دعيت عليه يوم الجمعة قبل اذان المغرب بقليل..لأنه لم يحترم وجودي

السلام عليكم ورحمة الله وبركاته
كيفكم يا بنات ؟؟
السالفة وما فيها انا وزوجي طلعنا يوم الجمعة نتمشى ونقضي اغراض وكنا حلوين وما فينا شي:44: واول ما دشينا المواقف زحمة وضلينا ندور موقف المهم انا قاعدة استغفر وزوجي نفس الشي وندعي ونصلي على الحبيب لأنو هدا الوقت مستجاب فيه الدعاء كان باقي تقريبا 20 دقيقة على اذان المغرب وشوية تعدي وحدة كاشخة جنبنا وشعرها اصفر يعني بصراحة مو زينة لكن شعرها اشقر لافت ...
وشوي وزوجي يطالعها ..انا عادة واتقة فيه تقة عمياء قلت عادي هده اول نضرة يمكن هو يدور موقف وما يطالع فيها هيا بالدات :27:طنشت ولفيت وجهي الناحية التانية ما حبيت احرجو ...بعد 5 دقايق اخونا رجع التفت تاني وقعد يطالعها والله ما توقعت منو كدا وقاعد يبتسم
انا ما حسيت بنفسي يا بنات الا واهب فيه ..الحين مو عيب عليك الي تسويه :mad: يا رب العمى وقعدت ادعي عليه من حرقتي وجوايا حسرة واحساس بالضلم والاهانة دعيت عليه من قلب مجروح ومصدوم يارب عينك تنقلع وتعمى وما تشوفها لا هيا ولا غيرها ولا تفرح بشوفت لا العدو ولا الحبيب

وهو ماشاء الله عليه اتبله مو لأني صدته لالالالاولالالا والف لالالا لأني دعيت عليه وحز فنفسه الدموع تبي تفر من عينه قال حرام عليك تدعي عليا واحنا بساعة مستجاب فيها الدعاء
بصراحة من جواي قعدت استغفر واطلب ربي ما يصيبو شي لكن الي جرحني اني قلتلو طيب تقدر تنكر انك ما طالعت ؟؟اكلم كلام فاضي وخلط الامور وباخر شي لما حاصرته اعترف انو طالع فيها مرتين
طيب ما اعتدر ولا قال شي طول الوقت قعد يلومني اني دعيت عليه ويقولي الأحاديث ويبين لي اني غلطانة
انا من قهري ارتفع السكر على طول عندي لأن عندي سكر واغمى عليا وللحين احس نفسي تعبانة
انا الي تاعبني ان زوجي هدا اخر انسان اتوقع يتصرف هدا التصرف مؤدب وعمري ما شكيت فيه ومعطياه حرية تامة لما اقرا مواضيع البنات عن ازواجهم والخيانة استغرب واحمد ربي عليه لكن كل يوم يخيب املي من الاسبوع الي فات وانا اتكشف شغلات جديدة ...من خمسة ايام فاتح النت وقاعد جنبي وما ادري مين طرش لو صور ممتلة اجنبية عريانة والله انا دورت وجهي واتصدمت انو قعد يتفرج لين اخر الصفحة ..انا قلت لو عيب الحين انت تحج كل سنة وتصلي بالناس وتهدي الناس وتطالع الصور هده المهم اعترف بغلطو وقال ماسويها تاني انا زعلت لكن تناسيت وما حبيت اخلي حياتنا نكد
لكن والله يا بنات الموضوع مأتر على نفسيتي انا فشنو قصرت معاه؟ لأني حامل ؟ليش احنا نستحمل قرفهم وهما ما يستحملونا ؟ ليش احنا نصبر ونحافض على بيوتنا ونحترمهم وهما يدورو الخراب ؟ يجرو ورا الاشكال الرخيصة ويسبو حريمهم ؟ لو انا كنت طالعت فرجال هل كان هدا الشي يرضيه ؟
يا بنات انا مصدومة حتى اهلي يتصلو وما ارد على تلفوناتهم وصراحة طاحت الصورة الحلوة الي كنت راسماها لزوجي وحل مكانها الشك :44:
واحس في شي جديد والله اعلم ايش مخبي لي القدر ؟؟اكيد ان زوجي بطل يحبني لمجرد ان صرت حامل وعندي كرش مع ان الفرق بينا 22 سنة:mad:
رحت للصالون تجميل امبارح
ابغى اغير لون شعري للأصفر .لكن قالو ما ينفع لأني صابغة شعري اسود :44: ايش رايكم اغير نفسي الحين وانا بالتامن
ادعولي احس بضيقة فصدري وكترت علي الهموم والمشاكل