دعوه للمتزوجااات والغير متزوجااات ضروري الدخول

بسم الله الرحمن الرحيم

حبيباتي بنات حواء لكل وحده تكمل موضوعي الله يجزاها الجنه

و والديها وكل من تحب يارب..

اولا بقولكم مشكلتي ويمكن يكون الحل بأيدكم بعد الله يمكن بتقولون

هذي ماهي مشكله بس اقسم برب الكعبه اني اعاني معاناة مايعلم

فيها غير رب العالمين انا ياخواتي من سنه وشوي تعبت تعب شديد

وكل شيخ اروح له يقول فيك عين اقسم بالله اني حسبته الموت

لكن ربي لطف فيني وصرت اقراء عند مشايخ واقراء على نفسي

اكثر من سنه وشعرت بتحسن ولله الحمد صحيح مو ميه بالميه

لكن الحمدلله اللي تعديت مرحلة الموت المرييييبه...

من بعد هالسالفه وانا اعاني من خوف شديد واحساس شديد

بالالم من اي شي خصوصا اسناني تخيلوا يابنات مره رحت لدكتورة

اسنان احس وهي تشيل العصب كأنها بتقطع قلبي من مكانه من

كثر الالم مع اني قبل سنه ونصف ما كنت كذا كان الخوف الطبيعي

والالم الطبيعي المهم ماخليت الدكتوره تكمل شغلها باسناني ورب

البيت انها خافت من وضعي قالت خضيتيني ياشيخه ولا كملت شغلها

والان والله اني بشكل شبه يومي اكل مسكنات لاسناني لان عندي

ثلاث ضروس معدومات واحد يبي خلع ودايما عاصبه راسي ونفسيتي

تعبااانه ودايم معصبه على زوجي وعيالي وكله من تأثير هالاسنان

اللي مو قادره اعالجهم ؟؟؟

وزوجي بدا يمل من تصرفاتي بس مو قادره اروح لطبيبة اسنان من

الخوف الفضيع .؟ ولاتقولون طبيعي انا قبل سنه ماكنت كذا لو اني كذا

من قبل كان ماضاق صدري ؟؟؟؟

اقسم بالله العظيم اني تعبانه نفسيا وجسديا..

خواتي بنات حواء لكل وحده مو متزوجه تدعيلي راح ادعيلها بكل صلاة

ان الله يرزقها الصحه والعافيه والزوج الصالح والاولاد البارين الصالحين

ويرزقها الرزق الحلال وراحة البال والثبات على الدين وحسن الخاتمه

ويرزقها الجنه و والديها يارب العالمين..

ولكل متزوجه بدعيلها بكل صلاة ان الله يسخر لها زوجها ولا يطالع

بالدنيا غيرها ويرزقها الاولاد الصالحين البارين ويرزقها الرزق الحلال

وراحة البال والثبات على الدين وحسن الخاتمه ويرزقها الجنه و والديها

اللهم ياحي ياقيم ياذا الجلال والاكرام اللهم اني اسألك بكل اسم هو لك

انك تستجيب دعوتي لاخواتي في الله بنات حواء ....

ادعولي ان الله يفرجها علي ويبعد عني الالم والخوف واعالج اسناني

ويبعد عني باقي الاعراض اللي منغصه علي حياتي...

الله يوفق كل وحده دخلت وقرت الموضوع وردت او حتى قرت الموضوع

ولا ردت....