دعوه للنقاش لماذا نخاف الطــــلاق

وليش ان شاءالله نخاف من الطلاق؟؟؟ بالعكس اللي زوجها منكد عليها طول عمرها ومطفشها حياتها وفوق هذا ماتحبها , يااختي بالطقاق ,,, اطلب الطلاق احسن ولااعيش مع واحد ماهو ببني ادم...
والطلاق بكذا احسن ...
بس ممكن ان بعض الحريم مابيدهم حيله ,, او علشان اطفالهم ,, او مثل ماقلتي عزيزتي ظلم الاهل ,, واشياء كثيره كلها تعتمد على حسب ظروف المراة الشخصيه,,
والمراه في مجتمعنا العربي مهضومة الحقوق,,
اما عن نظرة المجتمع ,, فلا اعتقد انها مشكله لان الزمن تغير وماصار عنده مشكله يعني صار عادي,,وبعدين ايش فيها المطلقه هي ارتكبت اثم يعني؟؟؟
والمطلقات يجيها نصيبها ويعوضها الله باحسن من طليقها مليون مره ,,,بس المشكله الكبيره
الاطفال ....هم اللي راح يتبهد لو فيها ,,, الله يعين

شكرا على مروك وكلامك عين الصواب بس ياليت الكل يشارك عشان نستمع لجميع وجهات النظر ومشكوره مره اخرى

مدام أن الوحده ماشفت الا النكد والهم والغم والدموع والتجريح والاهانات
وهي متزوجه تطلب سعاده على سعادته بلاش حياة تعاسه الطلاق افضل
لكن دائم الاكثر يترددون بسبب نظرة الناس
وخوفها انها تاخذ شايب ولا ابو عيال؟؟؟؟

انا ضد من تحرض على الطلاق المراة ليست كالرجل تحسب عليها خطواتها اذا طلعت اذا لبست اذا 0000000الخ وهذا ماهو عيب فيها ولكن نظرة الناس الشي الثاني اقرب شي صديقاتك يصيرون يخافون على رجالهم منك حتى لو كنت عن حسن نيه زايرتها الشي الاهم اهلك يتغير تعاملهم معك وانت يمكن تسببين لنفسك مشاكل انتي بغنا عنها مع الاهل وحريم اخوانك بحيث انك تحسسين من اي كلمه تنقال وبالذات اذا كانت قصة طلاق مطروحه بحيث انك تنفعلين بالموضوع وتصيرين دافعين عنها حتى لو كانت المراه غلطانه لكن انتي بدافع نفسي تدافعين عن نفسك موعنها ومن غير مشاكل الاطفال اذا وجدوا فالبداية من الطلاق الكل راح يتعاطف معك اهلك او قرايبك لكن بعدين راح يكرهونك بسبب حساسيتك من غير اذا كنت تتمتعين بجمال او اي مميزات اخرى

نا بصراحه ضد الطلاق بالمره00
الا 1ذا كانت الحياه فعلا معه مستحيله00
وحنا في مجتمع لا يرحم المطلقه فهي تكون الغلطانه في كل الأحوال00
وتبدء مشاكلها اكثر من الأول 00
انا ثنتين من اخواتي مطلقات وحده تطلقت بعد شهرين من زواجها وكانت حامل وبعد ما صار للبنت سبع سنين طلع ابوها فجأه علشان ياخذها واختي جاها السكر علشان كذا
وهي في حال لا يعلمه الا الله
والثانيه تطلقت بعد سنه والها بنت بس علي طول طاح كرتها بعد الطلاق وصار مايخطبها الا ياشايب اومتزوج وعنده اولاد00مع العلم انهن ما تعدن الخمس والعشرين
فمن يكون المسئول؟؟
الأهل الي ما اختار الزوج الصالح لها؟
او تكون هي غير قادره علي تحمل المسؤليه؟
او المجتمع اللي يظلمها ويخليها مسؤله عن كل شي؟؟
خاصه اذا ما كان لها وظيفه تسند ظهرها وصارت عاله علي اهلها هي واولادها00
علشان كذا لازم تحسبها من كل ناحيه قبل لاتفكر بالطلاق00