالبيت .. و مرتاااااحة على الاخر.. لحد ما اجيب ولي العهد و نشوف شنو الوضع بعدين..

على فكرة موضوعكم حلووووووووووووووووو

موفقين..

قوافل النور • 17 سنة

لين 2004 :

لا يمكنك مشاهدة هذا التعليق لانتهاكه شروط الاستخدام.

ماشاء الله لاقوة إلا بالله

الله يوفقكم ياعرااااااااااااااايس وييسر أمركم ويسخر أزواجكم لكم ويجعلكم من السعداااااء

بالنسبة لي قدلي 10 شهور من تزوجت ولله الحمد ويوم3 /10 راح أكمل سنه بأذن الواحد الأحد

وبالنسبة للحمل مأجلينه لبعد الحج لأننا ناوين نحج هالسنة بأذن الله وبيني وبينكم أنا مستعججججله على طاري الحمل أبي أحس بالأمومه لكن زوجي يقول أجليه وخلينا ننبسط :22:

والحياة الزوجية لابد تيجي عليها لحظات وتكون صااااااااااافيه(وقت الرضا) وتيجي مرات وتكون مغيمة وممطره وعاصفه(وقت الزعل) ومرات تكون مغبره (وقت الملل من الروتين)

لكني ولله الحمد فهمت زوجي وفهمني ونبذل أنا وأياه أقصى جهدنا لتسير سفينة حياتنا بسلام في هذه الدنيا
وياليت لوتضيفوا يابنات تجاربكم مع هذي المرحله وخاصة أنها مثل مايسموها سنة أولى زواج

وكيف تخطيتوا صعوبتها من حيث تصادم الأفكار والشخصيات بينك وبين زوجك

بالنسبة لي يالغاليات

كنت في الوقت اللي أزعل فيه من زوجي وأنقهر وأطرطع وأحس أني أبي أنفجرررررر وأصااااارخ عليه :30:

أروح على طوووول أغير مكاني وأتعوذ من الشيطان وأبدأ أتذكر محاسن زوجي وأتذكر أحلى أوقاتي معاه وكيف هي حياتي بدونه وأقارن أيجابياته مع سلبياته وألاقي الإيجابيات تغطي على كل شييييي وأقول لنفسي طيب لو صارخت عليه وش بستفيد إلا بأخسر كل شي وراح يزعل مني وانا ماأتقبل فكرة أن أي أنسان يزعل مني فمابالكم بزوجي

والله يابنات أحس وقتها الزعل خفففف وبدأت نفسيتي تهدا ومع الأستغفار أرررتاح وأرجع له مبشبشه وأضحك وأسولف ولا كأن شي صار :)

وبعدين يابنات الوحده لازم تمسك نفسها عند الغضب وخاصة قدام زوجها لأن الواحد إذا زعل يقول كلام هو مو حاس فيه لكن بيكون لها الأثر الأكبر عند الطرف الثاني
والرسول صلى الله عليه وسلم يقول(فيما معنى الحديث) ليس القوي بالصرعة إنما القوي الذي يمسك نفسه عند الغضب

ولاترفعي صوتك بوجه زوجك مهما كااااااااان السبب لأن أي رجل في الدنيا مايحب أن صوت زوجته تعلى على صوته لأن وقتها تحملي أي ضرر راح يجيك من كف أو لكمه أو بوكس:22:

وعندي كلام كثيررررررررررررررررررر لكني حاليا نعساااااااااااانه وأبي أنام وبكره إن شاء الله راح أكمل لكم

ومشكوووووووووووووووووره ياقشعه على هالموضوع الختيـــــــــــر

وياليت الكل يشارك بتجاربكم وأفكاركم

:26: :26: