دعوه للتسامح قبل ان يتم اغلاق المنتدى...

السلام عليكم ورحمة الله وبركاته

الى حبيباتي بنات حواء ..

بنات انا مااكتب كثير بالمنتدى .. بس هاليومين لاحظت شي في عالم حواء واكيد كلكم لاحظتوه مثلي ..

بنات قبل ماكان عالم حواء بهالشكل .. صحيح الخير مازال موجود.. بس برضه بدى يتغير بشكل واااضح

البنات اللي ردودهم قاسيه نوعا" ماااا .. الاحزاب اللي صايره بالمنتدى !!

حزب المتزوجات اللي مو عاجبهم مواضيع الغير متزوجات والعكس تماما"..

الردود اللي تمسكين راسك لاقريتيهاا .. والاغرب الرد بالمثل ..

حبيباتي بنات حواء..

احنا مااجتمعنا هنا نسب بعض .. والا نحقد على بعض .. احنا اجتمعنا هنا عشان نساعد بعض.. ندعي لبعض..

نحس في بعضناا .. نمسح على جراح البعض ..نلملم شتات بعض.. ويهدي بعضنا الآخر ..

احنا اجتمعنا هنا لاننا اخوات قبل كل شي .. يجمعنا دين واحد .. لغه وحده .. والاهم ((قلب واحد))..

فكروا معاي ..

ليش صرنا كذااا؟؟ ليش نغلط على بعض ..؟؟

طيب فلانه ماعجبني موضوعها ماارد عليه او ارد بدعوه حلوه او عالاقل اكتب للرفع ..

بكذا اكون ماكسبت حقد بالعكس اكسب احترام لذاتي ..

طيبي تجي وحده تغلط علي !! كيف اتصرف؟؟

بأمكاني.. ارد عليهااا بأسلوب حلو وبطريقه كلها ذوووق..اخليهاا تستحي من نفسهاا وتعتذر لي لو مو عالعام..

عالخاص ..

بس بالنهايه تحس بغلطتها وبالنهايه بتعتذر بطريقة او بأخرى..

هنا دعوه مني لكم للتسامح..:39:

تعالوا بنات نسااامح بعض ... والله شعور جميل لما تدخل وحده وتقول: انا غلطت على العضوه الفلانيه

واطلب منها السماااح

والله والله والله شعور حلوو لما نسامح بعض....

طيب ماتبين تقولينها عالعام .. روحي الحين ودوري معرفها وارسلي لهامسج عالخاص واعتذري ..

وصدقيني راح تقبل اعتذارك .. تدرين ليه ؟؟

لاننا بالنهايه اخوات .. قلوبنا على بعض لو مهما كان...

تخيلي بيوم دخلتي عالم حواء

ولقيتي موضوع وفاة عضوه انتي غلطتي عليها بيوم ... جرحتيها ..

هزئتيها ..وش بيكون موقفك؟؟

صدقيني بتندمين قد شعر راسك ... شعور مخيف لما نحس اننا ظلمنا او جرحنا ...

وبالاخص لما يكون الجرح لشخص رحل عن الدنيا..

بنات معقوله صاروا الاطفال افضل منا.. عمرك مر عليك طفل تهاوش مع آآخر وجلس فتره طويييله مايكلمه ؟؟

الاطفال فيهم براءه مو طبيعيه .. قلوبهم طاهره لابعد حد .. يزعل من صاحبه

يبكي وبعد 5 دقايق يمسك يده ويروح يلعب معااااه

يالله شفتوا كيف هالشعور مرررره حلوووو..

طيب ليش مانكون مثل الاطفال ؟؟؟ ..ترى نقدر ..

والله لو الواحد فينا ماشال بقلبه على الثاني ..وسامح الآخر.. واعتذر عن اغلاطه.. شوفوا كيف بيحس ان الحياه حلوووه

وانه طــــــاهر من داخله والاهم بيرضي ربه قبل كل شي ..

طيب تخيلوا معي شي...

تخيلوا بكره كل وحده فينا دخلت على عالم حواء .. بمجرد مافتحت الصفحه الرئيسيه تطلع لها عبارة

(( نأسف المنتدى تم اغلاقه للأبــــد))

وش بيكون شعورك ساعتها..

صحيح فيه مواقع بديله ..النت مليان منتديات بأمكانك تسجلين فيها بظرف دقيقه..

بس صدقيني زي عالم حواء ماراح تلقين ..

بتقولين لي ليش؟

انا اقولك..

اولا" عالم حواء بدايات اغلب العضوات واولهم انا رغم ان دخولي قليل ووقت الدراسه انشغل

اكثر ومادخله ومسجله بمنتديات اخرى

بس بالنهايه مردي لعالم حواء لاني لاقيه نفسي فيه...

ثانيا" اكثر منتدى نسااائي بحت عالم حواء ..يعني فيه بتلقين كل شي يرضيك كأٌنثى..

ثالثا" اغلب اغلب العضوات طيبات خلوقات متساعدات بمجرد ماتطلبين مساعده الا وتلقين طلبك موجود..

رابعا" عضوات عالم حواء اخوات وقلوبهم على بعض ..

خامسا" هنا كونتي علاقات وصداقات قد تكون افضل من صداقاتك خارج النت ..

هذا عالم حواء اللي بدت فيه مواقف تخوووف وان شاء الله ماتكون وصلت لحد الظواهر

بس احنا هنا اجتمعنا عشان نرتقي بمنتدانا

عشان نكووون قلوب وحده ونساعد بعض .. عالاقل نكسب الاجر ونطلع من

المتصفح بشي مفيد ..مو بأثم وذنب نحاسب عليه ..

واحنا مو ناقصين ذنوووب ..

مو بكلمه ارميهاا واقول عادي واللي كاتبه الموضوع تستاهل اكثر واطلع من المنتدى

ولاكأن شي صاير .. طيب يمكن هالبنت تدعي عليك؟؟

يمكن تحقد عليك؟؟ يمكن تحتاجينها بيوم من الايام؟؟ وبالنهايه بتكسبين ذنبهاا .. طيب وش استفدتي بعد كذا ؟؟

وربي بأصابعك تقدرين تكسبين اجر .. وتقدرين تحصلين على ذنب؟؟

متخيله!! بأصابعك فقط..

لكن بالنهايه يرجع لعقلك .. خلونااا نكبر عقولنا..

اللي تبغى مساعده اساعدها

اللي تشكي اواسيها

اللي مصابها كبير ادعي له ولي دعوه مثلها وش ابي بعد ؟

وبالنهايه اللي مايعجبني موضوعها ولايناسب ذووقي ارفع لها وصدقيني بتجي بعدك

وبتقول ((الله يرفع مقدارك او جزاك الله خير)) هاه وش تبين بعد موضوع ماعجبك

وكسبتي منه دعوه

ماقلت لك بضغطة بتكسبين وتخسرين..

صدقوني بدل ماصرنا نكتب مشاكلنا صرنا احنا كعضوات بحد ذاتنا مشكله ..

الحين ماصرنا نعالج مشاكلنا في العالم الخارجي وعوالمنا الخاصه

لاااااااا.. صارت علاقتنا ببعضنا مشكله .. صارت المواضيع اللي ماتمشي على ذوقنا مشكله..

طيب تخيلوا كنا بيت واحد وفتحنا موضوع وتناقشنا فيه وكل وحده طبعا"

لها رأي

لها مبدأ

لها منطق

لها وجهة نظر

لها قناعات كونتها لنفسها

وهذا من حقها..

بس المشكله كيف اوصل للي قدامي وجهة نظري .. كيف استخدم

الفاظي واختارها بعنايه عشان احاور الشخص اللي امامي ويااقنعه يايقنعني

ولو مااقنعني او اقنعته اكتفي بأبتسامه مو بالغصب اجبره يقتنع والا يمشي على هواي ...

والله لو كنا ببيت واحد

.. يووووووووه ماابغى اقووول كفوف وشد شعر وعض و و و و و ..........:hahaha:

حبيباتي:

كلها ايام قليله ويشرفنا رمضان .... ماعاد نبي نبغى نشوف مواضيع تشكي من فلانه وعلانه والحزب الفلاني ..

نبغى نكون يد وحده وقلب واااحد..يكفي الزمن علينا واقرب الناس لنا احيانا" يكونون ضدنا..

نجي احنا نكملهااا على بعض .. الوحده فينا ماشكت الا وتبي من يخفف عنها وينصحها مو يزيد همها هم ..

ونصير احنا والدنيا عليها!!!!!!

ارجع واقول هنا دعوه للتسامح .. هنا دعوه لصفاء القلوب .. هنا دعوه للمحبه..

غلطتي على عضوه تعالي هنا اعتذري لها.. او برساله على الخاص ..

اهم شي مايجي رمضان الا واحنا متصااافين ..وقلوبنا على بعض ^_^

وراح ابدى انا ...

بصراحه انا مااذكر اني غلطت على احد.. لاني ماارد كثير لاني بجد اخاااف ..

ايه والله صرت اخاف اكتب رد والقى هجووووووم .. ومالي علاقات متعمقه بالمنتدى..

بس برضه..

اي عضوه زعلت مني او غلطت عليهااا من دون قصد اقولها انا آآآآسفه وسامحيني

وحقك علي يالغلا ..

محبتي لكم ...

شموخ اٌنثى