هذا الطبق دايم يسعفني اذا ما عندي وقت اطلع دجاج يذوب او اني استناه يستوي...:cook:
لأني استعمل التونة...
امقادير:
بصل- ثوم- طماط- فلفل اخضر بارد- كزبرة- شرائح مشروم- شرائح زيتون- صلصة طماط وانا احب استعمل الصلصة الخاصة بالبيزا-
دبس الرمان(اختياري)- تونة(ممكن تستعملي صدور دجاج مقطعه)- ورق زعتر- وطبعا السبقتي..
الطريقة:
اول ما تدخلين المطبخ فوحي ماء وحطيه بالقدر مع زيت وملح وبعد ما يغلي حطي السبقتي...
في هذا الوقت قطعي البصل والثوم وحمريه مع شوية زيت ..
وبعد ما يتحمر البصل نضيف الطماط..ونحركه شوي ثم نضيف الفلفل الاخضر..ونحركهم الى ان يذبل الطماط
ثم نضيف الصلصة ونحرك.. ثم المشروم والشرائح الزيتون
ثم نفك التونة ونزيل الزيت اللي فيها ونضيفها للكشنة ونحركها ونحاول نفككها لكن مو كثير.. نخليها قطع متوسطة الحجم..
نحط ملعقة من دبس الرمان ونرش الملح وورق الزعتر وممكن تضيفي شويه من اكليل الجبل(رزمري) وتحركينها..
في هالوقت بتكون السبقتي جاهزه.. صفيها من الماء وأضيفيها الي الكشنة ولو كانت ناشفه مره زيديها شوية مويه..نص بياله..
وقلبيها الى ان تمتزج السبقتي بالصلصة.. قصري عليها وغطيها..
وجهزي سفرتك وارجعي اغرفيها وزينيها ببقدونس مفروم او شوية جبنة برمزان وقدميها..
وصحة وعافية..
