دكتورة:والخبيرات طلبتكم ساعدوني بمشكلتي الله يرحم والديكم

السلام عليكم ورحمه الله وبركاته


بدخل بالموضووع على طوول واتمنى من الله سبحانه وتعالى القى الحل عندكم وارتاح من همي



مشكلتي :.

لي ولد يدرس صف سادس ابتدائي والين هالحين ياخواتي يتبول على ملابسه بالليل

كل ليله تخيلوو حتى مقدر ازور احد ونام عندهم بسبب هالمشكله

والضعيف والله يوم صارخت بوجهه قال ياماما انا بعد اعاني ويحلف مايدري عن نفسه
والله ياخواتي من المغرب امنع عنه شرب اي شي بس بمجرد ينام بعده دقايق يعني حوول ساعه نص ساعه يتبول__ اكرمكم الله
ومرة هاوشته قام يبكي يقول ياما انتي تبين تعقديني بهال شي كل يوم تقولين انت تبول وانت نايم

بالله عليكم وش اسوي

ومرة ترقدت بالمستشفى وخليته عند خالتي ام زوجي ويوم طلعت من المستشفى رحت عندها علشان اخذه وطلع لبيتي الا هي تقول قدام بناتها ست والغرفه مليانه حريم كان عندها جمعه حريم
تقول قدامهم ام الوليد مرة ثانيه جيبي معك حفايظ للوليد لانه يبول تتشمت عند الحريم والله تمنيت الارض انشقت وبلعتني ولا اسمع هالكلام الله يسامحها

والله كل ليله مانام افكر وشلون اولد وتركه عندها لاني اهلي مو بنفس المنطقه اللي انا فيها

دكتورة بنات طلبتكم اللي عندها حل لمشكلتي تقولي

يعني عشبه اي شي لاني قربت اولد وربي يابنات الحين اكتب قصتي وابكي مابي احد يتشمت فيني وفي عيالي

ادري طولت عليكم بس مافي احد اعلمه باللي فيني الا انتم الله يجزاكم الجنه



طلبتكم لا تردوني ولا تبخلون علي بخبراتكم


والحين انتظركم تردون علي وتجبرون بخاطري

:( :( :(