بصراااحه انا جربت كذا شي ودابر املا يطوول بس ما يقوي انا ما شفت احسن من زيت النارجين الاخضر مرة حلو صح ريحته مو قد كذا بس مرة ممتاز ومن اول اسبوعين تشوفي النتيجه

حبيبتي أنصحك ثم انصحك ثم أنصحك بهذا الرابط
http://forum.hawaaworld.com/showthread.php?t=2291932
وإذا ما انفتح معكِ الرابط فهذا عنوانه اكتبي في القوقل

هي معطيتنا طريقتين .. خذي الطريقة الأولى.. واستبدلي مكان شطف الشعر بخل التفاح، بمحلول اكليل الجبل،، يعني بدل خل التفاح استخدمي محلول ( إكليل الجبل ) خذي ملعقة كبيرة مليانة من اكليل الجبل في لتر ونص ماء شرب وأغليه على النار أغليه وأغليه وأغليه و أغليه إلييييين يصير لونه غاااااااااامق معناته صار مركز، بعدما يبرد حطي في جالون عصير وحطي في الثلاجة يكون خلاص عندك جاهز، وعند الاستخدام خذي منه ربع كأس مغراف واكملي الباقي ماء شرب، فيصير عندك محلول مخفف...
لا تستخدمي خل التفاح لأنه ينعععععععععم الشعر، ما ينفع للشعور الخفيفة الناعمة وخصوصا المزيتة حيصير منظر الشعر أخف زيادة من النعومة الزائدة.. خل التفاح دائما ينصحون للشعور الجافة أو اللي فيها قشر.. وإكليل الجبل فوائده يقوي الشعر ويمنع تساقط الشعر و يطول الشعر.

والشي الثاني اللي تستبدلي شي مكان شي
حبوب سمك القد استبدليها ( بحبوب زيت سمك السليمون ) كبسولات زيتية تجيكِ 30 حبة في علبة زرقاء عليها صورة سمك السليمون حذي منها حبتين في اليوم
السبب لأن حبوب سمك القد تفتح الشهية وبالتالي حتسمي إذا حابة تتجنبي السمنة ، أما حبوب ( زيت سمك السليمون) عكسها يشطف الدهون ويعالج تساقط الشعر وله فوائد أخرى كثيرة اقرأي النشرة، ولضمان أكثر استشيري الطبيب، أنا عن نفسي ما استشرت الطبيب لأني عارفة نفسي تمام

ونصيحة مني أنا
روحي المستشفي وسوي تحليل فتامين ( د ) ضرووووووووووري لأن بلاوي الشعر تجي من نقص فتامين دال، فمهما عالجتي شعرك من فوق دام جسمك من الداخل فيها نقص ماراح يتصلح شعرك إلا مؤقت ويرجع لمشاكل الشعر من جديد..
فإذا عندك نقص فتامين دال، خذي منها حبة حبتين على حسب ما توصفلك الطبيبة ، مع حبوب زيت سمك السليمون.. واستمري عليهما ثلاث اربع شهور ، مهو توقفين بعدما يخلص برنامج علاج شعرك.. لا.. استمري عليهما، ولضمان اكثر استشيري الطبيبة ممكن تعطيكِ مدة أطول.. أنا الطبيبة اعطيتني لفتامين دال لطول العمر
وأفضل حبوب فيتامين دال اللي علبتها نص ازرق ونص ابيض مادري اش اسمه لكن معروف في الصيدلايات مكتوب عليها ( مع الكالسيوم )
وشوفي هذا الرابط حقي تكلمت عن تجربتي مع شعري وفتامين دال
http://forum.hawaaworld.com/showthread.php?t=3870050
وعنوانه
9 في1 لتساقط الشعر من اختراعي اعطتني نتيجة مفرحة

وانصحك نصيحة مستقلة أخرى من عندي
استخدمي الطين المغربي لشعرك لأن شعرك تقولين خفيف ومزيت
لكن انا ما اعتبره علاج اساسي بل اعتبره علاج مؤقت استخدمه عند الحاجة، بس بصراحة ممتاااااز ما استغنى عنه ابد كلما يخلص عندي اروح اشتري ثاني، استخدمه مرة في اسبوعين أو مرتين في الشهر
وله عدة طرق إذا تبين تعرفين كلميني على الخاص لأني خلاص والله تعبت وانا أكتب، والله اكتبلك وأنا داااايخة من التعب:rotaeye:
وعلما هذه مرة الثانية اعيد الكتابة لأن اتمسح كككككل اللي كتبته بضغظة أزرار..:mad:

وأخيراً أدعي لصحابة الرابط الأول مع إني والله لا اعرفها ولا تعرفني وانصحك على طريقتها بشدة كعلاج لأني مجربة والحمدلله اتصلح شعري كثير بنسبة 90%
وأدعيلي معاها لأني دليتك عليها :biggrinlo
وأي استفسار كلميني على الخاص تحت أمرك