دفنوني بهالدنيا حيه قصه زواجي

يارب رحمتك فيني انا يابنات قصتي بدأت لمن كنت مخطوبه كلام بس بين ابوي وعمي لولد عمي اللي يدرس برى المملكه ولمن خلص دراسته رجع وخلا اهله يخطبو له وحده كانت تدرس معه بالجامعه حبها ولمن وصل الكلام لابوي زعل وتضايق من عمي وحسها اهانه له فحلف يزوجني اول واحد يتقدم لي بعدها بأسبوع تقدم لي رجال متزوج وعنده اطفال وابوي اعطاه الموافقه من غير مايستشيرني ولمن دريت بكيت وقلت له مابيه قال مو بكيفك وتدخلو اخواني وصارت مشاكل ومد يده على امي وضربها على كبر لانها وقفت معاي وحلف يمين وقت الملكه لو تكلمت وقلت لا ان امي طالق وكلكم برى البيت بكيت وتقفلت الدنيا بوجهي اخذ المهر ومااعطاني ريال واحد ،بعد الملكه بسبوع جاء زوجي البيت يتغدى عزمه ابوي وطلب انه يجلس معي دخلت وعيوني متورمه من البكا قلت له مابيك لاتظلمني بهالزواج عصب وطلع بعدها اتصل وقال الزواج بيتم الاربعاء يعني بعد خمس ايام تخيلو بس لاتجهيز ولاشي وابوي واقف معاه صار العرس وانا كأني ميته والله رحت شقه مافيها الا سرير نوم بس من الباب دفني بفستاني ورماني ع الارض واغتصبني اغتصاب والله ودموعي اربع اربع اترجاه يفك عني ليومكم مو قاده انسى اللي صار المهم كنت كل يوم اروح عند ابوي ابكي يقولي بلادلع ارجعي بيت زوجك ويطردني سألته امي ليش سويت كذا قال والله زوجتها عناد بابو فلان يقصد عمي ابي اقهره ، والحين تبينهم يضحكو علي ويقولو بنت فلان ماجلست مع زوجها ثلاث شهور وبتطلق لا. ويوم انا سألت زوجي قلت له ليش تزوجتني وانت عارف اني مابيك قال مو بنت اللي تقولي مابيك اجيب راسك وبعدين انقلععي بعد سته شهور حملت ببنتي وتغير اسلوبه معاي وصار طيب وحنون ويخاف علي وصار يعشقني عشق جنوني طلباتي اوامر يشتري لي افخم الاشياء وماركات وطلعات وسفريات انقلب واحد ثاني بس المشكله فيني عجزت احبه اشوفه بنظري ابشع الرجال عايشه معاه بقلب ميت وممشيه وضعي لان مااقد اطلب طلاق ولاشي ،، توفى ابوي وقبل لايموت قالي سامحيني بس ماقدرت اسامحه ابدا دفني حيه بهالدنيا وماترك لي فرصه اختار فيها شريك حياتي بكيفي ، بس رحت ضحيه قهر رجال مثل مايقولو ،انا موكبيره عمري 22 سنه وزوجي 36 سنه
لاتقولو انسي وعيشي حياتك صعب والله صعب شي يحز بالقلب طول العمر