دقيقه من هذه الدنيا ولكم الاجر

السلام عليكم




مرحبا اخواتي ان شاءلله انكم في خير وبخير


بادخل في موضوعي


من امس العصر

وانا اعزي من بيت لبيت


اول بيت رحناها هنا في مكه عزينا بيت صاحب اخويه مات ابوهم الله يرحمه


وبعدين رحنا على جده نعزي بنت عمة امي ماتت ورحنا نعزي بناتها وكان اخر يوم وصراحه صراحه

يقطعوا القلب المجلس كبير ماشالله ومليان حريم والله والكل يبكي مع المحاضره
وبناتها سته طايحات من البكاء مو قادرين يستوعبوا


بكينا معاهم لدرجه قومنا من عندهم ورحنا غرفه ثانيه ماقدرنا نتحمل انا وزوجة اخويه


وتعرفوا بيت اهل العزاء يكون مليان وماتدري وين تجلسي ماشالله


طبعا الي ماتت سووا عزاها في بيت اخوها


ولما دخلنا غرفة البنات لقينا بنات اخو الحرمه الي ماتت يبكوا بكاء مو طبيعي حنا قلنا عشان عمتهم ماتت


لكن طلع انهم يبكوا على بنت جارتهم عمرها 15طلعت اتغدت معاهم ولعبت وضحكت ونزلت بيتهم وقالت راسها يصدعها

ونزلوا يقروا عليها واخذوها المستشفى وعلى طول ماتت

يمكن بعدا الغدا بساعه ابوها ميت وامها ماعندها الاهي واخوها والله امهم لاتسالوا عن حالها مسكينه ماقول الا الله يرحمها ويغفر لها
فوق عزا وتحت عزا


جلسنا عندهم طولنا لانهم فرشوا للرجال عشاء في الحوش ومايقدروا الحريم ينزلوا
وبمجرد خلص العشاء نزلنا ورحنا بيت ثالث نعزيهم تصير خالة زوجة اخويه


ورحنا عزينا شوي ورحنا على مكه ووصلنا بيتنا في الليل

الحمدلله كسبنا اجر

وكل الي ذكرتهم ماتوا موت الفجاءه

الله يرحمهم ويغفر لهم


حوائيات خلينا نقرا عليهم هذا الدعاء ويالله رحمتك


دعاء الاموات00000للجميع

كم منا من فقد اب او ام واههههه من فقدة الام


كم منا من فقد اخ تربا معه سنين طويلة ومن ثم جاء القدر لياخذه الى دينا الاخرة.

كم من اخت فقدت الحديث معا اختها تحت سقف واحد يتحادثون لبعضهن

ما اجمل من كان يستمتع با احاديث الجدة والجد.

واه اه ه ه ه ه ه من فراق الصديق والحبيب.

احببت ان اكتب هذا المقال لنتامل من كانوا هنا بالامس واصبحنا نذكرهم اليوم وسياتي الغد وانس اخرى سيكون عليها الدور لتذكرنا وهكذا الى يوم القيامة.

لكن لماذا لا نعطي دقيقة واحدو وندعوا لامواتنا لعلنا نرد لهم شي من كثير وخاصة الام والاب .

ربما يكون هذا الدعاء مستمر لاجيال قادمة وحتى لو كان لايام قادمة فما المانع. علينا ان نتذكر ان الله يستجيب للدعاء ويقبل اقل الصدقة فيا كريم يا الله اليك نبتهل بهذا الدعاء



اللهم اغفر لجميع امواتنا و اجعل موتتنا على توبة و شهادة امييييييييين يا رب العالمين ...]]]]]

قولو امين



المصدر: http://www.mbt3th.us/vb/forum5/thread477.html#ixzz1PgPKcRAR
حفاظاً على حقوق الكاتب نرجو عدم حذف المصدر مبتعث




الدعاء فقط منقووووووووووووول

ويارب قنعنا من هذه الدنيا و اجعلنا من عبادك الصالحين يالله ياغفور يارحيم