دقوا على زوجي قالوا له خطبنا لك وتعال تزوج في الصيف !!!!

لو اتكلم من هنا لبكره مااقدر اطلع الحرة الي فيني
زوجي شخصيته جدا ضعيفة كلمه توديه وكلمه تجيبه
عشت فترة الملكة من اسوء مايكون بسبب تسلط امه. ياليت امه بس نقول شي طبيعي
أو على الأقل مب مستغرب
حتى زوجه اخوه تتحكم فيه على الطالعة والنازلة
في الملكة ماكان يجيب ولاهديه بسبب ان زوجه اخوه رافضه
طبعا تدهورت الأمور ووصلنا لحافة الطلاق
بسبب تحريضهم المتواصل ان اتطلق. وكل فترة ترشح له بنت تبي تخطبها له من أهلها

فترة الملكة الي يقولون من أحسن الفترات عندي من اسوء فترات حياتي
انحرمت من شهر العسل وانحرمت من زواج مثل الناس
جاته بعثه من عمله لاامريكا قلت جى الفرج
رحنا وياليت انتهت تداخلات امه وزوجه اخوه استمرت عن طريق الواتس اب
زوجه اخوه تعتبره مثل اخوها وتجلس معه وهي كاشفة وعندي عندها تاكل في سفرة وحده
مع زوجي واخوانه
امه والله ماادري شقول أوقات تحسسني انها مهتمه فيني وتسئل عني وترسل وتدق
الي صدمني كنت باخذ صورة من الواتس اب لزوجي وكانت محادثته مفتوحه مع امه
شفت سب وشتم لي ولاهلي يشيب الراس
تالي كاتبه امسح الكلام قبل ماتشوفه زوجتك ؟؟؟؟؟ الغريب كان وقتها راسله لي تسئل عن اهلي
وتقول سلمي عليهم
الحمد لله كسبته في الغربة وحياتنا الحمدلله جميلة

امه دقت عليه قالت له أنزل خطبنا لك وباقي التحليل. والي خطبت لك زوجه اخوك
والبنت قمر أحسن من زوجتك
هو انصدم ورفض وقال أنا مرتاح معها
صارت مشكله وارسل له ابوه كلام يسم البدن وأمه ماقصرت
وزوجه اخوه تحرضه
قال اخرتها بينهدم بيتي ولااقدر استقر
حذف الواتس اب وغير رقمه
وقطع كل اتصال معهم فترة مؤقته
صاروا يرسلون لي خلي فلأن يكلمنا خليه يدق وحرام يقطع علاقته في امه وابوه
قلت في نفسي يعني مب حرام تخربون بيتي وتهدمون حياتي!
فيهم كمية نفاق غير طبيعية مع انهم ملتزمين دينيأ قدام الناس

المشكلة كل اتصال أو تواصل معهم لازم غصب يبون يكرهونه فيني
ماني متخيله في ناس بهالشر والحقد. زوجه اخوه كانت تبيه يأخذ وحده من بنات أهلها وهو رافض
ماني قادرة اتعايش معهم أو اتحملهم