أن تزوجت واحد أسئل الله العلي القدير أن يقتص لي منه ومن اهله ومن جميع من عاونه على ظلمي وخراب بيتي
المهم ماتميت عنده 3 شهور الا وأنا طامح على بيت أهلي وكنت أقول مشكله وتعدي
ولكن الي صار جا طليقي بعده بيوم وسوى مشكله بالبيت عندي وكبرها وتهمني بتهم فصرت أطلب الطلاق وهو يقولي
النجوم السما أقرب لك
وبعدها غطس مادريت الا على يوم العيد وناس تجي تعايد وتقول حقيقه بنتكم تطلقت ورجلها تزوج أنه ملك على بنت عمه الي بديره
مو مهم طبعا أنا غاسله يدي منه ولكن هو كملها فخلاص جت منه مو مني فرحت على عمي لأن أبوي بالمره مريض
أطلب منه يطلب طلاقي لأن طليقي رافض وكان هذا يوم عيد هذا هدية حملي وعيدي من زوجي!!!
المهم عمي ماهمه ويماطل لدرجه مضى شهور وصرت علكه بحلوق الناس طلعت من بيتي وانا حامل مالي أسبوعين
والله وحم وتعب ومشاكل وهم وغبن وحسره وشماتة أعداء بنات عمي فرحوا فرح
وكلماكلمته قال على أيش مستعجله
خلاص رجال معلقني ماشفت وجهه من خمس شهور أو سته وراح يتزوج وش أبي فيه
المهم كنت ضعيفه مالي أحد غير ربي ومشكلتي يبيلها رجال تدخل فيها تحلها طبعا جلد ماهو جلدك على شوك جره
عمي مافكر فين ماطلني الين كبر بطني
رحت المحكمه يالله أطلع الدرج من بطني مالي الا يوم وادخل الثامن والله من عنده سهل طلاقي من أول جلسه
وبنات عمي مبسوطين شمتانين وعلكه بحلوقهم
طبعا أبوهم ناد أخوي وسمع منه مشكلتي مع طليقي بعد ماسمع الكلام قال أنا تعبان ومالي بالمشاكل
من الاساس ليش تتكلم ولا بس تسمع على أخباري حتى يفرح هو بناته فيها
المهم أبوهم يمرض بسرطان وكان يراجع برياض ويتوفى هناك وثاني يوم عزا ولاهم بالمنطقه عندنا فوحده منهم بدل مازوجها
يقولها عظم الله أجرك قال تراني تزوجت
والله ثاني يوم عز قال علشان تصير الزعل مره وحده هي كانت مستنده على ابوها
وشمتانه فيني لأن مالي سند انا سندي ربي أذا ماتدري
والله طمح له قرابت السنه حال عيالها يحزن صارت هي الحين حديث المجالس
والله مادعيت عليها ولاحتى تحسبت ولكن كانت شماتتهم فيني تحرقني والله من فوق عالي سما نصرني عليها
وأن كانت أمورها ماتفرحني وطليقي الي حرمني المصروف وأنا حامل وكنت وقتها زوجته
تزوج ولكن ماخلف وأسأل العلي القدير كنه يوم راح وتزوج مو لسبب الا لجل يزيدني ظلم فوق ظلمه هو أهله وكنه لقى من يعاونه على ظلمي ومرته وأهلها ماخفى عليهم من أمر أهل طليقي شي من ظلمهم وفرحوا بخراب بيتي
أسئل الله أن يجعل بأسهم بينهم شديد ولا يتمم لهم فرحه ويقتص لي حقي أنا وأهلي منهم بكل ظليمه ظلموها لنا علمنها أو ماعلمنها ومن جميع من عونهم على ظلمنا
أدعولي وأدعو لبنيتي أن الله يحفظها لي ويرزقني حضانتها من حيث لاأحتسب

انظلمت لكن مادعيت .. ربي نصرني وأنا ساكتة .. حتى شكوى ماشكيت لأحد وربي شاهد
ناس سعوا في طلاقي من وراي .. صكوا على الرجال ووسوسوا له ومانفع ... استعانوا بشخص له تأثير على زوجي ومايقدر يزعله .. شوشوا له وجاء يهدد زوجي انه يطلقني ورفض .. تبعها مشاااااكل كثيرة وأنا ما أدري .. لما دريت بعد مدة طويلة انقهرت وحسيت بغبن وحزن مع ان اغلب الأحداث خباها زوجي عني .. وبالنهاية .. ربي أخذ لي حقي بدون ما أدعي على أحد
طبعا ما اقدر اقول التفاصيل .. لكن الله نصرني ولله الحمد.

حسبي الله ونعم الوكيل فى كل ظالم..

حسبي الله على كل ظالم ومايخاف الله

انا وحده الله يكافيها حاولت تفرق بيني وبين زوجي واهل زوجي بتهامات باطله وكلام زور وتحريف بالكلام طبعا بعد محاولات منها بائت بالفشل بالتفريق من سنين وكنت بعد كل صلاة اتحسبن عليها وادعي بقلبي عليها

لين سمعت انها بالمستشفى بين الحياء والموت وانها ممكن يقطع النفس عندها باي وقت .....الظليمه ماهي بسيطه وفي كثير يستهينو بالظلم

وبعدها وقفت دعاء عليها مو عشانها عشان عيالها بس


الله يهدي من خلق .....واكون مظلومه ولا اكون ظالمه

تستخدم لإزالة الغم والخوف ولطلب النصر والحمايه..
*حسبي الله ونعم الوكيل
*حسبي الله لما آهمني حسبي الله لمن بغى علي حسبي الله لمن حسدني حسبي الله لمن كادني بسوء حسبي الله عند الموت حسبي الله عند الصراط حسبي الله لا إله إلا هو عليه توكلت وهو رب العرش العظيم.
*حسبي الله لاإله إلا هو عليه توكلت وهو رب العرش العظيم 7 مرات
*حسبي الله لديني حسبي الله لاإله إلا هو عليه توكلت وإليه أنيب
*ياعزيز أعزني وياكافي أكفني وياقوي قوني ويالطيف ألطف بي في أموري كلها وألطف بي فيما نزل.
*اللهم سخر لي جميع خلقك كما سخرت البحر لسيدنا موسى وألن لي قلوبهم كما ألنت الحديد لداود فانهم لاينطقون إلا بإذنك نواصيهم في قبضتك وقلوبهم في تصرفهم كيف شئت يامقلب القلوب ثبت قلبي على دينك 3 مرات
*أللهم إني ضعيف فقوني وإني ذليل فأعزني وأني فقير فأرزقني وأسألك خير الأمور كلها وخواتم الخير وجوامعه..
*اللهم سخر لي من يكون لي عونا على ماأريد من أمور الدنيا والأخره..
*اللهم بك أستعين وعليك أتوكل اللهم ذلل لي صعوبة أمري وسهل لي مشقته وأرزقني الخير كله أكثر مما أطلب وأصرف عني كل شر رب أشرح لي صدري ويسر لي أمري ياكريم.
*اللهم عليك توكلت فارزقني وأكفني وبك لذت فنجني مما يؤذني أنت حسبي ونعم الوكيل اللهم رضني بقضائك وقنعني بعطاءك وأجعلني من أوليائك.
*اللهم أشغل الظالمين بظالمين وأخرجني من بينهم وأعني بجنود آراها وجنود لاآراها يارب أربط على قلبي وأجعلني من المؤمنين بقضاءك وقدرك..