السلام عليكم
يشهد ربي يا بنات اني اغليكم واحبكم في الله
وما ادري كيف ابدى مشكلتي وبنفس الوقت مابي اطول عليكم
لكن ب اقولها من البدايه ب اختصار ولكن قبل اي شي اقوله اعرف بعض البنات ربي يجزاهم يردون ردود مثل كثري الاستغفار وكثري صلاة قيام اليل وادعي انا وربي ما اتركها ابدا ولكن يجب الفعل بالاسباب واتمنى اشوف ردود جديده علي ب افكار جديده تساعدني
بالبدايه انا عمري 22سنه يابنات انا من سن 19 فيني ربط عن الزواج وانا ما اعرف كثير يتقدمون لي وتتفركش الخطبه ودائما اقول نصيب مع العلم ان تفركش الخطبه ب اسباب غير مقنعه نهائيا ولما رقيت نفسي من فتره بسيطه عند الشيخ اكتشفت الشي هذا وادعولي ربي ينولني مرادي
وتعالجت فتره طويله اقرى اقرى والله يابنات تعبت كثير وب اذن الله وقوت ايماني شفيت
شوفو يابنات انا عمري 22 داخله ال23 سنه الحمدالله على خلق وجمال لابأس به
أهلي مشكلتي معهم مشكله عمري يروح وهم تعبوني,,,,,,,,
تقدملي شخص مدرس عائلته جدا معروفه والولد اخلاق رفضوه لان عمره 36 سنه قالو كبير جدا عليك
تقدملي شخص اخر برضو مهندس واخلاقه جدا رائعه رفضوه قالو وجهه مو حلو نبي تتزوجين واحد يواجهه قدام الناس وجميل مانبي شين
تقدملي واحد ظابط قمة في الاخلاق والرجوله ورفضوه قالو ليش يداوم برا الرياض شرطنا يكون بالرياض ما تطلعين
تقدملي طبيب دكتور متعلم وفاهم واخلاقه كويسه رفضوه قالو عائلته ما تناسبنا ومانعرفهم ومو من نفس ديرتنا وشبيقولون الناس زوجتها واحد عائلته مادري وشي
وكل هذولي يروحونهم واحد ورا الثاني ل اسباب تافهه وترفع ضغطي ولما اواجهم اقول ل اهلي انا الشكل ما يهمني انا الوجه والون ما يهمنى اهم شي راتبه ومركزه وشهادته وتعليمه جماله ماراح يفيدني بشي
تخيلو يابنات لدرجة اهلي يقولون عادى خوذي واحد راتبه شوى مره واخلاقه زينه وعادى حتا لو ما معه شهاده عادى اذا على الفلوس احنا نمشيلك الفين كل شهر عادى اهم شي تاخذين واحد جميل
انا انقهرت مره وشهالرد البايخ اقولهم ما يهمنى الجمال شفيكم انا يهمنى وظيفته ودراسته وشهادته الوجه انا الي احدده يقولون لا اهم شي ابيض وجميل اخ بس قهرونى قهر
عاد السالفه يا بنات
مادري هم بالضبط وشيبون
اخو صاحبتي نعرفهم من زمان وكنت اتمنى اخوها والله يابنات ما ابالغ انا صح ماعرفه عن قرب بس سنوات مع صاحبتي واعرف طبيعتهم وطبيعة اخوها مشالله اخلاق ودين وصلاة وسماحة نفس ومتعاون وبار بوالديه وظيفته جدا كويسه راتبه فوق ال10 الاف ماديته حلوه شهادته الجامعيه حلوه
وكنت دايم اتمنى هالشخص بس وقتها ماالله كتب المهم هذا الرجال فيه عيب انه مطلق وكلنا عارفين اسباب طلاقه ما تفاهم معها نهائيا ولا توفق معها ابدا وكلن راح بحاله وتزوجها فقط 5 شهور وطلقها
رغم ان اهله ناس طيبين وما يحبون الطلاق
بعد الطلاق والله تمنيته لانى اعرفه واخيراا امه اتصلت على امي وخطبتني وعمره 26 سنه الولد مش كبير وماعنده اطفال
وعائلته تناسب اهلي
بالبدايه امى وافقت وقالت والنعم وانا استبشرت كثير واستخرت وارتحت المهم راح هو يقابل ابوى على اساس ابوى يسئل عنه قابله ابوى وبعد ماجانا ابوى قال ترا الولد طويل وملامحه حلوه بس الولد اسمر
مو اسمر حنطي لا اسمر اسمر غامق شوى
المهم امى قالت لا وع ما نبي اسمر لبنتي ومن هالكلام انا هنا بلمت قلت انا ابيه هالمره انا اعرفه واذكر ملامحه صح اسمر بس مملوح وجسمه حلو
قالت لا وشبيقولون عمانك وخوالك ليه تزوجين بنتك اسمر ليه مازوجتوها ابيض الي يقهر انا اخوي اسمر
يعنى عادى والولد وسيم
الزبده يوم شافوني اقول عادى والسمار ما يهمنى اهم شي اخلاقه وظيفته جدا حلوه
قالو مطلق وجلسو يسبونه عشان ارفضه ويقولون بيجيك نصيبك اصبري لا تستعجلين مطلق واسمر ومن هالكلام وعلى فكره يابنات ترا اهلي ماكانورافضين انه مطلق عادى استقبلوهم بس هم يبون ملك جمال ما يهمهم الراتب ولا الشهاده والي يقهرنى انا حلمي بتخصص تربيه خاصه واهلي رافضين يقولون لاتطلعين من تخصصك الحالي الي هو تخصص جغرافيا واكره الجغرافيا وليا 3 سنوات ما نجحت فيه وحابه ادرس على حسابي بجامعة اخرى تربيه خاصه احقق حلمي ويقولو ماراح ندفع ولا ريال لك بدراستك مع ان اهلي قادرين بس يرفضو يدرسونى على حسابهم تخصصي الي ابيه واحلم فيه طيب زوجونى مادري ليه يعاملونى كذا ياتزوجونى ياتدرسونى الي ابي او تخلي زوجى يدرسني او خلاص ريحوني
طيب الجمال للبنات وانا الي بعيش معه امى اذا قلت كذا تعصب وتقول تبين تفشلينا تاخذين واحد شين وشبيقولون ذبو بنتنا على واحد شين ومو اول مره مادري منهو الوسيم الي بياخذنى
واحد من اخوانى عصب وقال اهلي ذولا ما يبون الستر همهم الجمال وشتستفيد اختي من الجمال ووقف بوجيهم وقال بقابل الرجال وخليه يجي يشوف اختى نظره شرعيه اذا ارتاحت له خلاص ابوى وامى جلسو يسبون ب عيبوبه اسمر ومن هالكلام ماعندهم حجه الا هالشي
المهم شرايكم يابنات شسوى لان ما تتصورون شلون اهلي يسوون ضغط نفسي على بهالكلام
اترك هالعريس زيه زي غيره او اتمسك فيه مع ان ربي يشهد انى ابيه بس اذا اهلي بيجننوني كذا وربي مادري شالنهايه لدرجة يقولون اذا تبينه سوي زواج عائلي لا تفشلينا اسمر يع الحمدالله والشكر مع ان ملامحه حلوه وهم مارفضو رفض تام يسوون حركات التركيه والتطنز علي ابي حل وعذرا طولت عليكم يا اخوات
دعيلها بالفردوس الاعلى الي بتفكرمعي شلون أقنعهم برأيي شلون(بيضيع مستقبلي على أيدينهم
31
2K
يلزم عليك تسجيل الدخول أولًا لكتابة تعليق.
بنات اهم شي عند اهلي الشكل تخيلو اول ما يخطبنى احد يقولون خليه يجي نشوف وجهه وشكله اذا شين لا مستحيل ندخله عايلتنا نبيه ابيض وجميل ما يهم راتبه ولا وظيفته عادى احنا نصرف عليك
قهر وربي
والولد الاخير وربي عاقل برايكم اصر عليه ابوى وامى ماعارضو انه مطلق قالو عادى وموافقين قبل يشوفونه وكانو يقنعونى يقولون مطلق عادى يابنتي ويوم شافوه قالو لا وع اسمر نبيه ملك جمال وحلو وابيض مستحيل تتزوجين اسمر او حنطي نبيه حلو مره مانبي نتفشل
تخيلووو يا بنات لدرجة يوم شافونى مصره مره قالو لك علاقه فيه تعرفينه؟؟؟؟تخيلويوم قلت لخوى ان اهلي يقولون كذا قال وش هالتفكير الغبي تخيلو يابنات اخوى هذا اصغر منى عمره 20 سنه واعقل منهم
يقول بيسوون اي شي عشان تخافين وتتراجعين
قهر وربي
والولد الاخير وربي عاقل برايكم اصر عليه ابوى وامى ماعارضو انه مطلق قالو عادى وموافقين قبل يشوفونه وكانو يقنعونى يقولون مطلق عادى يابنتي ويوم شافوه قالو لا وع اسمر نبيه ملك جمال وحلو وابيض مستحيل تتزوجين اسمر او حنطي نبيه حلو مره مانبي نتفشل
تخيلووو يا بنات لدرجة يوم شافونى مصره مره قالو لك علاقه فيه تعرفينه؟؟؟؟تخيلويوم قلت لخوى ان اهلي يقولون كذا قال وش هالتفكير الغبي تخيلو يابنات اخوى هذا اصغر منى عمره 20 سنه واعقل منهم
يقول بيسوون اي شي عشان تخافين وتتراجعين
الله يوفقك ويستر عليك
ويزوجك باللي يريح بالك انتي واهلك ويرضيكي
استخيري واذا ارتحتي اصري عليه واقنعيهم انك ارتحتي
ويزوجك باللي يريح بالك انتي واهلك ويرضيكي
استخيري واذا ارتحتي اصري عليه واقنعيهم انك ارتحتي
الله يكون بعونك يارب..
مشكلة اذا اهلك همهم الشكل وانتي همك المركز والراتب..
بس بيني وبينك صحيح اهم شي الدين والاخلاق لكن والله الحياة صعبة اذا الرجال على قد حاله يعني يحق لك تتمنين واحد يقدر يقدم لك الي تطلبينه..
بس نصييييييييحة لاتصرين وتلحين عليهم لو لاقدر الله صار لك شي معه لان الحياة الزوجية صعبة مرات فوق ماتتصورين صحيح مو كل الناس بس بعض الناس يواجهون صعوبات ويحتاجون اهلهم
اخاف يلومونك على اصرارك ويقولون هذا اختيارك..............
واذا على مطلق انا زوجي زيه كان متزوج كم شهر وطلقها والحمدلله ماله اي تاثير بحياتي هالموضوع..
الله يكتب لك الي فيه خير يارب العالمين........
مشكلة اذا اهلك همهم الشكل وانتي همك المركز والراتب..
بس بيني وبينك صحيح اهم شي الدين والاخلاق لكن والله الحياة صعبة اذا الرجال على قد حاله يعني يحق لك تتمنين واحد يقدر يقدم لك الي تطلبينه..
بس نصييييييييحة لاتصرين وتلحين عليهم لو لاقدر الله صار لك شي معه لان الحياة الزوجية صعبة مرات فوق ماتتصورين صحيح مو كل الناس بس بعض الناس يواجهون صعوبات ويحتاجون اهلهم
اخاف يلومونك على اصرارك ويقولون هذا اختيارك..............
واذا على مطلق انا زوجي زيه كان متزوج كم شهر وطلقها والحمدلله ماله اي تاثير بحياتي هالموضوع..
الله يكتب لك الي فيه خير يارب العالمين........
الصفحة الأخيرة
ان شاء الله البنات يفيدونكـ