دفاشة وخبالة بعض الرجال

بنات وربي مدري اضحك على دفاشة وخبالة الرجال ولا احزن على الي سووه في زوج وزجته وفرقوهم خبال على استهتار لحد مافرقو بين زوج وزوجته
....
القصه ومافيها زوجي وخوياه يطلعون الاستراحه في الأسبوع يوميين ومن ضمنهم ولد عمه دايم زوجي يعلمني بعلومهم ولد عمه هذا اجودي وحاله حال نفسه
ولد عم زوجي معهم ويجي الاستراحه من المغرب ويروح بدري الساعه 10 او 11 إذا قالوله اجلس قال انام بدري هم مايتفرقون إلا الساعه وحده
قبل كم يوم مشي من عندهم قالو له اجلس وقال منظم نومي ووراي صلاه ودوام قال واحد فيهم ينصاب انت ذاك اليوم رحت من عندنا بدري تقول بنام وحصلتك متصل بالواتس الساعه 2 قال والله اني انام بدري وماحب اسهر بس تلقى المره تاخذ رسايل ومقاطع من الواتس
..
البارح كانو مجتمعين وكالعادة ولد عم زوجي مشى والشيطان خوي زوجي الي كان يقول لولد عم زوجي انت متصل في الواتس الساعه 2
يوم جات الساعه 12 ونصف قال لزوجي بنسوي فيه مقلب بنرسل على جواله واكيد مرته بتشوف الرساله وتجمعو الشياطين ورسلو على رقمه برقم جديد وحطو صورت عرض ورد مرسوم فيها حرفه
وكتبوا هذي الرساله ماني متذكره الي قاله زوجي كله بس بقولكم بعض الي اكتبوه
اكتبو
.... قلبو مشكور على الحلا بس كان ودي طالت السهره و سبحتك نسيتها عندي وترى عبير زعلانه عشان جبت لي هديه وماجبتلها وفعلا سبحته نساها عندهم وزوجته مسويه حلا وجايبه لهم
بعد شوي ارسلو من رقم ثاني واحد منهم مسوي نفسه عبير والله زعلتني هذي اخرتها تجيب روان هديه وانا لا ياناني معاد ابغى اكلمك خلاص ولاتتصل في كش عليك..
زوجي يقول بعد مرسلنا جانا عشرين اتصال من رقم غريب على الجوالات الي ارسلنا منها عرفنا انه هي وماردينا
.
قرتها زوجته وتصلت في اخوها وسرت منامت في بيتها اليوم زوجها مداوام وماسلم على زوجي وهم بمكتب واحد وقال الله لايوفقكم وزعلان
اخو زوجي الكبير اتصل وقال انتم وش مسويين ونستكبرها عليكم هذي سفاهه والمره عند اهلها قاله زوجي الي خربناه نسويه وحقهم علينا
.
جاني زوجي الساعه 10 في المدرسة بسرعه اطلعي اطلعي استاذني وعلمني بسالفه عصبت عليه شوي قال تكفين خلي الكلام بعدين ابغاك تروحيلها وتعلمينا انه مقلب وستسمحيها وحقهم علي بس خلها ترجع بيتها
رحنا نلف نلف ندور بيت اهلها بتوصيف الي قالو لنا ماحصلناه ونزلني البيت ورجع لدوامه
قبل قليل اتصل وقال خلاص عرفت البيت مزبوط بس اجي وبنروح لها
الله يستر كان مافهمت غلط وقالت هذي هي الي ترسل عليه وتكلمه
الله يعدي هاليوم على خير والله اني شايله هم
مدري عقولهم وين ايش يبون في الناس اكره المشاكل ومدري ايش دخلني ابلشني تكفين تكفين
اكتب من الهم خايفه احط نفسي في موقف ويصيرلي شي . انتظره بنروحلها يارب انها احصلها راجعه بيتها قبل ماجيها