دعيت بجوف الليل ثلاث شهور واقرا سورة البقره لكن ....يئست

مرحبا
بنات انا استغفر الله العظيم احس خلااااااااااص يأست وكرهت الدنيا احس دعواتي غير مستجابه
كل يوم اصلي الليل من ثلاث شهور او اكثر ولي اسبوعين مستمرة على سورة البقره اقراها في الليل وادعي دائما في رمضان والقيام وقبل الفطور واتحرى اوقات الاجابه . فيه اشياء ودي تحصل لي لكن مافيه شي تحقق يصير العكس
من ضمن عواتي اني اتوظف ومااجلس هالسنه بالبيت دعيت اني اترشح هالسنه لكن ماكتب ربي وقلت لعله نصيبي في المدارس الاهليه ودعيييييت وبذلت الاسباب وامس بغيت اطير من الفرحه اتصلت علي خالتي ( خالتي هذي نفس تخصصي احياء ) وقالت ان صديقتي اتصلت علي تقول فيه وظيفه بالمدرسه الفلانيه لكنها رفضت خالتي بحكم انها توها والده وصعبه وقالت لها عندي بنت اختي نفس التخصص وعطتها اسمي ورقمي . صديقة خالتي اللي اتصلت تعرف وحده بالمدرسه . وقالت لي خالتي انتبهي اذا دق الجوال ردي يمكن يطلبونك .. مع العلم اني رايحه انا مقدمه على هالمدرسه بس مادريت انه فيه احتياج ولا قالوا لي اصلا يعني كتبت اسمي عندهم وهذاهم محتاجين ولا اتصلو
والصباح انتظر المكالمه منهم ولا اتصلوا بعدها خلاااااااااااااااااص يئست استغفر الله . قلت معقوله ادعي واتحرى اوقات الاجابه ولا يستجاب لي ليش ياربي . احس مالي حظ بهالدنيا
وانا قبل اسبوع محلمه اني كنت ادعي بالدعاء اللي دايم ادعيه والدنيا تمطر وبحثت عن التفسير وقالوا معناته ان دعائك مستجاب ولا شفت شي
ودي اتوظف ابغى اسلي نفسي من جلسة البيت بزياده افكر اقول لمتى حالي كذا . يابنات مو بس على الوظيفه انا فيني ضيقه مايعلم فيها الا الله بسبب امي متسلطه علي وبسرعه تزعل حتى لو هي المخطيه تزعل بدون حق ابوي ماعمري شفت احد عصبي مثله زعلان علي من شهر بسبب تافه جدا . مره زعل علي اسبوع كامل مايكلمني عشاني كسرت كاس مادريت . شفتوا شلون عاد
علاقتي ايضا باخواني سيئه
ماعندي صديقات حقيقيات . كلهم مصلحجيات وانغبنت منهم .. محد يسال عني ولاشي . وكل يوم انصدم بشخص واجلس ابكي


شلوووووووووون بتحمل العيشه كذا اذا استمرت احس بطفش كبير لانه محد يحبني احس بالوحده
مافيه شي يحسسني بارتياح او اعيش عشانه . لااهل حنونين لاوظيفه لازوج لا صديقات لا احد مهمه بالنسبه له
اللي حتى دعواتي ماتستجاب احس خلاص ودي اموت


قولولي شي ارتاح قولوا قصص تفرجت همومهم قولوا اي شي وش اسوي