دقايق بس لكل اخت زوج تعالوا هنا

بسم الله الرحمن الرحيم

السلام عليكم ورحمة الله وبركاته

حبيباتي وربي اني متضاااااااايقه وش ذا كل ما دخلت المنتدى الا وحده تشمي من اخوات زوجها
اللي قالوا لاخوهم يركب مرته نقل ويسافر بهم هم على سيارته <<<< الا صدق اش صار عليها ؟؟

واللي مقهورة عشان اخوها جاب لخطيبته ايفون وجوال

واللي ارسلت لزوجة اخوها رسالة تهديد
واللي طلعت على مرة اخوها وضربتها
واللي تنافق وتحارش بين اخوها ومرته

وهذي بس من امس لليوم



يا عالم اتقوا الله خاااااااااافوا الله

وين الرحمه ووين الحب

اخت الزوج لو كانت هي اللي جاب لها خطيبها كل هالامور او دلعها ما اززعلت

لكن يوم انه اخوها اعطى حلاله لزوجته استكبرتها منه

ليييييييييييييييييه الغيره يا اخوات الزوج ؟؟ لين متى يعني ؟؟

ترى هو ملزوم بزوجته المفروض حتى النفقه يعطي لها من يوم كتب كتابه عليها

والا انتي اليوم عندك ابوك ملزوم فيك وبكره زوجك ولو دلعك زوجك او خطيبك ما ظني بتجين تتشكين انه زوجي جاب لي ايفون والا جاب لي لا ب توب

:mad::mad::mad:


وترى حوبة مرت الاخو ما تتعدى (( المظلوم عموما )) لو دعت عليك وربي تشوفينها عااااااااجلا لانن من الاشياء اللي ربي ما ياخر عقوبتها الظلم


وانتي يا مرة الاخو
المعذرة لا تقطين وجهك في كل شي
والزمي الاحترام بينكم والرحمه لام زوجك
مو زي قبل شوي الاقي وحده كاتبه ان امها صارت شغاله عند حريم اخوانها
خيييييييييييييييييييييييييييييير احنا وين عايشين وين الرحمه بالكبير وربي لو كانت امك ما ترضينها لها صح والا لا


الواجب علينا كمجتمع مسلم
التراحم فيما بيننا

وكنساء

ترك الغيييييييييييره
والبصبصه وش سوى لزوجته وش جاب لها


اتمنى اكون عدلت بين الطرفين

وتراني اخت زوج وزوجة اخو

بس والله ان اخوي وزوجته من حالهم بحالهم
ربي يوفقهم ويستر عليهم

ماعمرنا سالنا فيهم والا عتبنا عليهم اهم شي هم مبسوطين ببعض الله يتمم عليهم ويحفظهم لبعض وش نبغى غير سعادة اخونا ؟؟؟


اللي بترد رد حلو حياها

واللي بترد رد يا كافي فو الله لادعي عليها في جوف الليل

ان اصبت فمن الله وان اخطات فمن نفسي والشيطان