مالكة النجوم :

كلامك صحيح 100x100 وسبحان الله كنت ناويه انزل موضوع بهالخصوص كلامك مربوط واختصرتي كلام كثير كنت باقوله وبعد إذنك رح ازيد نقطتين ياليت الناس يعلموا عيالهم الذوق ولاتكيت من صغرهم عوديهم على عالشي هذا من البيت لانه اذا تعودا على الحوسه والعب بالاكل رح يحرجوك عند الناس ومرح تقدري ترديهم بالمعنى جوني ناس الله يذكرهم بالخير ويستر عليهم دنيا واخره وهذا الكلام ما قلته الا للفايده مو تتبع عورات او غيبه وفضايح. فلا تجيني وحده تتفلسف علي لأنكم ما تعرفونهم جوني ولعبوا بالبيت لعب من اكبرهم لاصغرهم قعدت أنظف يومين بعدهم فايليت اذا بغيتي تعطي عيالك حلا تمسكيه جنبك الين يخلصها او قولي رح اعطيك إياها بالبيت اذا رفض حطي بحضنك واكليه بعدها مسحيه وفكيه قعدت اشيل الشوكولاه شيل من الموكيت مدعس بكل مكان في المقلط لا بعد وهم جالسين بالمجلس فاكين عيالهم على الغرف والمقلط وشالو العاب بناتي وهاك مهاوشه ومفارعه لقيتهم فاتحين غرف البنات وقاعدين يحوسون فيها اولاد كبر جدي وبنات والبنت الكبيره يمكن بسادس متربعه بالمطبخ وش فيك هينا قالت ابي سكر على فنجاني قلت خلاص أنا بزيدك من السكريه أنا حاطتها منظر قالت لا أنا احب احطها بنفسي تحسبها ببيت أبوها الشره على أمها والا المفروض انها قاعده جنب أمها والا تلحق إخوانها الي حايسين الدنيا بالبيت ولا رجعت ثاني مره أردها من المطبخ بيده قلاس ماي تبيه لابوها يعني لمجلس الرجال قلتلها ليه ماقلتيلي عشان اعطيك قلاس الضيوف وشوي راجعه بقلاس ثاني لعمها وشوي داخله بالمبخره علي قلت روحي نادي رجلي وكلمت قلت اذا تبي شي قلي ليه ترسل البنت قال ماارسلتها هي تجيك من كيفها واذا جيت ابي أناديك تنط من عندكم وتقول ايش تبي أنا باقولها وزوجي يقول البنت كبيره والله اني استحي انتظر فيها لماتدخل عندنا ورى ماتقعد جنب أمها عيب الي بسنها تقعد تمون على الرجال كذا والصراحه المفروض انها بالبيت تمسك إخوانها وتتعلم على المسؤليه من الحين الله يرحم امهات زمان ماكنت افرفر من جنب أمي شبر لما كنت صغيره ولما كبرت يعني بسادسه كانت تقولي ماله داعي تجين معي كله حريم كبار عيب قعدتك معنا عشي اخوانك ونوميهم ونامي الين أجي الله يخليها لي زرعت هالشي فيني وحابه ازرعه ببناتي والا الكبار الي مايقولوا شي لعيالهم يشوفونهم يحوسوا الدنيا وعادي عندهم أنا لمارحتلهم خليت بنتي عمره سنتين مع أبوها بعد ترجي طبعا لانه اولادهم كبار وأخاف على بنتي والثانيه شهرين معي رحت وانا مرتاحه لا حوست عليهم وقعدت اطارد وراها مع انه ياحبي لها بسم الله على قلبها ماشاء الله ماتتحرك من جنبي ولا تاخذ شي الا لما أعطيها لانه دائماً ادعي ربي انهم يكونوا مؤدبات لانه الهدايه من ربي ونصيحه اللي عندها اولاد تعودهم يقعدوا مع ابوهم بالمجلس او باليت خاصه اذا بدا يدرس ماله داعي قعدته مع النسوان لانه ماعد صار يغرهم شي والبنت ماتتعدى من جنبك واذا كبرت تقعد بالبيت الا اذا كان معها صديقه من نفس البيت الي بتروحين لهم يعني بنفس السن والله يغفرلي ذنبي ان كنت تعديت حدودي بالكلام

كلامك صحيح 100x100 وسبحان الله كنت ناويه انزل موضوع بهالخصوص كلامك مربوط واختصرتي كلام كثير كنت...

Coffee morning :

طيب ياحلوات انتم من النوع اللي عادي تتقبلين تجي جارتك او اي احد تساعدك بالمطبخ وتغسل مواعين وكذا انا صراحه بس اللي تمون مررره لاني سبحان الله من النوع اللي ابي اسوي كل شي بنفسي وبطريقتي وماحب احد يتدخل كثير يعني حتى لو جينا نرفع السفره مثلا عادي يرفعون معي بس ماحب يجون يرجعون الاغراض معاي او ينشبون لي بنغسل ونرتب معك ..انا اقولهم روحو ارتاحوا انتم ضيوفي وانا جايتكم .. وماتأخر عليهم اروح بسرعه ارجع الاكل اللي بالصحون في علب وكذا ,, والمواعين احطها في المجلى.. بس اغسل الصحن اذا وحده جايبه معها شي او جايبه ترمس اغسله واجهزه لها ..الا اذا كانت من جاراتي المقربات عادي اخلي صحنها عندي عشان ارسله لها بحلا او معجنات في اي وقت .. وارجع اجلس معاهم ..واذا راحوا اروح اغسل مواعيني وانظف مطبخي براااحتي وش راااايكم ؟؟

طيب ياحلوات انتم من النوع اللي عادي تتقبلين تجي جارتك او اي احد تساعدك بالمطبخ وتغسل مواعين...