دقّووووس ولا أحلي

السلام عليكم

مرحبا بنات ,,
اليوم فكرت انزل لكم موضوع خفيف ولذيذ عاد لاتكسرون خاطري :22:

هذا الداقوس ينفع للكشري والبرياني وحتي العيش الأبيض أو المجبوس انا استعمله حتى للمكرونه :42:

المقادير :
خل أبيض
كمون وملح
فلفل اخضر حار كمشه
بصله متوسطه مفرومه
حبتين ثوم كبيرتا الحجم
زيت
ثلاث حبات طماطم
صلصة كنور الكرتونه


الطريقه
تقطعين الفلفل الاخضر طوليا بس لاتفصلينه عن بعض وتفورينه في ماء
تحطين بالخلاط نص البصله المفرومه والطماطم وفص ثوم واحد ,, تخرجين الفلفل بعد مايذبل وتضيفينه لهم وتخلطينهم
تهرسي فص الثوم الباقي وتقلينه في زيت لين يصير قريب البني تضيفين عليه باقي البصل وتحمسين لين يصير اللون ذهبي تضيفين عليه ثلاث او اربع ملاعق خل ابيض وتخلينهم يمتزجون
تضيفين الطاطمم وماء الفلفل مع الصلصه تضيفين شويه ملح وشوية كمون وتخلينه يفور لين تكثف

على فكره تراه هذا الدقوس ملهلب وفيه حموضه رووووعه

وبالهناء والعافيه