اليوم بعلمكم خبزة البصل اللذيذه ويارب تعجبكم
3 كوب طحين اسمر
3 كوب طحين فاخر او ابيض
3 كوب بصل مفروم بس مو ناعم
كوب لبن
كوب ماء وربع كوب زيت
بيضه
2 م اكل خميره
2 م اكل سكر
1 م اكل ملح ومثلها بيكنج بودر
بالخلاط
كوب ماي وكوب اللبن والخميره والسكر والبيضه والزيت والبيكن معاهم كوب من الطحين بالمضرب عشان ينعم
طبعا حطينا كوب من الطحين للخلاط باقي 5 اكواب نحط عليهم م اكل كمون حب محمص شوي وم اكل حبة البركه ومثلها اعشاب انا استخدت بقدونس وكزبره ناشفين ممكن تستغنين عنهم
هذا البصل شوفي تقطيعه لا خشن ولا ناعم
وقفي الخفق وركبي العجانه واضيفي الطحين والبصل وخلطيه عدل
راح تلزق شوي طبيعي بللي ايدج زيت وشيليها وخليها بطاسه تتخمر ساعه
وريحتهم ثلث ساعه
ودهنت الجه نتفه حليب بالفرشه
وخبزتهم في فرن حار
اقسمها اربع شرايح
والفها بفوطه عشان لا تنشف
احنا بلها بالشوربه خصوصا بالشتاء
بس انا ما احبها الا مع شاي ساده
والباقي ينلف وينشال بالفريزر ويطلع يتسخن بالتوستر ويصير ناشف شوي والبصل يتحمش فيه وريحته تكفخ
يلريتكم معاي
حياكم الله ولو عجبكم لا تحرموني بدعوه :) :26: وجزاكم الله خير