السلام عليكم ورحمة الله وبركاته
صباحكم الله ومساكم بطاعته ودخول جنته موضوعي اليوم هو حديث الصراحه جدا عجيب
وكانت وحده من رفيجاتي الله يجزاها بالخير تسويه لنا كحلقة ذكر
طبعا هو عن اعمال صغيره وقليله وكل يوم نسويها وتدخلنا الجنه
وانا حبيت اقولها لكم بااسلوبي وهي عباره عن اربعين خصله وراح اخلي كل 10 خصال في رد
عشان يوضح لكم احسن
وهذا الحديث
عن عبدالله بن عمرو بن العاص رضي الله عنهما عن النبي صلى الله عليه وسلم قال :
أربعون خصلة أعلاهن منيحة العنز , مامن عامل يعمل بخصلة منها , رجاء ثوابها وتصديق موعودهاإلا أدخله الله الجنة ,رواه البخاري
-
(1)
منيحة العنز
وهي ان تعطي شاه لاحد ينتفع من لبنها ويرجعها لك
يعني ما ياخذها بس ينتفع فيها سبحان الله هذي اعلى شيء عيل شنو اللي بعدها تعالوا نشوف الخصال الباقيه
(2)
إماطة الأذى عن الطريق
وطبعا هذي وايد سهله يعني اي شيء بطريقك بعدوا عن الناس حتى لو منديل وسبحان الله الرجل الذي ادخله الله الجنه
عشان شجره كانت في الطريق وتؤذي الناس
(3)
سقي بهيمة
وهو انك تسقيها بااي شيء ماء او طعام وخصوصا وقتنا الحين الجو حار موت وانت خارج من بيتك او بالحوش حط صحن فيه ماي
خلصي القطاوه او العصافير تجي وتشرب وسبحان الله ماتدري وش الاجره اللي بتاخذه وفيه قصه حلوه
يقولون فيه واحد كان بيني مسجد ونام وحلم ان المسجد مكتوب بااسم عجوز وقام قال ممكن مجرد حلم ورجع نام وحلم نفس الحلم 3 مرات
وراح يبحث على العجوز وقال لها القصه انا حلمت 3 مرات ان المسجد مكتوب بااسمك وش السالفه قالت والله ما سويت شيء
الا ان في يوم مشيت من عند المسجد ولقيت الحمار مربوط والماي بعيد عنه فقمت وقربت منه سطل الماء وحسب
سبحان الله شوفوا الاجر شلون
(4)
عيادة المريض
طبعا المستشفيات مليانه بالمرضى نسأل الله لهم الشفاء وجميل ان تذهب كل جمعه وتزورهم حتى لو ما تعرفهم وتزور اقربائك المرضى
(5)
زيارة أخ في الله تعالى
يا حبي لهالخلصه يعني دايم وخصوصا الشباب دوم يكونون برى البيت وياي اصحابهم احتسبوا الاجر انه زياره اخ لك في الله واسال الله لك الجنه
-
(6)
الرضوخ من رزق الله
معناها انك تتصدق بااقل من مقدار الزكاه
يعني زكاة الـ 100 ريال كم ؟
ريالين ونص انت تتصدق بـ ريال مبلغ يكون اقل من مقدار الزكاه وهذا معنى الخصله وسبحان الله يكفي ان الصدق تزيد من مالك
(7)
الأمر بالمعروف
وهذي الخصله يعني كل يوم عندنا اذا شفت معروف امر به يااخي اصلا المجال واسع وخصوصا بالنت ادعوا الى الله من خلال النت وشوف الاجر
كيف
(8)
النهي عن المنكر
عاد عد واغلط من هالمنكرات اللي اسال الله السلامه كل يوم نلاقيها نحاول بقدر الامكان ان ننهي من المنكر ولا نستحي ونقول مااحد راح يسمع لنا
ما تدري ربي راح يكتب لمين الهدايه وعلى يدك بعد
(9)
الإمساك عن أذى الناس
عاد هذي ابصم على المليون ان مو كل يوم تمر عليك حتى هنا بالمنتدى
لا تؤذي غيرك يااخي خل حالك حال نفسك سبحان الله بس مجرد انك ما تتهاوش مع احد تتدخل الجنه وهم وربي يزيد من المحبه بين الناس
(10)
رد السلام
وهذي كل يوم داخل العمل او مدرسه او عند احد من اقاربك رد السلام اصلا السلام سنه ورده واجب
وسبحان الله مجرد ردك للسلام تاخذ اجر عظيم حتى لو ترد في نفسك بس طبعا الاولى انك تعلي صوتك
ويجنبها سخطك وكنفها يا رب برحمتك وارزقها من حيث لا تحتسب ويسر لها آمر طاعتك
واعصمها من معصيتك
اللهم امحو عنها الزله واقل العثرة وبدل السيئة حسنه
واجعل كل ذنب لها مغفور واسكنها عامرات القصور ودار سيدات الحور
وأكرمها بروية وجهك يا عزيز يا غفور
وجميع المسلمين
اللهم آآآميييين