بصراحه اذا فكر زوجك يخونك خليه اخر همك
مارح اصير عبده عندو عشان مايخونني احسها قمه الذل
هوا المفروض مايخون هذا واجب عليه
كفايه بنطبخ ونتعب وننظف ونغسل ونداوم ومكروفين كرف الله اعلم فيه ونلبس ونتشيك
واذا طلبتيه فلوس قال ماعندي واذا بنت رخيصه وطلبتو يجرررررررري يجبلها بطاقه شحن بالشي الفلاني ولا يحولها مبلغ وقدره بالبنك
خلاصصصصصصصصصصص كفايه سلبيه وذل للرجال
انا شخصيا اذا اكتشفت خيانه زوجي لا حزعل ولا حعصب ولاححرق دمي
ببساطه شديده جدا اطلب الطلاق واتزوج واحد تاني يقدر الجوهره الي عندو ومفهمه زوجي مضبوط هالكلام
والله يا حريم لو بس فكرتو ثواني بالموضوع تري زوجك محتاجك اكتر من حاجتك له
وهوا لو ماكان متاكد انو اذا خانك حتبدي تهتمي فيه اكثر وتدلعيه اكثر وتتقربي منك اكثر ماكان خان
اما لو عرف انك اذا اكتشفتي خيانتو
حيلاقي رده فعل عنيفه جدا جدا وبهدله وممرمطه وينفضح ويتورط
ويضطر يدخل فلان وعلان بالموضوع من اخوانك واهلك ويتفشل قدامهم
واحتمال كبيرجد ااذا فكرتي مجرد تفكير ترجعيلو يدفع مبلغ كبيررررر عشان يراضيكي مقابل خيانتو الكبيررررره
صدقيني حيفكر مليون
مره
قبل لا يخون لان العواقب وخيمه جدا جدا
ليش دايما اذا الرجال خان تفكر الحرمه انهامقصره فيه ؟؟
الرجال طبعو الخيانه والغدر وعيونهم بحر وهذا شي الكل يعرفو من زماااااان
واذا مالبستيلو مره او مرتين خير ياطير من عداله عاد لبس رجالنا الي البجامه الناصعه البياض من كرفنا وغسيلنا ماتتغير سروال سنه وفانيله؟؟
ليش يطالبونا بكل شي واحنا مانبي غير عدم الخيانه بس !!!
وهما حتي بذا مو قادرين عليه
خلاص كفايه انبطاح وتذلل ونركب نفسنا اخطاء غيرنا هذا الي خلاهم يتمادو علينا لان احنا بنحطلهم الاعذار قبل هما مايقولوها
الرجال ليش يحب البنت الرخيصه الي بره
لانو عارف انو مهي متوفره له طول الوقت
وانواذا ضايقها شويه بتتركو علي طول وتدور غيرو يسعدها ويبسطها
عشان كده بيكون حريص طول الوقت عليها لانو حاسس اي حرركه بتصدر منو بيخسرها علي طول
اما زوجتو عارف انو مهما سوا موجوده طول الوقت يعني وين بتروح هذا اذا ماقال تحمد ربها اني فاتحلها بيت:16:
حسسي زوجك ها الاحساس بالحلال وانو اذا ماحافظ عليكي بتروحي من ايدو وبتتزوجي غيرو وصدقيني غيره الرجال من هاذي الناحيه تكون ناررررررررررررررررررررررررررررر مستعره
وتلاقيه بيحافظ عليكي بزياده
خليكي شياكه علي طول مو عشانو عشان انتي تحسي فعلا اذا زوجك خانك انتي جميله ومرغوبه وبتلاقي غيرو
خلي بيتك حلو ونظيف مو عشان زوجك عشان انتي تبغي نفسيتك تكون مرتاحه
خلي ريحه العطر ماتفارقك ببيتك مو عشان زوجك عشان انتي تكوني واااااااااااااثقه من نفسك
خلي لسانك ينقط عسل مع زوجك مو عشانو برضو عشان تبينيلو انك ذوق والكل يحبك والكل كان يتمناكي
بسبب ذوقك واخلاقك
وعشان يحس بالفرق لما يغلط وتوريه الفيس التاني
اما اذا نكد بنكد ماراح يفرق زعلك من فرحك
لا تسالي زوجك عن رايك بشكلك او لبسك وهذا نصيحه مسويتها مع كل الناس انا واثقه بذوقي ومايحتاج اسئل احد عنو لانو اكيد حلو
شوفي نفسك ملاك ملكه جمال روعه اخلاق نفسيه تجنن لسان عسل علاقات اجتماعيه اصل طيب وظيفه حلوه جسم مرتب اناقه صبغات شعر اخر القصات افضل العطور علاقات اجتماعيه والكل يحاول يتقرب منك صدقيني تدرجيا زوجك يبدا يشوفك بمنظارك لنفسك اهم شي تكوني بتعملي هالشي لنفسك فعلا مو له وحاولي مايمسك عليكي اي غلطه
يعني لا اهمال ولا لسان طويل ولا ولا ولا...... عشان لما تبدر منو خيانه يعرف انو خسر انسانه مررررررررررررررررررررررررره صعب يلاقي زيها
بقولكم علي شي والله حصل معايا شخصيا
انا الحمدلله نحيفه واحيانا اسمن واسير وسط وبعدين ارجع تاني نحيفه
وعلي ذا الحال
المهم كنت اقول لزوجي لما اسمن شوي يالله نفسي انحف ياربي نفسي انحف كان يجاملني باللبدايه ويقولي جسمك حلو ((انا الحمدلله شايفه جسمي حلو))
المهم سار زوجي مع الايام لما اخذ عليه يقولي حلو جسمك بس لو تنحفين بس 2 كيلو
انا هنا عاد صنقررررررت عالاخر
الله واكبر عاد مرررره فرقت معاك هالا2 كيلو ويسير جسمي حلو يعني مالاقي فيني اي عيب غير 2 كيلو شافهم عيب وانتا تحمد ربك عليه انا فيني وفيني وفيني وانتا عيوبك كده وكده ومتقبلتك (((((طبعا كل هالكلام بيني وبين نفسي ماقلتو له))))
بس اتعلمت درس جدا جدا مهم ماابين عيوبي لزوجي ابدا واذا هوا شاف عيوب بجسمي او شكلي ابين له انها واو تجنن عاجبتني وهيا احلي شي فيني
واذا ماكنت تعجبو بصراحه ما فرقت معايا مره
وانتا شفتنيي بالشوفه الشرعيه ليش قبلت فيني واذا مررررررررررررررررررره مو قادر تتتحمل يعيبي علي قولتك طلقني واتزوج سيد سيدك ببساطه
وصرت اقولو جسمي يجنن روعه كل صحباتي يقولو بادلينا هههههههههههه ماشاء الله يا بختك
سار حتي هوا بعد فتره يردد ها الاسطوانه ويقول دا الكلام ليه
ماشاء الله تبارك الله
ويقول بنفسه اذا كل الناس فعلا شايفينها كده معناه فعلا هي كده
ممكن ارائي تكون عكس تفكير بعض الحريم ويمكن مانتفق بس هادي دعوه للنقاش
انا ماقولكم اخربو بيوتكم بس ا ترجاكم تكون ثقتكم بنفسكم عاااااااااااااااليه جدا واذا زوجك خانك خلي رده فعلك بمستوي الشي الي سواه
يعني مو هوا يخون وينبسط وادور عيوبي وادلعو زياده اذا عرف انك محتاجتو ومهما صار بتسامحيه اهم شي بيتك مايخرب بيشوفها نقطه ضعف ويتمااااااااااااااادي عالاخر
عموما مو كل الرجال زي بعض ولا كل الحريم زي بعض بس هادي رايئ وتفكيري واشوف انو مره صح لان نفسيتي مرررره ماشاء الله من دي الناحيه مرتاحه اذا فكر زوجي بيخونني ماراح اخسرو لانو بيكون ياحرام مسكين خسرني يعني خسرررررررررررر شي مره كبير وهذا افضل عقاب برائيي لخيانتو
اختصار الموضوع اذا زوجك خانك مو لي انك منقصه عليه شي
خانك لانو عندو خلل بشخصيتو مرررررررررره كبير
وقولي بنفسك الحمدلله اني مني زيو نفسيتي مريضه انا نفسيتي متزنه
اتقبل الاراء والنقد بس رجاء من غير تجريح خلينا نعبر عن راينا كلنا من غير مانغلط علي بعض وهذي ورده لكل وحده تشرف موضوعي:26:
الاخت كيكه 33
اولا يا قلبي اذا لكي اي تعليق علي كلامي كنت افضل انو كلامك يكون موجهه لي يا قلبي مو للبنات انو يلاحظو انو كلامي حجازي كنها تهمه يعني نتجنبها!!!!!
ثانيا حبيبتي انا اوكي حجازيه والحمدلله افتخر بس برضو انا قبليه وزوجي قبلي يعني متشدد زيو زي الرجال النجديين يعني مو الرجال النجدين شديدين والحجازيين يمشو علي كيفنا تري والله كلهم واحد
واعرف بنات كثير بالحجاز برضو الي معلقه والي مو راضي يعيطيها الطلاق والي ذالها بمهرها ويبي ياخذو الخ الخ الخ واعرف بنات بنجد تفكيرهم مثل تفكيري وسعيدين بزواجهم عادي يعني
وعيب الكلام حجازي ونجدي احنا نتناقش بعيدا عن الخلفيات حجازي ونجدي وحضري وقبلي والله مااحب اتكلم بها الاسلوب احسها عنصريه وجهل بس عشان اوضحلك وجهه نظري (اتركوها فهي منتنه) يعني العصبيه القبيله
ثالثا انا لو لاحظتي اقولك اعملي بالزبط زي ما يعملو الاخوات يعني دلعي نفسك ودلعي زوجك بس في حاله الخيانه لا تتقربي منو اكثر اقلبي الطاوله فوق راسو وخلي يعرف انو الي سواه جريمه كبيره بحقك لا تغتفر
عشان مايكررها واعطيكي مثال بسيط وحده من جماعتنا عندكم بالرياض اكتشفت خيانه زوجها كبرت الموضوع مرررررررررررررررره لدرجه 6 شهور جلست عند اهلها ولله زوجها جدا جدا جدا صعب بس الرجال اذا كان غلطان وكشفتيه بالجرم المشهود الي ماتنكسر عينو وماراح يخرب بيتو صدقيني ويضحي فيكي عشان علاقه تانيه ومهر جديد وزواج جديد ويخاف علي اطفالو من الضياع ((الا اذا كان اساسا مايبغي حرمتو من البدايه وماصدق علي الله بزعلها وهذا اذا ماتركك عالخيانه حيتركك بسبب تاني يعني حجه))
فا تلاقيه يحاول يرجع حرمتو باي طريقه وهنا عاد تطبقي نظريتي انك ماترجعي الا بشروط صعبه عشان اذا نفذها يخاف يخونك تاني لانو دفع ثمن خيانتو
رابعا اذا عالمجتمع حتي احنا مجتمنا ظالم والمطلقه لها نظره خاصه وووووووووو واهالينا مايحبو الطلاق وينصحونا نستحمل عيوب زوجنا مهما كان عشان لا ينخرب البيت بصراحه اهلي كده
بس انا عمري ماراح اكون كده اكره الخضوع والذل وكسر نفسي والرجال الي مايحس بقيمتي ما يلزمني
هاذا رايى واتمني تتقبلي بصدر رحب
الاخت العزيزه سعوديه ذوق
حبيبتي انا هذي السلبيه الي اقصدها
وتقدري تغيري نغسك لا تقولي ما اقدر
يا اختي خدي الف ريال
روحي مشغله صبغه وقص وتشقير واستشوار وانزلي السوق واشتري احلي لبس
اوقفي قدام المرايه ثقتك بنفسك حتزيد درجه
حيشوفك زوجك حيمدحك بس انتبهي لا تساليه اتشيكي واسكتي ثقتك حتزيد درجه
اهلك حيشوفكي يمدوحكي حتزيد ثقتك درجه
صحباتك حتزيد درجه
بعد دا كلو فكري بمزايكي الي تخلي ممكن شخص يرتبط فيكي في حال كنتي مو متزوجه
وظيفتك اصلك سنه جمالك اخلاقك الخ الخ الخ
حتزيدي درجاااااااااااااااااااات
جربي وشوفي
والله حتتغيري نفسيا من الداخل لو بس ريشيتي عطر
فراشه بجناح مكسور @frashh_bgnah_mksor
عضوة نشيطة
دعوه للحريم لا انبطاح ولا ذل بعد اليوم........واذا خانك ابو الشباب عقابو داخل الموضوع
61
7K
يلزم عليك تسجيل الدخول أولًا لكتابة تعليق.
رتوووو
•
صح لسانك وسلمت يدك
فعلاً انا معاكي بكل كلمة قلتيها والله اني انقهر من الزوجة اللي تتغير وتكتشف عيوبها بعدزواج زوجها عليها ليه انا استناه يمسك عليه شئ وبعدين اعدله عشانه هو ؟؟؟؟؟
لو المرأة اهتمت بنفسها من جميع الجوانب وماطلعت عيوبها لزوجها اياً كانت هذي العيوب حتكون ثقتها بنفسها عالية وهذي الثقة هي اللي تنقص بعض الزوجات
اهنيييييييييييكي على ثقتك القوية بنفسك ما شاء الله
لو المرأة اهتمت بنفسها من جميع الجوانب وماطلعت عيوبها لزوجها اياً كانت هذي العيوب حتكون ثقتها بنفسها عالية وهذي الثقة هي اللي تنقص بعض الزوجات
اهنيييييييييييكي على ثقتك القوية بنفسك ما شاء الله
الصفحة الأخيرة