أ نا اللي اعرفها ورحت عندها الدكتوره سعاد اللي في دبي ماشي غيرها
واسعارها (150) للأستشاره اما العلاج والجلسات على حسب بس أكيد أكثر من (150)
ولازم تحجزين موعد والله يعينج على الزحمــــــــــــــــــــــه
وأي سؤال أنا في الخدمه باللي أعرفه طبعا

:27:

ام غيداء-1
:26:


كلبوزه
أختي نصيحتج عن تجربة واللا بس سامعة عنها؟؟


من جميرا
أختي بغيت أعرف اسم الدكتور علشان أسأل عنه..


alamoora
أختي تعرفين حد جرب العلاج وياها أو سوا ليزر حق النمش..


ام عقوص
شكرا على نصيحتج اللي بنفس الوقت خوفتني من التعامل مع الليزر...


شــ العيون ــوق
أختي ممكن أعرف عن شو تعالجتي...وهل فادج العلاج...وكم مدته ...وكم كلفج...أدري ان أسألتي وايدة بس تعرفين الوحدة ما تغامر ببشرتها أول تسأل عن كل شيء..

الاخت أم شماء

بالنسبه للنمش علاجه التقشير....بس اكيد اتسوينه عند دكتور لأن التقشير عباره عن بقع صطحيه على البشره لكن آثار الحبوب الي اتكون اصعب لنها اعمق انا اعرف وايدات سوا تقشير وفادهم حتى اللي في الصوالين والله شغلهم اضبط من دكاتره الجلديه اللي استوا هدفهم مادي وها الشيء المفروض الدكتور ما يتبعه لنه عيب في مهنه الطب....

وانا وحده عن تجربه والله ما اقص عليج وربي شاهد
سويت سنيتن ليزر عند سباثيرا
واربع جلسات عند مركز ضيافه الصحي لن قالوا لي جهاز الليزر اللي عندهم الاغلى و الاحسن وما شيء منه في الامارات الا عندها سويت 4 جسلان عقب غيرت الجهاز لنه غالي ومالحقت اتغطي مصارفيه وما لحقت استفيد وشفت الجهاز نفسه عند د.كاداري
وآخرتها عند د.فاطمه مدني حسبي الله ونعم الوكيل

اختي انا وحده فيه شعر ناعم بس طويل من التشقير وحولوني اللى شعر غامق اسود بس الحمد لله تلاحقت عمري و الله ما في احسن من الشمع بس الشمع الاجنبي مب مال الجمعيات

وشكرا

وعلى فكره الحين اخسر بيزاتي على فيشل وكريمات غاليه وادور لي مكان اسوي لي تقشير من البقع البنيه اللي استوت لي من الليزر بس اختي انا سمعت اللي سوا الليزر في اوروبا و امريكاغ غير من بالكثر 3 جسات اللي كان شعرها مثل لحيه الريال ردت طبيعيه لنهم يعالجون بصدق مب هني يغشونا وطريقه استخدام الجهاز عنا مب صحيحه لو هناك امخربين ويهه الاجنبيه على طول ترفع قضيه عليهم لكن نحن حقوقنا مهضومه يا الله بس اشكي عند رب العالمين

السلام عليكم...
شخبارج ياأختي الغالية...
أنا رحت عند الدكتوره سعاد في دبي وسويت عندها جلسات ليزر
عشان الشعر الزايد بالوجه
وكانت أمي معاي عشان الكلف
بالنسبه لي الحمدلله وايد العلاج كان زين
وأما بالنسبه للوالده ما استفادت شي
وبالنسبه للسعر.....؟!!!!
الاستشاره 500 درهم
وكل جلسه علاج 500 درهم
أذا حبيتي اعطيج رقمها تراه موجود
وبدليج العنوان أذا حبيتي تزورينها
بس لازم شي......؟؟؟؟؟؟؟!!!!!!!
تكون ميزانيتج قويه
ولا تروحين لها كل اول شهر يكون افضل
واسمحيلي يالغاليه بس اتمنى تكونين استفدتي شي من هل معلومات اللي
عطيتج.............
مع السلامه حبيبتي......:27:

ام عقوص
شكرا عزيزتي على التوضيح...أختي سمعت عن عيادة أوباجي في الشارجة انهم يسوون تقشير روعة حق البشرة..شو رايج سمعتي من قبل عنهم..

وياريت أي وحدة تعرف شيء عن أوباجي تخبرني..

سحــابه
أختي أنا ناوية أول شيء أعالج النمش وعقب الشعر الزايد..ياريت تطرشين لي رسالة خاصة فيها رقم تيلفون الدكتورة وعنوانها ..وكم كلفج العلاج كامل..