هلا فيكم حبيباتي
الكثير منكم يعاني من غلا الاسعار
برضو نعاني بكثره من استهلاك الدقيق للكيك والفطاير وغيره
فقريت وسمعت ند دقيق الصوامع وقالوا لي موجود بالقصيم
احترت من وين ومن اوصي يجيبه لان مالي معارف بالقصيم
فقررت اني اطلب من زوجي يوصي زميله بالعمل يجيب معه من القصيم
لكن الحمدلله قاله برضو زميل له اخر بالعمل تحصله في اسواق بلشرف بالرياض
رحت لهم من كم يوم قالوا خلص وطالبين طلبيه
ورحت اليوم والحمدلله حصلته
صح مو بياض الدقيق الكويتي لكنه ابيض
وانا من كثر ماسمعت مدح فيه من بنات المنتدى اخذت كيس
وقسمت كل 4 او 5 كاسات في كل كيس
وطلع لي تقريبا 50 كيس
ووزعت على بعض الحبايب
وهذي الصور معكم
وهناحطيت دقيق الصوامع على يمين الصحن والدقيق الكويتي على يساره حتى تشوفون فرق البياض
ومعذره لرداءه الصور لاني اصور لكم من جوالي
وان شالله راح اجربه بكره وراح اخبركم بالنتايج كتابه وصوره:30:
دعواتكم