b]في المدرسة الفلانية طلبت المديرة من إحدى المدرسات
دفتر تحضيرها للتوقيع عليه كالعادة ..
فلما وصلها الدفتر وفتحت أول صفحة فيه .. إذ بها تنادي
المدرسة وتقول ضاحكة :
هذا ما هو تحضير الله يهديك .. اقري !!
فلما قرأت المدرسة ما كتب في الدفتر .. احمر وجهها ..
وأخذت تقرأ بغيظ ما سطر فيه :
المادة / فن معاملة الزوج ..
التاريخ/ السبت 5 / 5 / 2005 م هذا تاريخ زواجنا عشان تعرفين اني ماني مثلك انسى كل شي ..
الموضوع / احترام الحياة الزوجية !!!
أهداف الدرس المعرفية /
1 - أن تفهم ست الحسن انها على ذمة رجال ما هو كل شي تسويه على كيفها ..
2 - أن تتذكر حقوق زوجها عليها وتترك الخبال عنها ..
3 - أن تشرح بعض تصرفاتها اللي بطت كبدي ..
4 - أن تعرف انها متزوجة متزوجة متزوجة متزوجة ..
الأهداف الوجدانية /
1 - أن تحبني مثل ما احبها لا والله آخذ عليها واعلمها كيف الحب يكون ؟؟
2 - أن تتزين لي ما هو بس للسلق خوياتها لا راحت عزومة ولا عرس ..
3 - أن تقصر صوتها إذا جت تفاهم معي والا الطراق قريب ..
4 - أن تهتم ببيتها اللي كنه خرابة مثل ما تهتم بشغلها .. وتراعي ولدها مثل ما تراعي بناتها في المدرسة .. بس ما تعرف غير : ميري اخذي الولد .. ميري رضعيه .. ميري سوي له .. لو متزوج ميري اصرف لي منها ..
الأهداف المهارية :
1 - أن تتكلم معي بذوق ولباقة ماهو بدفاشة وجلافة كني متزوج مرزوق خويي ..
2 - أن تترك المشاوير الفاضية عنها وتنثبر في بيتها وتعلم الطبخ اللي ما تعرف تديره ..
3 - أن تستنتج بعقلها هذا إذا لها عقل إن حق الزوج أعظم من حق الوالد وهي بس دايما ابوي سوا لي .. وابوي شرا لي .. وابوي وابوي ..
4 - أن تقارن بين اهمالها وبين سنع اختي مع زوجها الله يخليهم لبعض ..
وسائل الدرس /
الكلام والذرابة إن ما نفع معها .. ما يبقى الا :
العقال
عرض الدرس /
لازم تعرفين يا محترمة اني ما تزوجتك إلا علشان ارتاح واريحك ونعيش سوى مثل خلق الله .. فهالنفس الخايسة تبطلينها أحسن لك .. إذا كنتي تعبانة ما هي مشكلة نخليكي على راحتك .. لكن ترى انا بعد لي حقوق عليك .. أولها الطاعة ومكبرها لك عشان تحسين فيها شوي .. ثاني شي اقعدي في بيتك مثل الحريم ما هو كل ما طلعت وجيت ألقاك ذالفة لاهلك ولا رايحة لجارتك .. ثالث شي انتبهي لبيتك اللي مخليته آخر اهتماماتك : ما عندك إلا جب لي الأوراق الفلانية .. واطبع لي الدرس هذا .. بنام تعبانة خل ميري تجيب لك الغدا .. الله يعظم اجرك يا ميري والله اني بديت ارحم حالك محملتك كل شي في البيت .. ولا هالصغير اللي صار ينادي الشغالة : ماما .. وامه ما عندها استعداد تسوي له شي .. واذا بغيت منها حاجة ما عندها إلا : ما عندي مزاج .. لا والله ماني مسويته .. والله ما علي منك .. وشهو له انا متزوجك أجل عشان تحرقين دمي عساك للحراق ..
وبعدين السوقه كثرتها ما لها داعي فهمتي أنت .. ويا ليتك تشترين لك شي يفيد البيت ويفيد علاقتنا .. كل شراك لنفسك لسعادتك لانبساطك والا الرجال اللي وراك خله يقعد .. واذا قلت لك : ليه كل ذا !! ترد : وش عليك مني .. انا شاريته بفلوسي ترى .. ما لك فضل !!
يا ليتك تحبيني علشان امسح كل اللي كتبته .. ما فيه شي تسوينه يدل على انك تهتمين بي .. والله ما دريتي عني .. البسي اكشخي بس خلي هالجمال لي ما هو لغيري .. ما هو تقولين : فاضية بتزين كل دقيقة .. مهرج عندك انا .. و بعدين يا مال اللي ماني بقايله المره كلها أنوثة هالجلافة ورفعة الصوت هذي ليش كل ما اختلفنا في موضوع .. ترى ماني عجزان اسكتك .. كف على الطاير يعلمك من انت ؟؟
التطبيق /
وش طلبت انا .. هالسطر البسيط :
اهتمي بزوجك وبيتك وولدك بس .. وكثر الله خيرك
الواجب /
اكتبي حقوق زوجك مرتبة ..
تعلمي تنظيم البيت والطبخ اللي حارمتني منه ..
اهتمي بهالصغير المسكين اللي لو نطق يبي يقول لي : بابا غيِّر امي ..
ملاحظة / اليوم مالك رجعة للبيت .. من المدرسة يا حبيبتي دايركت لبيت اهلك .. عطيهم الورقة هذي وخليهم يدرسونك يا مدرسة .. أشك انك مدرسة ..
زوجك المخلص / 000 ..
مريووومـة @mryooom_3
عضوة
يلزم عليك تسجيل الدخول أولًا لكتابة تعليق.
ام ريما 94
•
يؤ يؤ يؤيؤ شايل بقلبه وانفك الله يرحم حاله
الرجال ... مايملا عينة الا التراااب
لا ناافع معهم اللي تكد وتطبخ لهم وتقابله 24 ساعه
ولا اللي تصرف على شغالتهاا وكمان علية ويمكن بعد تشري له بيت وسيارة
انا اقولها خليك على حالك خخخخخخخخخ
مشكوووورة على الموضووع
لا ناافع معهم اللي تكد وتطبخ لهم وتقابله 24 ساعه
ولا اللي تصرف على شغالتهاا وكمان علية ويمكن بعد تشري له بيت وسيارة
انا اقولها خليك على حالك خخخخخخخخخ
مشكوووورة على الموضووع
الرجال ... مايملا عينة الا التراااب لا ناافع معهم اللي تكد وتطبخ لهم وتقابله 24 ساعه ولا اللي تصرف على شغالتهاا وكمان علية ويمكن بعد تشري له بيت وسيارة انا اقولها خليك على حالك خخخخخخخخخ مشكوووورة على الموضووعالرجال ... مايملا عينة الا التراااب لا ناافع معهم اللي تكد وتطبخ لهم وتقابله 24 ساعه ...
العفو حبيبتي ووجودك بموضوعي اسعدني
الصفحة الأخيرة