دعوه لنقاش عن اسباب تأخر الزواج..لعلنا نجد الحلول

السلام عليكم ورحمة الله وبركاته ... الزواج من اروع العلاقات واجملها فهي سنة الحياة وركيزه الاولى للمجتمعات والزواج اوجد في جميع الديانات ولكن الاسلام رفع قدر الزواج وجعله من الامور الواجبه والتي لايمكن الاستغناء عنها ,لكل الطرفين فلماذا ?اصبح الزواج عبئ على الشباب ولماذااصبحوا عازفين عن الزواج ....والله ان البيوت مليئه بالبنات الجميلات والعفيفات ولكن اين الرجال عنهم حرام والله البنت تتجرع هم الزواج والام والاب يتفرجون ليه ماتخطبو ن لبناتكم لاتقولون هذا الشي عيب ولا حرام بلعكس هذي مافيها شي يكون الاخ او الاب عارف رجال صالحين لكن لا الاب ولا الاخ يتحركون مفيها شي اذا عرضت بنتك اواختك عليه لكن بشروط طبعا اهمها يكون رجال بمعنى الكلمه ومقتدر ..لكن بعضهم ياقول كيف اعرض بنتي وش راح يقول عني مضيقه عليه بنته ..والله يابنات اني احس بخواتي البنات الي ماتزوجوا ومدى معانتهم والله ان اغلبهن مستورات وربات بيوت صح ويمكن يتفوقن على المتزوجات والله اني احب لغيري ماحب لنفسي ..فيه اسباب تقع على عاتقنا نحن المتزوجات في كثرة متطلباتنا على ازواجنا فيه اشياء كثيره نقدر نستغني عنها وبكثرة متطلباتنا راح زوجك يروح لعمله وتكلم على اصدقائه وراح يسب في هاالزواج ويسمعه من لم يتزوج وراح يقول الي ماتزوج كيف انا ابقدم على الخطوه هذي واخواني واصدقائي يسبون في الزواج .. الاسباب كثيره والله يااخوات ومتشعبه ..بالاضافه الى الشروط وغلاء المهور ووو اشياء كثيره والضحيه الاولى هاالبنيه المسكينه ثم هالشاب المسكين الي يبغى الستر والعفه بالحلال يعني هذا جزاه ... والله يابنات هذا الكلام الي كتبته ماهو كلام عابث والله ماكتبته الى من حبي لاخواتي البنات وقلبي عليهم .. كلامي ماراح يكون كامل ميه بالميه حتى تضيفوا انتم عليه مانقص .. اناماكتبت الكلام هذا علشان اشوف عدد الردود لا والله اني ودي انكم تكتبون كامل الاسباب عن تاخر الزوج لعلنا نستطيع رفعه ولو بالايميل لعلمائنا ومشيخنا لعل الله يطرح على ايديكم البركه.