ياكثر مادععيت وربي استجاب لي والحمدالله رغم اني ندمت
مره قريبه لي قالت كلاام مو كويس علي وانا زععلت لاني مو كيذا وانقهرت لانها فضحتني قمت ادعي عليها يارب تموت بفضيحه زي مافضحتني وظليت ارددها كم شهر ماتت بفضيحه كبيره وظلم الله يرحمها يارب ويغفرلها ويسامحها
نفس الشيء عوائل من قرايبنا تربطهم علاقه يعني بنتهم ماخذه ولدهم والعكس المهم
طلعو كلام مو كويس وانو حنا مع شباب وش كثر دعععيت عليهم وكم يوم الا مشاكل قايمه قاعده بينهم كل بناتهم تطلقو وعيالهم طلقو زوجاتهم واظل اقول حسبي الله ونعم الوكيييييييل ربي ياخذ حقنا منهم وربي مالنا وجهه نطلع حسبي الله ونعم الوكيل

انا الحمدلله على كل حال أنظلمت كثير ومريت بأوقات يأس أستغفرالله
وأرجع أصبر نفسي وأطلب الله الصبر والأجر
أيام طلاقي الأول تكلم علي خالي قدام جدتي وخالتي وكان رافع صوته لأن طليقي بالمجلس بحكم أنه ولد خالتي(يعني كنا في بيت جدتي)ويبي طليقي يسمعه عشان ياخذ وحده من بناته اللي كانت مناشبة لي هي وامها من خطبتي عينهم عليه
وكان طليقي يحذرني منهم وأنا وهو نشوف رؤى فيهم وتفسر انها حسد والحمدلله جلست معه 5 شهور وكرهته وكرهني بدون سبب
بعد حب وملكه دامت سنتين
المهم خالي رفع صوته وتكلم علي واتهمني بشرفي تخيلوا بشررررررررررررفي
ليش طيب وش اللي حاده يظلمني؟!!!!
أنا ساعتها بكيت بنفس المجلس وخالتي تهدي فيني
رجعنا للبيت وفرشت سجادتي وابوي عرف بالسالفة والله انه لاحقني للغرفه يقول لا لا تدعين عليه سامحيه
صليت ركعتين ودعيت عليه في سجودي
بعد اسبوع سبحان الله كل من شافه قال هذا كأنه طالع من قبر وش فيه مريض؟
راح حلل وطلع عنده سرطان
جلس فتره متعذب ومريض وانا من القهر اللي فيني ماسامحته الله يسامحني
حتى الوالد كان يقول انتي تدعين عليه صح؟
ويطلبني اسامحه
وفي ليله زرته وشفت حاله وبكيت وهوكانه يعتذر بطريقة غير مباشره
رجعت للبيت وقبل الفجر صليت ركعتين قريت فيهم البقرة ودعيت له وقلت يارب اشهد اني سامحته وحللته
واليوم الثاني توفى الظهر
الله يغفر له ويرحمه ويجعل قبره روضة من رياض الجنه ويجمعنا فيه بالفردوس الأعلى
وحده تقرب لي ايام طلاقي قامت تكلم فيني عند بنات عمتي وتسب فيني وتمدح خوات طليقي مع أنهم ظلموني
دعيت عليها وبعد فترة تهاوشت الحرمه نفسها مع خوات طليقي وبكت بسببهم وانتشرت سالفتها
وحده تقرب لي تشمتت في طلاقي وكانت هي مطلقه بدون دخله يعني ملكه بس وكانت تهزا وتقول انتي خلاص دخل عليك انا غيييررر
وسبحان الله تطلقت هذي البنت مرتين والحين معلقه من سنتين طالبه الطلاق من الثالث
وحده أقلقتني انا وامي بكلامها دعيت ان الله يشغلها عني ويبتليها وأصيب أصغر أطفالها بسرطان وجلست سنة كامله وهي بالمستشفى بهم وغم وأرتحت منها
جدتي ام أبوي عصبييييييييه وتكرهنا حنا وامي مع اننا أطيب الناس فيها
وكل ماتبكيني بكلام أتحسب عليها مايمر أسبوع إلا طايح عليها هم تبكي منه
وحسبنا الله على كل ظالم

آب

اعرف انسانه قريبه من قلبي ظلمتها خالتها وصارت مشكله كبيره ماانسى دعواتها عليها كانت تدعي على خالتها إنها تشوف هذي المشكله بأعز بناتها سبحان الله ماكملت سنه إلا ونفس الموقف صار لبنتها وربي اعلم بحياتهم الحين ..

والله شي عجيب سبحان الله ينصر المظلووم

يا عيونه تكفين ابي رابط تكملة قصة طلاقك من الثاني الله يرضى عليك

انا انظلمت ولازلت ادعي على اللي ظلمني ليل ونهار

بنات ايتام مأكوله حقوقهم انظلموا ودعوا علا اللي ظلمهم واكل حقوقهم لين ماجاه السرطان

وحده مشفوحه تدور اجابات لاسالتها الملقوفه اسالتني سؤال جدا خاااااااص عن اهلي تدرون وش سالت تقول بيت اهلك باسم مين ونا الغبيةجاوبتها بكل بساااااطه وهالسؤال خلاها تتمادا اكثر وتسال تقولي امك شبه مطلقه وهي لا مطاقه ولا شي
والله لازلت اتحسب عليها وان الله يحرجها بسؤال يخليها ماتنام لا ليل ولا نهار ويقهرها زي ماقهرتني