موضوع دفاتر الطبخ الشخصيه .أو وصفات الطبخ ..
ماأشوف له اهتمام عندنا ,,,
طبعا ما أقصد الاهتمام بالدفتر ...
ولكن الاهتمام في منتديات الطبخ العربيه بعرض كيفيه الاحتفاظ بوصفات الطبخ المجربه أو
الوصفات اللي أخذناها من الغير ...
والاهتمام بعرض صور دفاترنا الشخصيه !!
وأيضا الاهتمام بتوريث واهداء خبراتنا المطبخيه ووصفاتنا المجربه والمعتمده الى بناتنا وأبنائنا ...
لا أريد أن أمدح ...,لكن لا حظت اهتمام الأجانب الشديد بهذا الأمر ..
حتى الأم تكتب دفتر فيه وصفاتها المعتمده لبنتها ويتوارثونه جيل وراء جيل ..
واحنا أكيد ما نستعني عن أمهاتنا ونأخذ منهم ..ما كانوا لا يكتبون ولا يقرأون ..ولكن الزمن تغير ..والحين الام تدش
النت وتحط وصفاتها بالمنتديات وناسيه بنتها تعطيها من تجاربها ..
اشفيها لو عطيت بنتي هديه دفتر طبخ !!
راح أعطيه لبناتي ان شاء الله .. ومن الحين وانا أكتب وصفاتي أكتبها كأني أكتب لهم هالدفتر بكل تفصيل ..
أتمنى مشاركاتكم بذكر :
1- طريقه احتفاظكم بالوصفات .
و هل انتوا من النوع اللي يهتم بالحفظ في دفتر خاص ..
أو في قصاصات ورقيه في صندوق معين .
أو في ملف خاص ..
2- مافيه مانع من عرض صور دفاتر الطبخ ..( مهما كانت حالتها ! )
هل تهتمين بشراء دفتر معين ..
والا تأخذين دفاتر عيالج من السنه الماضيه والي ثلاث أرباعها مو مستعمل ..
والا تفضلين الأجنده ( مثلي ! )
3- هل تحرصين على اعطاء أبنائك وبناتج خبراتك اللي اكتسبتيها طوال السنين ؟
مافيه فرق بين البنت والولد .. اعيالي الأولاد يحبون الطبخ مثلي .
ملاحظه :
الموضوع لي ولكم ..سوف أعرض لكم ما عندي ..
ولكن لا يكتمل بدون مشاركاتكم القيمه وأفكاركم الرائعه
اللي بلا شك سيستفيد منها أحد ..
حياكم الله
دفاتر الطبخ الخاصه..
منذ دخولي المطبخ وحتى الآن ..
ثاني دفتر من 1990 وواضح من شكله ..وضعه الحالي ..
أحبه وما أقدر أستغني عنه لا يغركم شكله فيه وصفات رووعه من بدايه تعلمي الطبخ
ووصفات من أحسن طباخات !
وما خفي كان أعظم ..لأن الغلاف انتهى عمره ..زوجي جلده لي وحطي غلاف ثاني ..
نقلت الوصفات الى دفاتر ثانيه واحد للمالح وواحد للحلو ..
بديت أستخدم الأجنده السنويه ..
غلافها سميك وتستحمل أكثر من الدفاتر العاديه ..هيفي ديوتي !!
ما شاء الله انترس من الوصفات و هذي آخر ثلاث دفاتر ..
صوره من الدفتر :
يتبع ..