انا حاليا اتابع في قوى الامن وهذا اول حمل لي ومن اول ما اتصلت عليهم واخذت موعد حطوني عند الدكتوره اللي في الغرفه 2
وفعلا ما تتكلم ولا تخليني اسال وطلبتهم يغيرونها لي بس ولا ردوا علي بس احسها عارفه وش تسوي.. ولا اعرف دكتوره غيرها لان هذي اول مره اروح لهم

انتي باي شهر ومتى موعدك؟؟

راجعت عند قوى الامن ثلاث مرات بعيالي الثلاثه
انفسهم براس خشومهم ولا يعطونك اجوبه
حتى المستشفى الكبير يحولونك بكل مراجعه على دكتوره شكل تمرين على جميع الجنسيات
ولا تتحرين منهم اي اجابه على اي سوال خصوصا السونار
بس مره انا راجعت عند وحده سعوديه عسل اسمها حصه الجبر
تعطيك معلومات بالتفصيل عن حالتك وبعدها تتحولين على المتدربات الي تحتها
ما ترجعين عندها مره ثانيه
وكل مره اطلبها ولا تحصل لي يكتبون اسمها على كرت المراجعه بس تدخلين على الطبيبات الي من تحتها وتحت اشرافها
والله يسهل علينا وعليك ويسهل ولادتنا ياااارب

شوفي حبيبتي فيه وحده اسمها دكتورة منى واتوقع سورية وعلى ما ظن غرفتها 7 مااقول لك انها روعه لكن لو تطلبين منها اي تحليل تعطيك وتسمعك نبض الجنين وطيبة لكن طبيعتها هادية وبالنسبة لتغيير الدكتورة روحي عند الاستقبال وانتي تجددين الموعد واطلبيها او من التلفون اطلبيها

اتمنى افدتك

من ناحية الاسئلة لا تحترين الدكتوره تسأل عن شي هي عارفته انتي اللي المفروض تسألين وتجين الموعد وكاتبه اسئلتك في ورقه حتى الدكتورة تقدر اهتمامك وترد على استفساراتك اما اذا انتي ساكته بتحسبك منتي مهتمه لانهم تمر عليهم اشكال كثيره وفيه ناس ماشيه بالبركه

في قوى الامن فيه دكتوره حصة الدهامي بس ما تشوف الا الحالات الصعبة و امراض سن اليأس
فيه دكتوره سارة بهجت رحت لها كذا مره حبوبه مره لكن ما تابعت معها حمل قبل كذا وفيه دكتوره ناهد و دكتوره روضه سمعت عنهم انهم كويسات

الله يعطيكم العافيه يارب
وجزاكم الله خير