نقلته لعييييييووووووووونكم
السلام عليكم و رحمة الله و بركاته http://files.*******.com/smilies2012/smiley-smile.gif
ازيكوا يابنات يارب تكونوا بخير دا اول موضوع ليا هنا فى المنتدى حبيت افيد بيه البنات خصوصا انه فى مجال شغلى هتكلم انهردا عن اشعة الصبغه على الرحم و الانابيب اللى هى HSG اللى هى اختصار ل
Hysterosalpingogram
تعتبر اشعة الصبغه من الفحوصات المهمه اللى بتبين سبب تأخر الحمل http://files.*******.com/smilies2012/smiley-sad.gif
عاوزين نتابع مع بعض خطوه بخطوه من اول لما الدكتور بيطلب منك الاشعه لحد لما تروحى مركز الاشعه و تعمليها من غير لا خوف و لا قلق .
اول حاجه عاوزين نعرف ايه اهمية اشعة الصبغه اللى هتعمليها دى بالنسبه للدكتور يعنى بمعنى تانى ليه الدكتور طلبها منك ياترى هتبين ايه
اولا بتبين مدى سلامة الرحم و خلوه من الالتصاقات لان الالتصاقات دى بتأثر بالسلب على عمل قنوات فالوب .
ثانيا بتوضح هل الرحم فيه اورام او ألياف .
ثالثا بتعرفنا هل الرحم فيه عيوب و لا سليم و كمان بتوضح شكله لو كان غير طبيعى يعنى لو رحم ذو القرنين او الرحم المنقلب او الرحم المنقسم بحاجز .
رابعا بتوضح هل فيه انسداد فى قناتى فالوب و لا مفيش .
خامسا بتبين فين مكان الانسداد بالظبط .
سادسا و اخيرا الاشعه دى مش بس لها دور تشخيصى لا دى كمان لها دور علاجى مهم اوى سمعاكى ياللى بتسألى ازاى ؟؟؟
هقولك لان مرور الصبغه خلال الانابيب بيفتح الانابيب لو كان فيها انسداد .
لحد كدا فهمنا احنا هنعمل الاشعه دى علشان نبين ايه و هنستفاد منها فى ايهhttp://files.*******.com/smilies2012/smiley-agree.gif طاب خلاص اقتنعنا اننا هنعملها علشان مهمه و مش هنخاف و لا هنقلق طاب تيجى نحدد المعاد اللى هنعمل فيه الاشعه .
تانى حاجه عاوزين نعرف المعاد اللى تتعمل فيه اشعة الصبغه
طبعا انسب معاد تتعمل فيه الاشعه دى هو بعد انتهاء الدورة و قبل حدوث التبويض (يعنى امته )
من اليوم الرابع حتى اليوم السابع بعد انتهاء البيريود .
يعنى على سبيل المثال البيريود استمرت 4 ايام و خلاص غسلتى و صليتى تستنى 3 ايام و اليوم الرابع او اليوم الخامس او اليوم السداس او اليوم السابع تروحى علشان تعمليها
انا بفضل انها تتعمل خلال اليوم الرابع او اليوم الخامس بعد انتهاء البيريود.
تمام كدا حددنا المعاد............. و حان اليوم الموعود http://files.*******.com/smilies2012/smiley-pray.gif
تعالى يا حلوة هاتى ودنك و ركزى معايا ... خايفه http://files.*******.com/smilies2012/smiley-sad.gif... قلقانه http://files.*******.com/smilies2012/smiley-shouting.gif... مرعوبهhttp://files.*******.com/smilies2012/smiley-cry.gif...طاب ليه كل دا الموضوع و الله ابسط من كدا بكتيييييييييييييييير احب اقولك متديش ودنك لواحده تقعد تخوفك و تضحك عليكى و تقولك دا انتى هتروحى هيطلعوا الرحم بره و كلام افلام كتير كدا طاب بالعقل كدا هنطلعه بره ازاى .
طاب بالمناسبه واحده جات تعملها قالتلى دول قالولى انكم هتطلعوا الرحم برده قلتلها انا نفسى اعرف مين اللى قالولك دول قالتلى بجد انتوا هتطلعوه قلتلها خلاص احنا فعلا هنطلعه و نحطه جنبك هنا على الترابيزه و بعد لما نخلص هدخلهولك تانى و الله يا بنات قعدت تضحك على نفسها http://files.*******.com/smilies2012/smiley-shiningsmile.gif.
طاب تعالوا نفهم مع بعض ايه اللى هيحصل بالظبط علشان محدش يضحك علينا و لا يخوفنا http://files.*******.com/smilies2012/smiley-laugh.gif
اولا هتختارى مكان كويس و ثقه و هتتصلى علشان تعرفى تمن الاشعه و كمان علشان تعرفى مين اللى هيعملك الاشعه يعنى دكتور و لا دكتوره فيه ناس كتييييير بتفضل دكتوره و كمان علشان تكونى مطمنه و فيه ناس تانيه النقطه دى مش بتفرق معاهم كتير .
تمن الاشعه بيكون فى حدود من 205 جنيه ل 280جنيه حسب المكان دا من غير تخدير و دا الافضل ... لان الموضوع مش مستاهل تخدير ... بس فيه حالات مش بيناسبها غير تخدير و فى حالات التخدير زودى على التمن الاساسى حوالى 100 جنيه .
فتوكتى حبيبتى جمدتى قلبك و روحتى و حجزتى
طاب قاعده مستنيه ايه ؟؟؟
اه تمام يلا بينا نحضرك ...........
فيه بنات دماغها راحت لبعيد و تحضير العفاريت و كدا لا يا حبيبتى اقصد يجهزوكى هههههههههه مش اتفقنا بلاش خوف .
وقت التحضير دا اقصد التجهيز بيكون حوالى 30 دقيقه او 45 دقيقه ...
خلال الوقت دا هتاخدى مسكن زى بسكوبان( دا بيكون مضاد للمغص و يخفف من الالالم و التقلصات و دا كمان بيستخدم فى حالات التشخيص و العلاج بالاشعاع)
هما كمان خلال الوقت دا بيعقموا الالات اللى هيستخدموها فى الفحص و كمان الجهاز اللى هيصوروا بيه
سمعاكى يا فتوكه ياللى بتقولى ايه الالات دى ؟؟؟
طاب ياستى متزعليش تعالى اعرفك
اولا منظار لفتح المنطقه ... casco speculum .
ثانيا ملقط خاص لمسك عنق الرحم ... forceps .
ثالثا انبوب خاص يدخل فى عنق الرحم علشان ندخل بيه الصبغه يعنى مش بنشك بالسن و لا حاجه
رابعا ساوند علشان لو عنق الرحم احتاج توسيع علشان يكون من السهل ادخال الانبوبه الخاصه اللى بيدخل من خلالها الصبغه .
خامسا الصبغه اللى هنحقنها .
سادسا السرير اللى هتنامى عليه .
سابعا و اخيرا جهاز الاشعه ال x-ray .
نيجى لخطوات عمل الاشعه بالصبغه
اولا تخفف المريضه هدومها و تلبس الجاون حاجه كدا شبه البالطوا بس بيتلبس بالعكس يعنى من ادام.
ثانيا تنام المريضه على ظهرها و فى نفس وضع الولاده لحد كدا تمام مش عاوزين لا خوف و لا قلق لحد كدا مفيش اى حاجه تخوف و بعدين احنا جامدين اه جامدين اوى يعنى .
ثالثا الدكتور بيفحص المريضه علشان لو كانت بتعانى من التهابات يعنى فحص خارجى .
رابعا ادخال الcusco speculum اللى هو المنظار المعدن بتاع كشف النسا و ترخى عضلاتك لحد كدا تعتبر نص الاشعه خلصت .
خامسا الطبيب بيعقم عنق الرحم و لو عنق الرحم محتاج توسيع بيتم توسيعه باستخدام الساوند و فيه حالات كتير مش بتحتاج توسيع و لا حاجه و على حسب حجم عنق الرحم بنستخدم الكانيولا المناسبه
يعنى مثلا لو عنق الرحم فتحته صغيره اوى هستخدم كانيولا رفيعه اوى و لو عنق الرحم فتحته كبيره هستخدم كانيولا كبيره علشان مش يحصل تسرب للصبغه بره اثناء الحقن كل اللى خطوات دى مش بتاخد اكتر من 3 او 4 دقايق بالكتير .
سادسا حقن الصبغه و عملية الحقن بتتم على 3 مراحل
اول مرحله بنحقن 10 سم و بعدها بيتم تصوير اول فيلم و ملحوظه مهمه اوى لحظة التصوير بتكتمى نفسك و مش تتحركى خالص علشان الصور تطلع حلوه و مش مهزوزه و ايدك بتكون بعيد عن بطنك علشان مش عاوزينها تطلع فى الصوره .
تانى مرحله بنحقن 5 سم و بناخد الصوره التانيه .
ثالت مرحله بحقن اخر 5 سم و بناخد الصوره التالته .
بكدا بيكون عندنا 3 صور طبعا عمليه الحقن و التصوير مش بتاخد وقت لان التصوير ورا بعضه و بيستغرق حوالى 3 دقايق .
سابعا الدكتور بيروح يطمن ان الافلام تمام و زى الفل و بيرجع علشان يشيل الالات و بعد لما بيشيل الالات بيمسحوا الصبغه اللى تحتك و بيتم تصوير اخر فيلم الرابع من غير اى الات .
ثامنا كدا الاشعه خلصت خلاص انتى ماصدقتى هتنزلى جرى و هتقعدى تتنططى و تفرحى و تقولى هيييييه هيييييه خلصت و بعد حوالى 10 دقايق هتستلمى الاشعه و كمان التقرير .
ملحوظة مهمة ...لو بتعانى من التهابات ياريت بلاش تعملى الاشعه الا لما تتعالجى منها الاول علشان ممكن الالتهابات تنتشر و تدخل فى الانابيب و تعملك مشاكل احنا ممكن نبعد عنها .
موضوع الحساسيه لمادة الصبغه نادر جدا انه يحصل لان الحقن بيكون موضعى .
طبيعى انك هتحسى بشوية الم بسيط زى الم البيريود اثناء الحقن ممكن يستمر معاكى شويه مش كتير و ممكن يروح بعد الاشعه علطول .
منقوووووووووووووووول
يكفينى الادويه متعبه نفسيتى