أنا أول ماتوظفت كنت خجوله وكانوا فيه معلمتين إذا شافوني يقعدون يتغامزون وأحيانا يحرجوني وأنا والله مسالمة جدا ,,,
والكل ولله الحمد يشهد بأخلاقي وطيبتي بس سبحان الله الغيرة وماتسوي ,,, المهم في يوم من الايام احرجوني قدام بعض المعلمات وأنا ساكته والله من الحياء والخجل ماقدرت أرد عليهن ,,, ورجعت للبيت وانا متضايقة وما قلت
إلا حسبي الله ونعم الوكيل عليهن إذا كانوا قاصدات يحرجوني وبس وهذه دعوتي ومرت فترة وهن على هالحال وأنا والله بس اتحسب عليهن وفجأةسبحان الله وحده منهن تطلقت والثانية الله لايبلانا اصيبت بمرض السرطان وللحين تعالج منه ,,, أنا والله لما صار اللي فيهن تندمت على دعائي عليهن وسامحتهن من كل قلبي ...

(( اللهم اجعلني مظلومة ولا تجعلني ظالمة ))

دعواتكن يا بنات بان ربي ينصرني على من تشمتن بولدي
حسبي الله عليهن و نعم الوكيل

السلام عليكم وصبباحكم خيير *****الله موضوعك حلو وشدني اشارك فيه معكم انا وحده من المظلومات اللي انظلمت ومن من من اهل زوجي اولا يجيني كلام عن طريق خالتي ام زوجي انه زوجة ولدها تتكلم فيني واذ دافعت عن نفسي خالتي تزعل مني وتروح تشكيني لزوجي ودائما والله العظيم تجيب لي الكلام واذا دافعت تزعل المهم استقبلت قبلتي ودعيت ربي انه يحول مابينها وبين زوجة ولدها وسبحان الله حسيت انه تقبل ربي مني واللحين لهم 8 وبيدخلون 9 سنين وهي خالتي ماتشوفها والسبب قالت لزوجها انه امك ساحرتني وجاء هو لامه واحلفها على القران استغفر الله وبعدين اتهمتني انا وامي انه بعد سحرانها هذا كلام خالتي وبعد كذا جاء اخو زوجي اللي زوجته اتهمت امه وقال فيني كلمه بعرضي وسكتت ماقلت له شئ واخوه الصغير تعرضني وسوى لي حركات والله وسخه وانتم عارفين وبعدين اخته 3مرات تخطئ علي وهذاني ادعي ربي واتمنى اشوفهم بكل مادعيت ربي عليهم واسفه للاطاله ودمتم

حسبي الله على الي ضلموني والي يفكر يضلمني انا قهرتني وضلمتني خدامتي طقت قبل رمضان وراحت سفاراتهم وتبلت علينا وكذبت وخسرنا فلوسنا حسبي الله عليها تعبت واااااااااااااااجد في رمضان الله يجعل كيدها في نحرها ويجعل تدبيرها تدميرها

قرات قصصكم خوفتوني يارب اجعلني مظلومه ولا تجعلني ظالمة
انا بصراحه حصلي موقف ظلمتني اخت زوجي وكانت تقهرني باولادها وترسلهم عندي بكل لحظه وتقاهرني ونكدت عيشتي انا وزوجي يالله شو بكيت منها وشو حصلت مشاكل بيني وبين زوجي بسببها وخاصه وانا حامل وكنت تعبانه اقسم بالله بيوم بكييييت ودعيت عليها من قهري ان ربنا ينكد عليها حياتها باولادها ويبتليها مثل ما نكدت علي اقسم بالله ثاني يوم بنتها اللي عمرها 3 شهور دخلت المشفى وضلت اسبوع بصراحه تعجبت من عدل ربي وحكمته لكن ندمت كتير اني دعيت شفقت على بنتها بس ما اقول غير الله يصرفها عنها ويبعدها يارب يارب