دقيقة من فضلك..تعرفين باب من أبواب الصدقة ..دليني عليه..

السلام عليكم ورحمة الله وبركاته
أحبكم :26:.. ذبحتينا :09:..
شوفوا خواتي اللي مايحصل لها تتصدق بمال يعني صعب تروح البنك وكذا ..أدري السبل كثيرة ..والدين يسر

بس أبيكم تفوزون بكل خيرات هالشهر..الرسول عليه الصلاة والسلام كان بالصدقة في رمضان كالريح المرسلة..

هذا في صحيح البخاري أصح الكتب بعد كتاب الله..وكلن وجهده..شوفوا الناس درجات بالإجتهاد كما ذكرابن القيم

رحمه الله ..الأولى:جهده ضعيف ومقصر لايرقى لتكفيركل الصغائر..

الثانية:جهده متواضع يكفرالصغائر فقط..

الثالثة: من كثرإخلاصه وعمله وخوفه من الله بإذن الله تكفركل الذنوب ..فالإنسان يجتهد وأجره على الله ..والله كريم..

لذلك الحبوب أرميها بحوشكم :) ماعندي حوش بشقة عند الشباك للطيور:icon28: ..اللي عندها حساب بنك

الراجحي رقم 5 الجمعيات الخيرية ..ماعندنا حساب اللهم زدنا من فضلك ..عندك جوال؟ تعالي..


وأزيد تو وصلتني رسالة 5050 جمعية الأطفال المعوقين 40 هللة بس..سبحان الله أفضل الصدقة لو أنتي أصلا محتاجة

وتصدقتي لرضا الله..

واللي تقدر فيه حفربئر تروحين للبنك طيب وتسوين شيك بمبلغ 3000أو 5 أو 7 أو 1000لهيئة الإغاثة الإسلامية

وترسلينها لهم بريد فدكس أو عادي مع خطاب فيه بياناتك وش تبين بالضبط أنا سألت عن 10000الدول اللي محتاجة

أندونسيا..بنجلادش..نيجيريا..الكينيا..النيجر..مالي..

هذي أرقام هيئة الإغاثة اللي كلمتهم:026515411
026512333
وأعتقد هذا الرقم اللي عندهم الموضوع/026574000

فيه دفاتراستقطاع عند البنك كفالة أيتام وأكتبي المدة مفتووووح حتى لو تخلينه ريال..ولاتنسين والدينك..فيه

استقطاع صدقة جارية..للجمعيات المعوقين,مرضى السرطان الله يكفينا شره,الكلى ...

تقدرين عن طريق النت تسجلين بموقع البنك وتحولين لأي مكان تبغين..

فيه مشروع اسمه مشروع الخيرالشامل سمعته بإذاعة القرآن الكريم..إبداع قليل عليه

http://www.gg.org.sa/cmm/main?title=%D8%A7%D9%84%D8%B5%D9%81%D8%AD%D8%A9%20%D8%A7%D9%84%D8%B1%D8%A6%D9%8A%D8%B3%D9%8A%D8%A9

اللي ماعندها وماتعرف للنت..تدخل الموقع طيب وتختاروتأخذ رقم الحساب أنا بالنسبة لي الراجحي بالتفون أو الجوال

أسوي إضافة مستفيد ويرسلون لي رسالة باسم الجهة يعني أتأكد تمام وأرسل وهذا من فضل الله..

بالصرافه إن رحتي للسوق..عمال النظافة اللي يملون المجمعات..

باقي أكل زي ماقالت أختنا كرتون وللغنم..أو أحد عنده غنم..

وأبقولكم الله رزقني بكلاب هههههههههه:p قدام البيت بعيد ألف السفرة وأرسلهم يرمونها عندهم..

اللي ماتلقى شيء أبد أذكرحديث بما معناه أنه واحد مالقى شيء أبد يتصدق به قاله الرسول ولو أن تلقى أخاك

بوجه طلق

فقد أخرج مسلم في صحيحه من حديث أبي ذر رضي الله عنه قال: قال لي النبي صلى الله عليه وسلم: لا تحقرن من المعروف شيئا ولو أن تلقى أخاك بوجه طلق.

وفي رواية عند أحمد من حديث أبي جري الهجيمي قال: أتيت رسول الله صلى الله عليه وسلم فقلت: يا رسول الله إنا قوم من أهل البادية فعلمنا شيئا ينفعنا الله تبارك وتعالى به، قال: لا تحقرن من المعروف شيئا ولو أن تفرغ من دلوك في إناء المستسقي، ولو أن تكلم أخاك ووجهك إليه منبسط، وإياك وتسبيل الإزار فإنه من الخيلاء والخيلاء لا يحبها الله عز وجل، وإن امرؤ سبك بما يعلم فيك فلا تسبه بما تعلم فيه فإن أجره لك ووباله على من قال. قال شعيب الأرناؤوط: إسناده صحيح.

أحيانا تكون الوحده تعبانة وماهي طايقة نفسها..

وصلتني اليوم هذي الرسالة :تحل بإخواننا في الدين في الصومال الآن كارثة كبرى وهي مجاعة شديدة راح ضحيتها الآلآف من المسلمين بل حتى المواشي والأنعام هلكت!

والندوة العالمية للشباب الإسلامي فتحت باب التبرع لإغاثة أخواننا ولايستقبلون إلا النقد ولمعرفة أقرب فرع اتصل على الرقم المجاني 8002443300(والصدقة وقت الحاجة وشدة المجاعة أفضل من عمرة التطوع,لأن نفع العمرة قاصرعلى صاحبها,والصدقة على المحاويج والجياع يتعدى نفعها ) وللأمانة خواتي مااستفسرت ..

لاتنسون كلما زادت النوايا زاد الأجربإذن الله ..في الحديث الصحيح الذي ورد في البخاري"إنما الأعمال بالنيات وإنما لكل أمراء مانوى..."

أبيكم تصيرون أقوياء بكل شيء النية الإخلاص العبادة القيام الصيام الصدقة "المؤمن القوي خيروأحب إلى الله من المؤمن الضعيف وفي كل خير"..

صح نسيت أقولكم تذكرون قصة الرجل اللي رأى به رجل من الكويت وهو كان من الرياض يبشره بالجنة وتكررت عليه الرؤيا وأتصل على

الشيخ بن باز الله يرحمه وقاله بشره وراح للرياض وبشره تدرون وش كان يسوي يقسم راتبه بينه وبين أرملة ..اللهم زدنا من فضلك..

أمممم وش بعد ..أنتظرررركم:heart: