السلام عليكم
خواتي السالفة مو سالفة ورا ولا جدام .. هي مسالة مبدا..
مهما كان الولد كبير بالسن ما يكبر على امه .. الولد بعمر 14 او 15 مراهق.. اذا ما حس ان من واجبة احترامج حتى و ان كان شي تافه مثل السياره ممكن تفقدين قدرج طول عمرج .. يعني مو رجال الي يسترجل على امه

حنا تعلمنا لو امي راحتها انها تدوس على راسنا احط راسي تحت رجلها .. حتى و ان كنت رجال!
لا اذكر من بالضبط من الصحابة او السلف الي كان وقت الاكل ينتظرها تاخذ لقمتها علشانما ياخذ شي في خاطرها ..
حنا الي لازم نفرض احترامنا لابنائنا .. الاطفل من هم صغار لما يصير وقت الغذا ما يلمسون الاكل لين يجي ابوهم .. ليش؟ علشان الاب له هيبته و هالفكره توصل من صغرهم من ابسط مثال الي هو الاكل
ليش الام تعلم ولدها ان الرجوله بالقعدة جدام؟ .. بالعكس الرجوله ان يحترم امه و ما يتقدم عليها خطوه
بيحس ان رجال هو 16 سنه و ما راح يرضى يسمع اي انتقاد او توبيخ اذا غلط و يمكن يعلي صوته لان رجال و يقعد جدام.. (( هذا مستوى تفكير المراهق الطبيعي )) خاصه اذا اهله مشعينه عن طريق هالمواقف التافهه جدام و ورا!!
افرضوا احترمكن يا امهات م صغرهم و لكل سن طريقه و موقف لوصول الرساله حتى تعينوهم على بركم ..

كل وحده وقناعتها انا بصراحها اشوفها مو حلوه ابو 18 راكب مع البزران والشغاله ورا
اكيد راح تقولون والام عادي مع البزران ؟ ايه عادي هذولا عيالها
ولازم الولد يحسس بقيمته علشان لاتزوج وكبريعرف يدير بيته وحرمته والا لاتستغربون اذا صار ثور عند حرمته لانه عند اهله ماكان يعامل باحترام
وبعدين اذا على المكانه والتقدير بالعكس ورا احسن ودايم الاميرات يركبون ورا هههههههههههه
واذا جا هاك الوقت اتوقع اغلب طلعاتي مع وليدي لان الشايب اكيد بيتقاعد من المشوره
تخيلي تسحبين ابو50معك السوق والولد موجود ؟
سويت فيلم مع ان ولدي توه كمل5سنوات

انا الحمدلله مرتاحه لاني انا اللي اسوق واحنا الاثنين قاعدين جدام محد احسن من احد عشان ما نتهاوش ونتذابح بالشارع على هالركبه

بس بيني وبينج حتى لو رحنا مع ابوه معصي وانا امه يركب جدام وانا ورى كني سيلانيه لاوالله يركب ورى وهو خوش ولد
بس يمكن لاكبر اغير رايي والله مدري
ادعيلي الله يطول بعمري وعمرج واقولج شصار
ودارت الايام وكبر الولد وقال يمه انا اللي بقعد قدام قلتله انثبر كالعاده ورى هذا السيناريو اللي بيصير
والله راحمني اني انا اللي اسوق